胡杏兒老公被嘲世紀軟飯王 夫妻反擊：「有幾間公司，可以隨時Hea」

藝人胡杏兒與老公李乘德婚後有3子，之後杏兒仍經常到內地發展演藝事業，老公則經常喺IG上載湊仔相。喺最新一則帖文，有網民留言直斥李乘德係「世紀軟飯王」，獲夫妻兩人親自回應反擊。

Photo from 胡杏兒 微博

胡杏兒與李乘德於2015年結婚，並育有3子，雖然杏兒常「兩地走」到內地掘金，但一家五口生活幸福。李乘德亦常於社交平台上載家庭玩樂照分享喜悅。

Photo from 李乘德 IG

日前，李乘德於IG上載了一輯同兩個仔仔喺雨中散步嘅溫馨照片，卻惹嚟部分網民留言直指佢食軟飯：「你真係世紀軟飯王，犀利過袁偉豪。日日喺度湊仔玩樂，老婆就生仔前後都要喺大陸辛苦拍戲。陰功。慘過生仔機器，又要生又要為生活拼搏。你間酒吧去咗邊？」

Photo from 李乘德 IG

Photo from 李乘德 IG 評論

李乘德隨即回覆：「多謝關心。可能你唔知，本人用心做嘢做咗幾十年。現在有幾間公司，條隊唔算好大，得幾十人。但托賴，今年的生意唔錯，可以畀到少少時間我陪小朋友。家庭和小朋友係最重要。希望你都會明白，酒吧仍然喺度，多謝關心。得閒落去飲杯嘢。我請。祝你健康開心快樂。」

Photo from 李乘德 IG

而胡杏兒亦親自以英文長文力撐老公，指低調嘅老公因自己才會公開IG向粉絲透露一家人近況，而且基於員工私隱，老公唔會公開其工作情況。

Photo from 胡杏兒 微博

Photo from 李乘德 IG 評論

但杏兒向大家保證，老公早喺認識自己前努力工作，一早事業有成，所以現時佢大可以選擇減少工作。現時因自己常到內地工作，所以老公選擇負起同時兼顧事業及照顧兒子們嘅責任。

Photo from 李乘德 IG 評論

杏兒表示要感謝老公令自己可以繼續喺事業上打拼，李乘德亦以英文回覆：「嘩！多謝李太太，自從你同我一起後，英文進步了！」對此，不少網民都大讚夫婦二人EQ高。

Photo from 胡杏兒 微博

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）