download HolidaySmart 假期日常 app
陳嘉倩主持東奧表現被網民批評!網民列出4大難頂原因:大牌/做第三者?!

陳嘉倩主持東奧表現被網民批評!網民列出4大難頂原因:大牌/做第三者?!

娛樂新聞
By Stephanie on 11 Aug 2021
Digital Content Writer

前無線新聞主播陳嘉倩,因甜美外表曾經被網民稱為「嘉倩BB」。然而,最近佢有份於ViuTV做東京奧運主持,表現卻俾網民批評;而身處台灣嘅杜汶澤仲公開話佢係「香港電視史上最作狀嘅女人!」,令飽受輿論壓力嘅陳嘉倩就於IG發長文訴苦!

陳嘉倩IGPhoto from 陳嘉倩IG

陳嘉倩近年成功由主播轉型成為KOL兼藝人,經常都會上唔同嘅節目做嘉賓。最近,佢就獲ViuTV邀請於東京奧運期間擔任主持人。而東奧閉幕當日,ViuTV就邀請咗MIRROR加ERROR 16子,連同港隊羽毛球混雙組合謝影雪、陳俊文做嘉賓,陣容鼎盛!

陳嘉倩IGPhoto from 陳嘉倩IG

陳嘉倩IGPhoto from 陳嘉倩IG

不過,唔少網民都對陳嘉倩嘅主持功力感到不滿,認為佢表現得唔夠專業,十幾日奧運賽事中完全冇做資料搜集,只係充當「花瓶」角色:「根本一個小花讀字機器」、「得罪講句…放嘉倩落去做奥運係害咗佢~條友真係唔識運動㗎 全程17日作用為零」。

陳嘉倩IGPhoto from 陳嘉倩IG

連登討論區Photo from 連登討論區

其中司徒夾帶就上載咗東奧閉幕當日,保琦趁陳嘉倩講嘢時搞怪攝鏡嘅畫面,並附上「彈開啦你!夠膽搶我陳小姐鏡,仲黐到咁埋,想死」,表達對嘉倩BB嘅愛慕之情~

司徒夾帶FBPhoto from 司徒夾帶FB

然而,司徒夾帶嘅post就引起網民們嘅熱烈討論,唔少人都留言批評陳嘉倩嘅主持表現。就連身處台灣嘅杜汶澤都忍唔住留言,並上載咗裁走陳嘉倩,只剩下保琦嘅圖片,表示「咁樣順眼好多!」。之後,佢又再留言「至少無咁作狀」、「陳嘉倩真係香港電視史上最作狀嘅女人」,而佢嘅留言獲唔少網民附和,似乎大家都幾認同佢嘅講法。

司徒夾帶FBPhoto from 司徒夾帶FB

不過亦有網民支持陳嘉倩,認為佢其實並非表現得特別差,「覺得呢次真係俾人針對,睇晒成個奧運,唔覺得佢特別差,不嬲佢同Shirley喺入面都係做花瓶」、「絕對稱不上好、但好差又唔係,都係做吓附和角色」。有網民仲反而覺得雖然佢唔太了解運動規則,不過睇比賽時非常投入,「有時佢仲睇到好緊張好投入,覺得成件事都幾有氣氛啊」!

連登討論區Photo from 連登討論區

連登討論區Photo from 連登討論區

而呢幾日飽受輿論壓力嘅陳嘉倩就於IG上載長文,大呻做幕前工作壓力的確非常大,「做了幾年幕前,我也漸漸學識練成強大的心臟。」佢表示以前嘅自己會逃避,不過為咗對觀眾負責任:「正面的留言我當然歡迎,但批評我的說話我更珍視」,似乎因網民嘅評論而令佢有感而發!

陳嘉倩IGPhoto from 陳嘉倩IG

其實今次已經並非陳嘉倩第一次陷入輿論風波!早於今年4月,佢喺節目《學神出沒注意》嘅駕駛態度同技術就被網民大鬧;即使後來節目組安排的士司機 Jacky向佢分享駕駛心得,陳嘉倩嘅態度都並唔認真,經常望向窗外嘅景色。唔少網民睇完佢節目中嘅表現,都認為佢漠視道路上嘅安全,質疑佢「究竟點樣考到個牌㗎?!」、「簡直係公路炸彈」!

《學神出沒注意》Photo from 《學神出沒注意》

《學神出沒注意》Photo from 《學神出沒注意》

後來,陳嘉倩仲因為參加遊戲節目《考有feel》時被指發電姣 Mirror 成員,而被網民指責。再加上遊戲期間,佢將對手隊伍嘅睡衣褲著上身,導致對方隊伍必須要強迫佢脫下褲子先能夠完成任務,令唔少網民認為佢「出茅招」並直指佢好有機心!

《考有feel》Photo from 《考有feel》

《考有feel》Photo from 《考有feel》

之前,陳嘉倩更加被粉絲爆料話佢拍攝廣吿時,態度囂張超大牌,令粉絲大失所望!據該粉絲當時嘅爆料,陳嘉倩為保「女神」形象臨時要求更改廣吿劇本,仲多次對新人黑口黑面,態度非常差。雖然陳嘉倩對以上傳言都一一否認,不過網民都依然深信不而。

連登討論區Photo from 連登討論區

連登討論區Photo from 連登討論區

除此之外,陳嘉倩於2018年被爆與陳志遠關係曖昧,然而陳志遠當時仲同緊女友朱婉禎(Rainie)一齊!據悉,陳嘉倩明知對方有女友,但依然甘願做「第三者」,而對方仲話兩人係於2016年8月開始拍拖。不過,陳嘉倩就否認所有傳聞,仲因不停被騷擾而決定去警署備案。

朱婉禎FBPhoto from 朱婉禎FB

連登討論區Photo from 連登討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel