港男食譚仔被隔離枱家長要求唔好講粗話「個仔聽到晒」！教壞細路vs怪獸家長

打工仔食lunch都算係全日最放鬆嘅時候，近日有網友喺討論區發文指自己日前食譚仔嘅時候坐隔離枱嘅一位「師奶」突然行過嚟叫佢同啲同事唔好講粗話，指個仔聽晒入耳，令佢大感無奈。

Photo from 譚仔三哥

香港人生活壓力大，平時都可能會講下粗話，不過喺公眾地方講有機會被人投訴。有網友喺香港討論區開post「今日午餐食譚仔 隔離個師奶過黎求我唔好講粗話」。

Photo from 譚仔三哥

樓主表示佢與往常一樣lunch同同事一齊去譚仔醫肚，席間佢哋談笑風生中間夾雜粗話，點知呢個時候隔離枱嘅一位媽媽就行過嚟：「唔好意思啊！打擾你一陣，可唔可以唔好講粗話，我個仔全部聽曬入耳啊。真係唔好意思，麻煩你。」

Photo from 譚仔三哥

Photo from TVB

樓主覺得十分無奈：「我同數位同事即刻呆左，唔講以爲自己去左高級餐廳。」，佢直言個仔唔聽教，其他人就要有義務配合：「母愛真係大過天。」

Photo from TVB

不過樓主同成班同事最後都係無再講：「我地因爲母愛都無出d咩聲，你知啦，如果你出聲話佢，又可以等比人公審。」，樓主感嘆香港呢個地方依家食個譚仔都要講道德倫理：「真係怪獸家長d仔女就大晒。」

Photo from TVB

有網友提出相似經歷指自己試過紅燈過馬路，被家長追上去鬧，話呢位網民教壞佢個仔。

Photo from TVB

大部分網友都認為係樓主有問題，喺公眾場合應該保持禮貌，喺餐廳呢啲地方大聲講粗話的確會影響其他人，甚至教壞小朋友。

Photo from 香港討論區

Photo from 香港討論區

但樓主就反指如果有日被阿媽鬧個樣影響到佢個仔，唔通又要去整容咩？！樓主直言：「如果係我太大聲滋擾到人，我會細聲d，但係你親子教育我地有咩義務要配合？」

Photo from 香港討論區

Photo from 香港討論區

有網民就指嗰位家長已好有禮貌請求樓主，樓主仲要擺上網真係好唔應該。

Photo from 香港討論區

Photo from 香港討論區

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）