Anson Lo為陳慧琳、郭富城伴舞片出土！3年前已同AK拍住上神徒大讚露額可愛

Digital Editor

MIRROR成員盧瀚霆（Anson Lo）自演出劇集《大叔的愛》人氣急升，粉絲都努力翻出其伴舞時期片段。除咗早前佢為郭富城伴舞短片被回帶外，近日又有網民發現佢於2018年陳慧琳《打字機》MV與Anson Kong（江?生）一同現身！

Photo from Anson Lo FB

Anson Lo讀大學時開始學舞，出道前曾擔任舞蹈員及舞蹈教師。憑住出色舞技，佢曾為不少天王天后伴舞。

Photo from Anson Lo FB

早前，有網民分享了Anson Lo於2018年1月喺港台《第40屆十大中文金曲我和你音樂會》上，為天王郭富城伴舞影片。片中，郭富城連唱多首經典快歌《對你愛不完》、《狂野之城》等，Anson穿著閃亮服裝喺城城身旁勁歌熱舞。

Photo from 祖祖莫 YouTube

對此，網民都開啟「考古」Mode狂Loop影片，不少人表示以往為郭富城重溫片段，到咗今年，則為了AL而嚟。粉絲大讚AL表現亮眼，指佢能為天王伴舞實力可見一斑，「一眼就認得出邊個dancer 係教主，舞台係屬於你架！」

Photo from YouTube評論

除了為郭富城伴舞，AL亦再被粉絲翻出另一舊片。今次，佢為另一大前輩陳慧琳做伴舞員，於其國語歌《打字機》MV中擔任伴舞。

Photo from 陳慧琳《打字機》MV

陳慧琳於2018年公開《打字機》MV，入面除咗有AL，更有MIRROR另一成員Anson Kong（江?生）！前者梳著All back髮型罕有露額，而AK則戴著帽。兩人都西裝骨骨為Kelly MV伴舞。

Photo from 陳慧琳《打字機》MV

粉絲對「雙Anson」嘅出現都大感興奮，讚二人帥氣。MV中AL出場較多，其露額造型被粉絲大讚可愛，有人指佢當時「個樣好細路仔」。而AK同現時比則無太大分別，MV開場已能輕易找到其蹤影。人紅便會吸引「回帶」，相信將來會有更多MIRROR成員嘅舊片出土！

Photo from YouTube評論

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

Anson Lo為陳慧琳、郭富城伴舞片出土！3年前已同AK拍住上 神徒大讚露額可愛