男友墮入層壓式推銷陷阱 不聽勸告 港女決意分手 網民：早走早著！
Photo from TVB
如果情侶想走得長遠，就必須要有相近嘅價值觀同未來計畫。日前，有位港女就喺討論區大吐苦水，表示最近因為男友選擇嘅工作而導致關係變差，甚至令兩人分手收場！
Photo from Dcard討論區
港女話男友因為公屋出身，所以比較自卑經常都同人比較。男友最希望就係可以令家人同佢有更加好嘅生活，一直以來都好努力工作，港女亦非常欣賞男友咁勤奮嘅性格。可惜，男友中學畢業後讀咗一年書就出來工作，因為學歷唔夠，導致競爭力比較低，好難有晉升機會！
Photo from TVB
最近，男友就係朋友介紹下入咗間傳銷公司做，男友話只需要做大約4個月就可以月入10萬，而且晉升機會都唔錯。然而，入公司需要先支付「入場費」8萬，男友竟然因此而向財務公司借錢，仲同佢講「一定有錢賺，只要招攬到一個team，就可以坐喺度有錢收」！
Photo from TVB
然而，港女聽完男友所講嘅話，就覺得根本就係騙案，而且就係大家經常講嘅層壓式騙案！佢好驚訝男友竟然會相信呢啲公司所講嘅話，即使佢不停勸喻，男友依然堅決咁話「我一定會做到成績俾你睇」，並希望港女可以支持佢嘅決定。
Photo from TVB
港女接受唔到呢類騙案竟然發生係佢最親近嘅人身上，對佢非常失望，而且佢好嬲男友點解唔先事先同佢商量再決定，就算而家不停阻止佢，但都唔願意聽取佢嘅意見！雖然港女知道男友只係想快啲搵到錢，但係佢依然唔能夠接受男友嘅決定。
Photo from TVB
港女話而家已經同男友分手，不過兩人保持住朋友關係。其實佢哋仲愛大家，所以佢認為自己唔可以就咁睇住佢「沉淪」落去，仲將層壓式推銷嘅嘢全部都講晒俾佢知，希望佢可以盡快改變主意！
Photo from TVB
大部份網民睇完都覺得男友過分盲目相信朋友，竟然會相信呢類工作可以令佢喺短時間內賺到錢；唔少網民仲奉勸港女盡快離開男友，兩人嘅價值觀根本就唔同，再加上擔心佢將來會成為男友嘅推銷目標之一。
Photo from Dcard討論區
Photo from Dcard討論區
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
港女考DSE失手無offer竟要男友一齊重讀！男友不願陷入兩難！網友：梗係唔好陪佢癲啦
12 Aug , 2021
JUPAS放榜之際，各位學生「有人歡喜有人愁」，近日有網民喺網上討論區開post指女友應該入唔到大學，但就要求佢一齊「repeat（重讀）」，事主左右為難於是問網民意見。
Photo from TVB
JUPAS今年據報有超過8成學生獲取錄，不過唔係個個人都可以入讀到心儀嘅大學同學系。
Photo from TVB
喺Dcard就有網民以「女朋友應該入唔到U」為題開post，樓主表示喺考DSE時，自己同女朋友已經約定咗要一齊入中大。
Photo from TVB
可惜嘅係，到DSE成績一出女友都知道咗應該無乜機會，女友考試失利，打算repeat一年再搏上去，更問樓主要唔要陪佢一齊。
Photo from TVB
樓主坦言：「我唔想」，不過佢就未敢直接拒絕女友，於是上網問網民意見：「應該點拒絕又唔會令佢傷心好？」
Photo from TVB
網民大部分都認為樓主唔應該答應女友：「如果你自己入到大學，緊係唔好陪佢癲啦」、「唔好比人影響自己前途」、「老婆就話啫，女朋友就算啦，遲下分手你點算」
Photo from Dcard
Photo from TVB
樓主表示：「入中大都一直係我想既野，所以都唔想因為佢放棄個學位」，有網友就建議樓主同女友講陪佢讀多年都無補於事，直接話會係中大等佢，但樓主就認為咁講女友會嬲。
Photo from Dcard
有網友就提議樓主先升學，平時陪女友溫書或者retake一兩科，而樓主就指陪女友一齊溫書都幾好，但應該未必會再retake一科，因為DSE真係好辛苦。
Photo from Dcard
Photo from TVB
亦有網友認為樓主女友咁做好自私：「點會因為拍拖而去改自己嘅前途，衰啲講句鐘意一個人點都唔會咁自私、阻人發達」、「咁樣害自己條仔，唔好諗咁多直接say no啦」、「你女朋友個條問題，我覺得佢未來一定會係你絆腳石」
Photo from Dcard
Photo from Dcard
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
