【披荊斬棘的哥哥】7位平均年齡50歲港星加入組男團網民：睇到好尷尬！節目未開播已經爆黑幕

By Stephanie on 13 Aug 2021

Digital Content Writer

內地真人騷《乘風破浪的姐姐》去年播出後引起大量迴響，因此製作組打算乘勝追擊，打造男明星版本《披荊斬棘的哥哥》。節目就邀請咗多達33位中港台嘅男星，陣容非常強大！然而，節目就被唔少香港網民揶揄，參賽嘅男星年紀都比較大「一班大叔，仲叫哥哥？！」

Photo from 《披荊斬棘的哥哥》微博

近年，唔少香港明星都決定北上搵真銀，當中有份參與內地真人騷《乘風破浪的姐姐》嘅容祖兒同張柏芝就係非常成功嘅例子，令佢哋於內地嘅人氣急升！有見及此，製作組就決定推出男明星真人騷《披荊斬棘的哥哥》，並邀請咗33位來自中港台嘅「哥哥」們參加！

Photo from 《披荊斬棘的哥哥》微博

當中有唔少知名度頗高嘅香港男星都有獲邀參加節目，分別有張智霖、黃貫中、梁漢文、歐陽靖（MC Jin），以及3位「古惑仔」陳小春、謝天華同埋林曉峰，因此節目喺尚未開播之前就已經引起網民嘅關注！

Photo from 《披荊斬棘的哥哥》微博

而台灣男星方面，就有前F4成員言承旭、Rapper MC Hotdog、林志炫以及前棒棒堂成員敖犬；而大家比較熟悉嘅內地男星就有蔡少芬老公張晉、趙文卓等，而內地鋼琴家李雲迪竟然都係參賽者之一，陣容鼎盛！

Photo from 芒果TV YouTube

不過節目剛剛開播就已經引起小風波，據悉其中一位「哥哥」內地歌手霍尊就被前女友公開訊息對話，內容大致係話節目酬勞唔錯，但就話「總覺得會把自己弄low，我是音樂家、藝術家，把自己弄成練習生一樣」，仲大爆節目其實都已經內定好！霍尊亦係事件爆出後，退出節目。

Photo from 芒果TV YouTube

Photo from 微博

由於節目有唔少香港男明星出演，所以亦引起香港網民們嘅關注！當中因為拍攝電影《古惑仔》而成為五兄弟嘅陳小春、謝天華、林曉峰、錢嘉樂、鄭伊健，就已經有3人參加節目，而參與節目嘅3人就被網民批評「靠古惑仔個名呃到咁多年飯食」、「又翻炒古惑仔」等。有網民就猜測佢哋將會演唱《友情歲月》，而後來亦獲得「認證」3人的確有演唱歌曲！