download HolidaySmart 假期日常 app
鄧紫棋出自家商品亂定價惹粉絲不滿! 4張海報$625 網民:海報用金做?

鄧紫棋出自家商品亂定價惹粉絲不滿! 4張海報$625 網民:海報用金做?

娛樂新聞
By Stephanie on 17 Aug 2021
Digital Content Writer

鄧紫棋近年於內地人氣高企,獲得唔少粉絲支持,奠定咗於華語樂壇女歌手嘅地位!最近,鄧紫棋嘅工作室就推出周邊商品,慶祝佢30歲生日,但唔少網民就認為商品定價太高,不禁批評佢哋「食水太深」!

鄧紫棋最近迎來30歲生日!Photo from 鄧紫棋IG

鄧紫棋於2014年因為參加節目《我是歌手2》演唱《泡沫》於內地一炮而紅,人氣一直飆升,吸引足足逾3000萬人於微博追蹤,迅速成為全球華語圈嘅知名女歌手之一!

因為參加歌唱節目而令佢於內地嘅人氣急升!Photo from 《我是歌手2》

 鄧紫棋微博 Photo from 鄧紫棋微博

近日,鄧紫棋迎來佢嘅30歲生日,而佢就於IG發長文抒發感受,覺得30歲係人生另一個階段,有感而發地話「曾經越多的心碎讓我越珍惜現在擁有的一切」,並於文末勉勵自己。而佢亦上載咗多張照片同影片,感動表示朋友為咗佢花費4小時舉辦生日派對,令佢忍唔住感動大喊!

朋友們為佢舉辦生日派對Photo from 鄧紫棋IG

 鄧紫棋IG Photo from 鄧紫棋IG

而鄧紫棋工作室就於生日當日(16日)正式出售鄧紫棋周邊商品,包括有風褸、T-shirt以及海報,而且價錢都唔算便宜,令唔少網民都感到十分不滿,認為商品嘅定價過高!

工作室亦為售賣周邊產品慶賀佢30歲生日!Photo from 鄧紫棋工作室微博

鄧紫棋工作室微博Photo from 鄧紫棋工作室微博

其中有網民就直指海報價格最唔合理,一組4張嘅海報竟然需要人民幣$520(約港幣$625),令唔少網民都湧進工作室微博留言「海報鑲金了?」、「比韓星定價還要高?」等,亦有部份網民不滿商品設計,「真的有人會覺得好看?」,大家都似乎對今次嘅周邊商品有好多意見!

網民認為海報價錢不合理?!Photo from 鄧紫棋工作室微博

鄧紫棋工作室微博Photo from 鄧紫棋工作室微博

有網民就突破盲點,表示分開買4張海報嘅價錢竟然比買一組海報便宜「119×4不才476嗎,倒也不必硬湊520」,斥責鄧紫棋工作室過分貪心「食水深」!而且商品價錢咁高,根本就冇考慮過仲係學生嘅粉絲,有部份粉絲憤怒到要求將所有商品下架,事件引起網民熱話,一度登上微博熱搜榜!

網民認為公司食水深!Photo from 鄧紫棋工作室微博

鄧紫棋工作室微博Photo from 鄧紫棋工作室微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

更多相關文章

G.E.M.鄧紫棋內地獻唱改疑敏感歌詞「亂世」變「巒石」網民疑自我審查

3 Jun , 2021

女歌手G.E.M.鄧紫棋近年已將發展重心轉向內地,日前,佢於北京衛視舉辦嘅節目《沸騰之夜》登場,連唱三首歌曲,包括《光年之外》、《句號》同《超能力》,載歌載舞賣力演出。不過,有細心網民發現,部分疑似敏感字眼歌詞被改,喺字幕變成其他詞語,例如「亂世」改成「巒石」、「哀悼」改成「愛道」等等,被懷疑自我審查,引起熱議。

鄧紫棋 FBPhoto from 鄧紫棋 FB

早前,G.E.M.推出新歌《超能力》,更邀來陳偉霆一齊拍攝MV。G.E.M.日前登上北京衛視節目《沸騰之夜》時當然有獻唱新歌,但有網民就發現字幕顯示嘅歌詞同《超能力》原作有分別,原本係「原地爆炸」被改成「原地包紮」。

微博截圖Photo from 微博截圖

《超能力》MV 鄧紫棋Photo from 《超能力》MV 鄧紫棋

另有一句歌詞「你炸到我心碎成了煙花」被改成「你紮到我心碎成了煙花」。有網民認為修改有損歌曲原意,感到惋惜。

微博截圖Photo from 微博截圖

《超能力》MV 鄧紫棋Photo from 《超能力》MV 鄧紫棋

而另一首歌曲《光年之外》,原歌詞中嘅「亂世」被改成「巒石」,呢首歌共有三句歌詞被改,包括「緣份讓我們相遇『巒石』以外」、「相遇『巒石』以外危難中相愛」、「『巒石』以外是純粹的相擁」。不少網民對此都大感騎呢,認為歌曲意境被破壞。

微博截圖Photo from 微博截圖

微博截圖Photo from 微博截圖

《光年之外》MV 鄧紫棋Photo from 《光年之外》MV 鄧紫棋

至於歌曲《句號》,歌中嘅「哀悼」被改成「愛道」,令歌詞變成「窗外不願飛的蜂鳥,也在愛道」。有網民對改動感到疑惑,無法全心投入欣賞演出。

句號1

《句號》MV 鄧紫棋Photo from 《句號》MV 鄧紫棋

對於G.E.M.嘅演出,唔少網民都對佢穩定跳唱能力表示讚好。但亦有網民留意到以上歌詞修改,無奈問道:「字幕係咪打錯咗?」、「『亂世』怎麼變了?」、「《沸騰之夜》節目組怎麼了?都將歌詞打錯」

微博評論Photo from 微博評論

微博評論Photo from 微博評論

微博評論Photo from 微博評論

微博評論Photo from 微博評論

微博評論Photo from 微博評論

另有網友估計,歌詞改動係為咗配合大陸「傳播正能量」嘅審查,政策尤其針對時下偶像,因為佢哋受好多年青人追捧,所以佢哋嘅言行舉止非常重要,需要受到監管。有人重提容祖兒嘅先例,去年,佢於東方衛視節目中,同內地組合硬糖少女303成員希林娜依·高合唱張惠妹歌曲《母系社會》時,歌詞都被大幅修改,有指此舉都係為配合「傳播正能量」,歌詞要被節目組審查及修改。

容祖兒 FBPhoto from 容祖兒 FB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel