download HolidaySmart 假期日常 app
《七救星》七仙羽幫裕美林作媽破冰 終炒大鑊收場 飛踢林作除孽 林媽想七師傅做新抱?!

《七救星》七仙羽幫裕美林作媽破冰 終炒大鑊收場 飛踢林作除孽 林媽想七師傅做新抱?!

娛樂新聞
By Cheryl on 17 Aug 2021
Digital Editor

ViuTV新節目《七救星》日前首播,節目由人氣玄學家七仙羽(七師傅)擔任主持,為各嘉賓制定改運大法,幫助佢哋走出困境。佢首集就上林作家,試圖為林媽及裕美破冰,但結果令現場充滿火藥味,最終鬧交收場。

《七救星》ViuTVPhoto from 《七救星》ViuTV

林作和藝人裕美自拍拖起便新聞多多,話題度最高之一就係林作媽同裕美之間嘅「婆媳關係」。林媽媽王莉妮一直不滿裕美出身、學歷和背景都配唔起林作,質疑佢只為錢財先同兒子一齊。

《七救星》ViuTVPhoto from 《七救星》ViuTV

佢哋關係尷尬咗兩年終於有轉機,林作三人應邀亮相《七救星》,等七師傅幫佢哋擺場破冰飯局。節目開始時,七師傅同林作媽好啱傾,後者更形容七師傅似「失散咗一世嘅妹」,仲叫七師傅考慮做佢新抱。

《七救星》ViuTVPhoto from 《七救星》ViuTV

至於林作,七師傅指佢罪孽太深,所以要打走其身上孽氣。於是,七師傅手拿棍子,從梳化飛向林作又踢又打,之後裕美加入,場面失控,林作背部更被打至通紅。

《七救星》ViuTVPhoto from 《七救星》ViuTV

《七救星》ViuTVPhoto from 《七救星》ViuTV

《七救星》ViuTVPhoto from 《七救星》ViuTV

除此,七師傅秘密安排林媽同裕美嚟場「和頭飯局」,亦建議裕美透過烹調一道餸菜先向林媽釋出好意。

《七救星》ViuTVPhoto from 《七救星》ViuTV

飯局開頭無裕美,然後佢突然捧著一碟親自煮嘅咕嚕肉出現。林媽見狀即黑面表示:「我減肥,唔食都飽啦。」之後,裕美激動稱:「唔好意思,我覺得好委屈囉」。即使七師傅開聲指「希望大家可以坐埋一齊」都無補於事。林媽更補多刀話「睇吓搵邊個請佢(裕美)出去啦」,裕美聽罷即爆喊。同時林媽又話自己係傳統女人,要同理想新抱啱傾,例如七師傅就會喺較適合人選。

《七救星》ViuTVPhoto from 《七救星》ViuTV

《七救星》ViuTVPhoto from 《七救星》ViuTV

裕美事後接受訪問大呻委屈,認為林媽當睇佢唔到,唔當佢係人,又希望林媽可以面對全香港市民解釋點解咁不滿自己,因為佢一直畀唔到解釋,只不斷說自己不適合兒子。除此,裕美指被林媽老屈洗林作錢,佢稱自己識做生意賺錢。

《七救星》ViuTVPhoto from 《七救星》ViuTV

至於喺飯局笠水嘅林作,就話節目係驚喜安排,佢都預料唔到媽媽咁唔畀面裕美,「全部係真實反應,我都戥美美唔開心。」佢強調夾喺兩女之間不為難,因為支持女友想同媽媽和好決定。

《七救星》ViuTVPhoto from 《七救星》ViuTV

對於林家嘅混亂,七師傅事後表示佢喺節目中經常雙手合十,不斷心想「家家有本難念的經」。

《七救星》ViuTVPhoto from 《七救星》ViuTV

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel