download HolidaySmart 假期日常 app
港男自認條件好 唔明點解單身 網民:你就係衰在太有自信

港男自認條件好 唔明點解單身 網民:你就係衰在太有自信

生活熱話
By Stephanie on 17 Aug 2021
Digital Content Writer

眼看身邊嘅朋友都成雙成對,相信唔少單身人士都會非常羨慕!近日,有位港男就喺討論區表示自問條件唔差,但依然搵唔到女朋友,令佢非常苦惱。不過有網民睇完佢嘅post之後,就話知道呢位港男單身嘅原因?!

港男唔明點解自己冇女友?!Photo from 連登討論區

相信唔少人都希望可以搵到志同道合嘅另一半,而單身嘅網民們眼見朋友們逐漸「出pool」都會令佢哋壓力大增。最近,有位港男就於討論區開post以「有冇人都係package唔差但冇拖拍」為題,大呻自己搵唔到女朋友!

港男認為自己條件唔差!Photo from 連登討論區

港男就先簡單咁介紹咗自己嘅背景,而家二十歲中旬,月入30K,擁有$50萬積蓄,同父母居住喺500幾呎嘅私樓,認為自己嘅條件算係唔錯!佢表示放假嘅時候,見到朋友日日都好精彩,而且偶爾又會同女友出街,非常羨慕。

擁有穩定工作同收入Photo from 連登討論區

然而,港男就話自己係一個好需要me time嘅人,經常都活喺自己嘅世界入面,平時放假亦唔會約人,放工多數都直接去做運動或者去進修。即使出去上堂或者返工,都唔會主動認識其他人,同同事私底下亦冇咩交流。、

不過港男就話自己比較孤僻,甚少同其他人有交流Photo from 連登討論區

ViuTVPhoto from ViuTV

港男話好想拍拖,但暫時都未遇到一個令佢有衝動一齊嘅人,不過佢話如果有女生願意追佢,自己其實好易追。可惜,佢認為自己外貌普通,又並非好有錢,再加上性格比較害羞,唔願意主動認識女仔,好灰心咁詢問網民「係咪人生已完?」

港男心灰意冷詢問網民意見!Photo from 連登討論區

大部份網民都認為港男應該先調節好自己嘅心態,要變得主動啲,建議可以先從同事或者同學開始認識;另外有網民就直言其實港男嘅package只能夠話係普通,並且從港男嘅口吻推斷佢可能係一位自我感覺良好嘅人,認為佢如果想認識女仔就唔可以再保持「佛系」心態!

網民認為港男並非條件好?!Photo from 連登討論區

連登討論區Photo from 連登討論區

期間有唔少網民就詢問港男嘅身高,然而佢回覆其他留言,卻唯獨冇回答關於身高嘅問題,令網民不禁懷疑身高可能就係呢位港男單身嘅「硬傷」!

網民猜測港男身高可能就係導致單身嘅原因!Photo from 連登討論區

TVBPhoto from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel