港女與男網友見面 指對方故意抽水 網民反應不一:樣子決定一切!

港女與男網友見面 指對方故意抽水 網民反應不一:樣子決定一切!

生活熱話
By Stephanie on 18 Aug 2021
Digital Content Writer

現時唔少人都會使用交友app去認識另一半,希望從中成功尋覓對象。最近,有位港女就於討論區講述第一次同網友約見面嘅情況,不過對方嘅「激進」行為就令佢感到不安,認為自己被「抽水」?!

現時越來越多人用交友app認識對象Photo from TVB

唔少人都因為工作忙碌而未必有時間認識新對象,所以唔少人都會選擇利用交友app去接觸更多嘅人!日前,有位港女就表示自己同網友第一次約出嚟食飯嘅經驗,不過對方就經常「抽水」,令佢十分好奇忍唔住詢問網民們「大家玩交友app嘅經驗係咪都係咁?」

港女大談第一次與網友見面經驗Photo from Dcard討論區

港女表示自己剛剛開始使用交友app,透過app認識呢位男網友,並利用短訊交談咗一個星期,之後就約咗對方出嚟見面食飯。而兩人赴約之前,港女就話睇過男網友嘅照片幾秒,再加上認為只係去食飯,並唔會有咩事,所以就好放心咁出去。

約男網友見面食飯Photo from TVB

港女表示兩人見面後隨即去餐廳食飯,不過男網友喺食飯期間突然話「你手指好長」,並伸出手想同佢量度手指嘅長度,而佢就立刻縮手。

男網友想量度手指?!Photo from TVB

後來,男網友亦多次嘗試同佢有身體接觸,行街時會時不時推佢膊頭,而港女就話感覺到佢係專登嘅;之後男網友又以「你頭髮有啲嘢」為由,幫佢整頭髮,不過港女就話「拎左落嚟,細到睇唔到咁滯」,令佢覺得呢位男網友係刻意身體接觸嘅機會!

男網友刻意製造身體接觸嘅機會?!Photo from TVB

而見面過後,男網友就話要送港女返屋企,而佢因為唔希望對方知道佢住邊而拒絕,不過最終因為男網友嘅堅持而失敗。第二日,男網友就搵佢一齊食lunch,不過港女就話「我今日叫外賣」,而佢就話「我可以幫你送埋上嚟」,令佢感到更加不安!

廣告
廣告

不慎俾男網友知道住邊!Photo from TVB

男網友亦向港女表示對佢有好感,並話「要慢慢追你先得,太快拍拖唔太好,但你會唔會想快啲比人追?」而港女就用行動拒絕咗男網友嘅邀約,仲決定block咗佢!

男網友向佢表明心意Photo from TVB

有網民就表示男網友第一次見面嘅行為,的確有啲chur,建議港女下一次一定要小心啲;但有部份男網民就認為呢啲身體接觸非常平常,就算偶爾同異性朋友打鬧時都可能會有,認為港女有啲小題大做!

網民提醒港女謹慎用交友appPhoto from Dcard討論區

男網民有唔同睇法?!Photo from Dcard討論區

而網民亦疑似搵到港女拒絕呢位男網民嘅主要原因,網民得知男網友身高同港女差唔多高,認為男網友好大機會又係因為身高而導致被拒絕!

網民疑似搵到男網友被拒絕原因?!Photo from Dcard討論區

男網友嘅身高係硬傷?Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel