download HolidaySmart 假期日常 app
兒子搵租盤迷信母帶風水師睇樓 想借風水差壓價 網民:平租就化解到?!

兒子搵租盤迷信母帶風水師睇樓 想借風水差壓價 網民:平租就化解到?!

生活熱話
By Cheryl on 18 Aug 2021
Digital Editor

租屋要考慮好多因素,除咗地理環境,仲要同業主講價。最近,一名網民表示哥哥近日同未婚妻搵租盤,媽媽竟然帶埋風水師一齊睇樓,然後批評現場風水差,再企圖壓價,情況令人尷尬。

行運超人Photo from 行運超人

最近,一名男網民於香港討論區發文,表示哥哥即將與未婚妻結婚,所以決定搬出租樓。兩人早已有心水租盤,但想登門再睇多次做確定。

愛回家之開心速遞Photo from 愛回家之開心速遞

於是,事主媽媽便主動提出「一齊去幫下眼」。事主指媽媽非常迷信,佢哥哥本以為佢最多只會帶本風水書睇下方位,點知,媽媽於睇樓當日竟然擅自帶同一名做風水師嘅中學同學同行。

行運超人Photo from 行運超人

對此,哥哥與未婚妻雖然覺得有點失禮,但考慮到媽媽並無惡意,所以都畀佢哋同行。不過,到睇樓時就出事,該風水師一邊「唉聲嘆氣」,一邊向事主媽媽直指層樓唔好。

愛回家之開心速遞Photo from 愛回家之開心速遞

媽媽聽罷對風水師深表認同,更即轉身向地產經紀明言:「你呢層樓風水唔係咁好,如果可以平租啲就好好多!」

愛回家之開心速遞Photo from 愛回家之開心速遞

事主雖然不在現場,但得知事件後都認為媽媽只係「扮晒野搵個風水師上黎搞場大龍鳳」,坦言替阿哥阿嫂感到尷尬。

香港討論區 評論Photo from 香港討論區 評論

對此,有網民指事主媽媽「真係有心」,又言「世上只有媽媽好」,認為借風水講價幾有新意,更笑指:「平租就可以化解到(風水問題)?!」

香港討論區 評論Photo from 香港討論區 評論

香港討論區 評論Photo from 香港討論區 評論

亦有人認為媽媽做法無誤,寧願將問題指出都好過自己忍受。

香港討論區 評論Photo from 香港討論區 評論

不過,有網友不認同事主媽媽做法,佢表示買樓帶風水師視察並不罕見,但租樓就無咁嘅必要。亦有人質疑風水師真偽,認為租客直接開口劈價就得。

香港討論區 評論Photo from 香港討論區 評論

香港討論區 評論Photo from 香港討論區 評論

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Fac

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel