黃一山大爆羅嘉良當年為錢離開TVB?! 戴耀明直言:帶貨直播一次就6萬!

黃一山大爆羅嘉良當年為錢離開TVB?! 戴耀明直言:帶貨直播一次就6萬!

娛樂新聞
By Stephanie on 18 Aug 2021
Digital Content Writer

其實好多藝人都曾經喺TVB工作過,仲因而接拍咗唔少經典電視劇!最近,黃一山(細龜)就拍片大爆視帝羅嘉良離開TVB嘅原因,其中最大因素就係酬勞問題,仲話「出去拍1年嘅收入已經多過喺TVB 20年嘅收入」!

羅家良於2003年離開TVB!Photo from TVB

TVB自1967年成立到而家已經踏入第54年,曾經拍攝過唔少經典電視劇,亦培育咗好多藝人。當中有唔少藝人成名之後,都會選擇離開TVB去外面闖下,而北上發展就係藝人們其中一個吸金嘅途徑喇!

林峯、佘詩曼都北上發展!Photo from TVB

而家翡翠台深宵會重播1999年嘅經典電視劇《先生貴姓》,當年呢套電視劇非常受觀眾歡迎,收視率十分高,而男女主角羅家良同陳慧珊仲因此而獲得《萬千星輝賀台慶》「我最喜愛的拍擋(戲劇組)」!羅家良亦因此而變得為人熟悉,仲有份參與多部電視劇,奠定佢喺TVB一線小生嘅地位。

1999年電視劇《先生貴姓》Photo from TVB

於TVB工作約20年Photo from TVB

雖然羅家良喺TVB嘅發展非常順利,不過佢喺2003年拍完《流金歲月》就毅然決定離開TVB!近日,佢嘅好友黃一山(細龜)就拍片大爆當年羅嘉良係因為酬勞而決定離開TVB,當時嘅佢就問「家良哥,點解要離開TVB啊,可以攞埋第4第5個視帝」,而羅家良隨即話「一出去拍電視劇,一年嘅收入都已經超過喺TVB 20年嘅收入!咁點解唔走?!」

原來細龜同羅家良係好友!Photo from 黃一山微博

大爆內地工作收入非常高!Photo from 黃一山微博

之後,細龜就話2003年後同羅家良合作多次,其中拍攝《我愛鍾無艷》令佢印象最深刻!由於拍攝地點位於河北,再加上當時天氣寒冷仲遇上沙塵暴,大家嘅感情就更加深厚。其中,細龜就大讚羅家良教導咗佢「唔可以公器私用」,即使劇組專門為佢設置演員車,但佢都十分堅持私人時間唔會用演員車外出食飯,認為佢呢種精神好值得學習~

兩人因拍攝《我愛鍾無艷》而變熟Photo from 黃一山微博

受羅家良專業精神啟發!Photo from 黃一山微博

除咗羅家良之外,有「無綫綠葉王」之稱嘅戴耀明已經入行30年,雖然曝光率都算幾高,不過就一直都無緣飾演男主角或者重要角色,未能令佢嶄露頭角!雖然戴耀明至今依然留喺TVB,不過佢曾提及正開始發展內地市場,於抖音直播同帶貨,仲揚言「直播收入足足比拍劇多3倍!」,令人震驚!

TVB綠葉王Photo from TVB

最近亦有份出演劇集《七公主》Photo from TVB

佢透露抖音帶貨其實主要分2種:一種係粉絲會於直播期間送心心以及禮物,多嘅時候會有幾千蚊進帳;而帶貨就需要同廣告商拆帳,仲話曾經試過帶一次貨出場費就已經係6萬!因為內地市場比香港大,而且內地嘅老闆比較闊綽,所以賺取嘅金額都會比較多。

表示內地工作收入比較高嘅原因Photo from 《星光路上》

至於拍戲方面,戴耀明就曾經於網絡電影《爆裂老婆三歲夫》首次擔正做男主角,仲獲安排保母車接送同私人助理,最多都只係拍攝12小時,不過酬勞就已經有3至4萬人民幣!可見北上發展嘅藝人都普遍可以有更加可觀嘅收入,又難怪而家會有咁多藝人選擇返內地工作嘅~

於內地網絡電影首次做男一!Photo from 戴耀明IG

而戴耀明現時留喺TVB嘅原因就係因為家人!雖然明知道只能夠做配角,不過佢希望陪伴年紀老邁嘅母親。再加上自己係家中嘅獨子,而父親又喺佢小時候因交通意外過世,導致母親因為太勞碌而患有胃潰瘍,所以更加唔會選擇長駐內地!

經常陪伴母親,十分孝順!Photo from 戴耀明IG

Text: HolidaySmart Editorial

廣告
廣告

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

更多相關文章

事隔30年《新逃學威龍》即將登場?! 黃一山聯同兩位舊拍檔再度合作

12 May , 2021

由周星馳、吳孟達等人主演嘅《逃學威龍》系列已經播出咗30年,但至今依然係唔少人會翻睇嘅戲。最近,黃一山「細龜」就喺微博自爆正在拍攝《新逃學威龍》,仲表示有兩位重量級嘅演員助陣!

黃一山微博Photo from 黃一山微博

相信大家都一定有睇過周星馳嘅電影,其中好出名嘅《逃學威龍》系列喺1991年開始上映,裡面嘅搞笑內容依然吸引到唔少人重睇!

《逃學威龍》Photo from 《逃學威龍》

《逃學威龍》Photo from 《逃學威龍》

日前,有份出演《逃學威龍》系列嘅黃一山「細龜」就喺微博上載咗幾張相,話自己已經完成《新逃學威龍》嘅拍攝工作。

黃一山微博Photo from 黃一山微博

黃一山微博Photo from 黃一山微博

佢仲大爆黃小貴(黃小龜)由中學生變成爸爸喇!佢所上載嘅照片中就有兩張同年輕女子嘅合照,不過就唔知會唔會係戲中飾演佢女兒嘅演員喇~

黃一山微博Photo from 黃一山微博

黃一山微博Photo from 黃一山微博

另外,「細龜」亦講到今次拍攝好幸運可以同羅家英同埋「大師兄」黃一飛合作,佢話三人對上一次一齊拍攝已經係2008年嘅《中港良緣奇遇記》,好感謝劇組令佢哋三人再度合作。

黃一山微博Photo from 黃一山微博

黃一山微博Photo from 黃一山微博

網民知道《逃學威龍》翻拍嘅消息之後,都話冇咗周星馳就唔同feel;但亦有網民表示支持,話一定會入戲院睇呢套電影!

黃一山微博Photo from 黃一山微博

黃一山微博Photo from 黃一山微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel