download HolidaySmart 假期日常 app
陳偉霆46歲粉絲穿著火辣求注意 見樣即掩面忍笑 網民:阿姨,我還想努力!

陳偉霆46歲粉絲穿著火辣求注意 見樣即掩面忍笑 網民:阿姨,我還想努力!

娛樂新聞
By Cheryl on 19 Aug 2021
Digital Editor

唔少粉絲為求偶像注意都各出奇招。最近,有內地網民發現喺不少人氣男星嘅活動場合中,經常有一名穿著火辣嘅女粉絲現身。被佢「跟蹤」過嘅男星有陳偉霆、王安宇等,其超低胸造型及行徑都引起熱議。

陳偉霆 微博Photo from 陳偉霆 微博

內地追星文化旺盛,粉絲為見偶像一面都諗盡辦法,好多人都願意花錢及時間密切追蹤偶像活動行程。但海量嘅粉絲於同一環境及時間出現時,偶像難以對佢哋有深刻印象。所以,有一名粉絲就決定以性感打扮企圖覓得年輕男星們嘅注意。

陳偉霆 微博Photo from 陳偉霆 微博

早前,一名長髮女狂粉被發現多次追隨陳偉霆。一條影片顯示,女粉身穿露出肩膀、事業線、和腰部嘅低胸上衣,配上短牛仔褲現身,默默地跟在陳偉霆後面步行。

微博截圖Photo from 微博截圖

微博截圖Photo from 微博截圖

陳偉霆一路往前行,未有多加理會,直至走到升降機時,終於擰轉頭往後望向女粉,當佢見到係一名「火辣姨姨」後,隨即低頭掩面遮蓋笑容。當升降機來到,佢迅速走入去並繼續擰側面大笑。

微博截圖Photo from 微博截圖

不少網民對呢為女狂迷感好奇,更對佢進行起底,發現原來佢已經46歲。除咗陳偉霆,佢最近被發現有「新目標」,該名「幸運」男星就係23歲人氣男星王安宇。

王安宇 微博Photo from 王安宇 微博

王安宇於2019年憑清裝劇《夢回》人氣急升,佢身高180cm、樣子帥氣,近年吸納不少粉絲。經常現身各大活動及機場嘅佢,每次出現都都獲大班粉絲追隨。

王安宇 微博Photo from 王安宇 微博

有網民發現,該名女粉最近經常現身王安宇出席嘅場合。佢染了一頭長金髮,惟每次都身穿一件同款唔同色嘅低胸上衣,跟在王安宇身旁並凝視著佢,有點詭異。有粉絲曾指出王安宇一見到佢就會低頭走,場面尷尬。

微博截圖Photo from 微博截圖

微博截圖Photo from 微博截圖

對此,有網民認為此女粉雖然年紀較大,但身材保養得宜,亦有人好奇該女粉如何搵到咁多同款唔同色嘅上衣。另有網民說雖然人有穿衣自由,但佢行為加上打扮都太誇張。另有網友指:「(上圍)好大...如果我係主角,眼睛都唔知應該望向邊。」

微博截圖Photo from 微博截圖

微博評論Photo from 微博評論

微博評論Photo from 微博評論

微博評論Photo from 微博評論

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel