download HolidaySmart 假期日常 app
【香港小姐2021】麥美恩教佳麗禮儀口才被網民質疑! 水底寫真環節同ViuTV十分相似?!

【香港小姐2021】麥美恩教佳麗禮儀口才被網民質疑! 水底寫真環節同ViuTV十分相似?!

娛樂新聞
By Stephanie on 19 Aug 2021
Digital Content Writer

 進行為期10日特訓!Photo from 《We Miss Hong Kong STAY-cation晉級賽》由TVB所舉辦嘅《2021香港小姐競選》今年特別加入真人騷嘅環節,候選佳麗們都一齊進行Staycation特訓,並且分為4組進行比賽!期間,節目就請咗唔少以前嘅港姐向佳麗們傳授秘訣,而麥美恩就成為其中一位教導禮儀口才嘅導師,不過就被唔少網民質疑!

香港小姐2021Photo from 《We Miss Hong Kong STAY-cation晉級賽》

今年嘅《香港小姐競選》就喺決賽前以真人騷嘅形式,等觀眾可以一齊見證佳麗們嘅成長。最近就播出咗一連8集嘅《We Miss Hong Kong STAY-cation晉級賽》,要求各位佳麗參與為期10日嘅「Stay Battle」,佳麗們亦會被分成4組,喺導師嘅帶領之下進行比賽!

佳麗們分為4組Photo from 《We Miss Hong Kong STAY-cation晉級賽》

由唔同導師帶領Photo from 《We Miss Hong Kong STAY-cation晉級賽》

現時節目已經接近尾聲,佳麗們之間嘅比賽依然鬥得如火如荼!由於決賽將至,節目安排咗莫可欣同麥美恩做為導師,教授禮儀同口才技巧俾佳麗,並分享自己選港姐時嘅心得。兩位導師仲先叫佳麗逐一自我介紹,並進行點評同俾意見,非常用心!

向佳麗傳授禮儀知識Photo from 《We Miss Hong Kong STAY-cation晉級賽》

莫可欣麥美恩都成為導師!Photo from 《We Miss Hong Kong STAY-cation晉級賽》

不過呢集播出後,網民們就有微言,認為麥美恩唔夠資格教導佳麗:「佢係落選港姐,有咩資格教人?」、「教人點落選?」等;相反地網民就似乎好滿意莫可欣嘅表現,仲大讚非常有儀態,果然有港姐冠軍嘅姿態!

網民斥麥美恩唔夠班?!Photo from TVBYoutube

大讚莫可欣氣質好!Photo from TVBYoutube

另外,節目中亦有要求佳麗們玩水上活動嘅環節,而佢哋就需要穿上自選泳衣喺大型浮板上優美咁行catwalk。由於當時天氣比較大風,再加上浮板本身亦非常唔穩陣,所以有部份佳麗都一邊尖叫一邊 嘗試完成catwalk,但亦有部份佳麗保持淡定慢慢前進。

有佳麗不慎滑倒跌入水!Photo from 《We Miss Hong Kong STAY-cation晉級賽》

部份佳麗淡定完成!Photo from 《We Miss Hong Kong STAY-cation晉級賽》

水上活動中,其中一個難度最高嘅就一定係需要佳麗們挑戰水底寫真,而且節目仲要求拍攝照片時必須擺靚pose、雙眼睜開並且面露笑容,難度可以話係非常高!雖然正式拍攝前,佳麗們都有20分鐘練習,不過由於好多佳麗都比較怕水,所以拍攝時需要嘅時間都十分長。

佳麗們施展渾身解數Photo from 《We Miss Hong Kong STAY-cation晉級賽》

佳麗因害怕需要導師鼓勵!Photo from 《We Miss Hong Kong STAY-cation晉級賽》

最快完成嘅就係橙隊,整體表現都非常亮眼,其中大熱陳聖瑜就更加被大讚有超水準嘅表現,獲導師們力撐!而其他佳麗亦非常落力嘗試完成任務,不過粉紅組有佳麗就於雙人照時失手,令導師向海嵐表示「心情完全直落谷底。」

雙人拍照時失手!Photo from 《We Miss Hong Kong STAY-cation晉級賽》

導師超失望!Photo from 《We Miss Hong Kong STAY-cation晉級賽》

但其實佳麗們落水拍寫真嘅環節,並唔係第一次出現喺選美節目中!2016年,ViuTV《美選D.n.A》亦有相似嘅環節,當時「沙律」張沛樂嘅表現就最特出,而當時其他主持人,包括有方力申、Eric Kwok等人亦有一齊同佳麗合作拍攝。由拍出嚟嘅照片中所見,ViuTV嘅成品好似略勝一籌,因為港姐真人騷嘅泳池深度並唔夠,令部份照片可以清晰咁睇到泳池底!

沙律表現被大讚!Photo from 《美選D.n.A》

連主持都有份落水Photo from 《美選D.n.A》

 

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel