男友投資失利輸晒錢+大洗行為 港女好心勸喻反遭責備 網民:早走早著!

男友投資失利輸晒錢+大洗行為 港女好心勸喻反遭責備 網民:早走早著!

生活熱話
By Stephanie on 20 Aug 2021
Digital Content Writer

情侶之間經常都會因為價值觀唔同發生爭執,乃係平常嘅事。最近,有位港女就表示發現同男友喺金錢上嘅觀念截然不同,而且男友仲因為貪心而將所有積蓄攞去投資股票,結果全部輸晒,令佢十分苦惱!

男友不善理財令港女擔心!Photo from TVB

情侶之間發生小爭執係在所難免嘅事,然而呢個時候雙方就需要對未來有共識,先能夠長遠地發展。近日,有位港女就於討論區大呻同男友喺金錢上嘅觀念截然不同,再加上男友比較「大洗」嘅消費模式,令佢十分苦惱!

向網民大呻男友理財不慎!Photo from Dcard討論區

港女話男友最近就開始學投資,仲將自己成副身家放晒去買股票。一開始男友都仲有錢賺,不過後來男友就因為貪心,反而輸晒成副身家!

男友學投資去買股票!Photo from TVB

卻因為太貪心導致輸晒!Photo from TVB

男友投資失敗後,戶口嘅錢已經所剩無幾,不過男友9月會開始返Full time,但出糧都要等到10月,所以港女認為男友節儉啲,呢個月都仲可以依靠消費券支撐住洗費。然而,男友卻突然同佢講話打算用消費券同戶口剩下嘅錢去買新電腦,話係因為工作需要!

男友竟然話要買新電腦?!Photo from TVB

廣告
廣告

港女就話非常驚訝,因為男友家裡就已經有一部買咗唔夠半年嘅電腦!之後,男友就再用剩下嘅一千蚊買蛋白粉同健身器材,將所有積蓄用晒,但問題係男友根本就冇錢食飯或者交卡數,令佢對男友嘅「大洗」行為十分不解。

剩下嘅錢都幾乎用晒Photo from TVB

港女就嘗試同男友傾,建議佢應該先好好衡量花錢嘅用途同需要,或者等出糧之後先再買,卻被男友責怪限制佢點用錢,導致有小矛盾產生!經過呢件事,港女發現同男友嘅金錢觀念十分唔同,詢問網民應該點解決。

港女反被男友責怪Photo from TVB

全部網民都勸喻港女應該立刻同男友分手,認為兩人嘅觀念完全唔一樣,繼續落去只會產生更加多嘅爭執;有網民仲話從男友「將成副身家攞去投資」嘅行為中預計,以後男友好大機會會成為賭徒,認為港女應該離開男友或者改變男友嘅消費模式!

大部份網民都提議港女分手!Photo from Dcard討論區

網民認為男友太貪心易闖禍!Photo from Dcard討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel