李佳芯自爆同陳炳銓7年情斷原因! 寄情於工作:保持朋友關係

李佳芯自爆同陳炳銓7年情斷原因! 寄情於工作:保持朋友關係

娛樂新聞
By Stephanie on 20 Aug 2021
Digital Content Writer

李佳芯一直都好有觀眾緣,曾於多部電視劇中擔任女主角,並且榮獲視后殊榮。最近,李佳芯同拍拖7年嘅陳炳銓分手,而佢近日就自爆原來分手嘅真正原因係同結婚有關,仲話自己的確花咗一段時間先走出情傷!

Ali自爆分手原因!Photo from 李佳芯IG

現年38歲嘅李佳芯(Ali)憑著精湛嘅演技,一直都幾受歡迎,仲可以話係收視率嘅保證,於2018年憑電視劇《BB來了》榮獲視后,迎來事業嘅高峰!可惜,早前就有傳佢同拍拖7年嘅男友陳炳銓分手,情場失意嘅佢心情十分低落。

於2018年榮獲視后!Photo from 萬千星輝頒獎典禮2018

李佳芯IGPhoto from 李佳芯IG

最近,Ali喺接受媒體訪問時,首次自爆同陳炳銓分手嘅原因,竟然係同結婚有關!李佳芯表示於2018年獲得視后,事業發展正有起色之際,亦係佢最想結婚嘅時候。因此佢當時就同陳炳銓提出結婚,然而兩人喺結婚上步伐並唔一致,未能夠達成共識,最終分手收場!

Ali與陳炳銓(左一)交往長達7年Photo from 陳炳銓IG

雖然Ali剛剛先宣布恢復單身,不過就被爆有富豪正在追求緊佢!而佢亦有坦承現時的確有人追,不過對方就並非傳聞中所講嘅有錢人。相信咁有異性緣嘅佢必定可以搵到幸福~

Ali坦承而家有人追Photo from 李佳芯IG

Ali強調兩人分手後依然保持朋友關係,陳炳銓偶爾都會喺工作上為佢提供意見。佢亦坦承分手後一度陷入情傷,不過就全靠用工作麻醉自己,而當時嘅佢就正拍攝緊《智能愛人》,將所有心思都放晒喺工作上。佢亦話劇集拍完後都仲未走出情傷,經常留喺屋企,而家心情已經好返好多「最差嘅時間已經過咗!」

分手後用工作麻醉自己Photo from 李佳芯IG

Ali就話自己本身感情上比較收收埋埋,好遲先同對方主動提出結婚。而佢亦強調對婚姻依然有憧憬,將來一定會嫁人,所有嘢都留待緣分嘅安排~

Ali對婚姻依然有憧憬Photo from 李佳芯IG

現時TVB播出緊嘅《智能愛人》,由Ali飾演AI智能人阿寶,難度十分之高。但佢於劇中演技自然,將角色發揮得淋漓盡致,備受網民稱讚;同劇中嘅馮盈盈及陸永都罕有地被網民稱讚演技有進步!

Ali於劇中飾演AI機器人Photo from 《智能愛人》

拍檔陸浩同馮盈盈亦被讚Photo from 《智能愛人》

據悉,《智能愛人》接替《刑偵日記》播出嘅目的就係為咗挽救該時段嘅收視率,當時《刑偵日記》嘅收視下跌至10.2點,創下電視劇收視紀錄嘅新低,令TVB高層十分焦急。而《智能愛人》播出至今最高收視率達到19點,成績尚算唔錯,成功挽救局面!

最高收視有19點!Photo from 《智能愛人》

收視創新低Photo from 《刑偵日記》

Text: HolidaySmart Editorial

廣告
廣告

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

更多相關文章

【智能愛人】李佳芯有望再奪視后!身價急升傳搬入大角咀逾3,000萬豪宅!

12 Aug , 2021

視后李佳芯(Ali)早前被雪藏但終獲解凍,佢主演嘅《智能愛人》收視成績唔錯,有望再做視后!身價急升嘅佢最近被爆搬入位於大角咀過千呎嘅單位!

視后李佳芯(Ali)早前被雪藏但終獲解凍Photo from 李佳芯IG

Ali向來好有觀眾緣,佢獲TVB「解凍」後主演嘅《智能愛人》接替《刑偵日記》播出,雖然喺奧運舉行期間首播被指係「炮灰檔」,但近日收視有19點,成功挽回《刑偵日記》超低收視。

《智能愛人》收視有19點,成功挽回《刑偵日記》超低收視。Photo from TVB

Ali近日宣佈回復單身,之後更被爆有城中富豪不惜出動人造雪機力追!事後Ali雖坦承自己有人追,但就否認係富豪,佢表示對方只係其中一個生意夥伴,曾經開過一次開造雪機畀佢睇姐,並無追求佢。

Ali近日宣佈回復單身,之後更被爆有城中富豪不惜出動人造雪機力追!Photo from 李佳芯IG

愛情失意嘅Ali事業卻有新機會!新劇《智能愛人》成績唔錯,今年嘅《愛美麗狂想曲》又有口碑,有指今年視后亦會係Ali囊中物!

Ali今年嘅《愛美麗狂想曲》又有口碑Photo from 李佳芯IG

早喺未播《智能愛人》時就有指高層見到Ali演技出色都想力谷佢再奪視后,事業有成嘅佢獲帶挈,豬籠入水,身價大升!

早喺未播《智能愛人》時就有指高層見到Ali演技出色都想力谷佢再奪視后Photo from 李佳芯IG

同男友陳炳銓疑分手後,Ali已搬離西貢愛巢,獨住紅磡服務式住宅,Ali被爆近嚟已搬入位於大角咀過千呎豪宅「一號銀海」!

同男友陳炳銓疑分手後,Ali已搬離西貢愛巢Photo from 陳炳銓IG

有指Ali近嚟已搬入位於大角咀過千呎豪宅「一號銀海」!Photo from 美聯地產

新居近奧運站,市價約為港幣$3,000萬,同類型單位每月租金約$5萬,有傳媒影到Ali紅色座駕出入新屋,指佢除咗返電視城開工,大部分時間都留喺屋企。

新居近奧運站,市價約為港幣$3,000萬,同類型單位每月租金約$5萬Photo from 中原地產

有傳媒影到Ali紅色座駕出入新屋Photo from 李佳芯IG

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel