【香港小姐2021】梁允瑜不甘落選 「大灣區佳麗」王嫿嫿 戴佳敏齊出局

《2021香港小姐競選》昨晚舉行準決賽，20名佳麗當中只有12名能夠晉級。當中三名熱門候選：梁允瑜、王嫿嫿、戴佳敏都大熱倒灶，齊齊出局。「粗口港姐」梁允瑜對自己被Foul感不甘，另外兩名佳麗則疑因廣東話不佳未能躋身決賽。

Photo from TVB

賽前因爆粗片流出被稱為「粗口港姐」嘅梁允瑜（Chloe）於昨晚港姐準決賽出局。對於未能進入決賽，佢賽後接受傳媒訪問表示不甘心，自己無諗過會被Foul：「當宣布綠組有兩位成員被Foul時，我會擔心係邊個被Foul，但無諗過係自己。好震驚，台下嘅嘉賓更加震驚。」

Photo from TVB

Photo from YouTube截圖

梁允瑜直言唔甘心自己連競爭嘅機會都未有，「唔知自己死喺邊度。唔知係咪自己嘅負面新聞呀，定係自己唔知道嘅原因，我都會想知道點解，如果因為過去嘅事情，我真係唔甘心。」

Photo from TVB

佢估計落選有八成原因嚟自負面新聞，又認為今屆港姐中TVB可能想選較傳統嘅香港小姐，自己形象確實唔係傳統型港姐。佢指：「我唔會話TVB唔公平，我會話呢個賽制唔適合我姐！」

Photo from TVB

梁允瑜又認為做節目應求創新，不應固定在框架中。至於另外兩成原因，佢指得評審才知道，因為佢自覺當晚狀態係Fit嘅。佢同時透露，落選後會冷靜一段時間，打算修讀碩士課程，至於會否繼續爭取娛樂圈發展則未有計劃。

Photo from TVB

賽前其他大熱，王嫿嫿及戴佳敏由於廣東話不佳，喺問答環節中顯得吃力。戴佳敏答問題時，重口音將「親和力」講成「我有『千鵝力』」、「China」講成「來自『猜拿』好有氣勢」。

Photo from TVB

王嫿嫿賽後受傳媒採訪，表示對落選無咩傷心，但覺得對唔住家人、朋友及粉絲，擔心自己令佢哋失望。

Photo from TVB

王嫿嫿坦言廣東話不佳係落選原因之一，佢認為講廣東話係成為香港小姐一個必須嘅要求，所以除咗語言因素，佢諗唔到其他原因。

Photo from TVB

佢表示落選後將努力練習廣東話，又打算修讀博士學位。佢又指，將來頗大機會留喺香港娛樂圈發展，亦唔打算返加拿大，因為嗰邊較悶，認為香港較適合自己。

Photo from TVB

佳麗們嘅廣東話被指喺致命傷，唔知各位又覺得佢哋講得如何呢？即刻進入以下影片聽下當中嘅戴佳敏講成點！

今屆港姐12強已正式誕生，以下為12名晉身總決賽佳麗名單：（2）陳懿德、（3）陳聖瑜、（4）關楓馨、（8）宋宛穎、（10）楊培琳、（12）葉靖儀、（13）王嘉慧、（14）邵初、（15）梁凱晴、（18）莫韻諰、（19）施茉莉及（20）梁菁琳。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）