港媽$200招聘司機接送兒子!  網民:以為學童半價?搭的士都唔夠啦!

港媽$200招聘司機接送兒子! 網民:以為學童半價?搭的士都唔夠啦!

生活熱話
By Stephanie on 23 Aug 2021
Digital Content Writer

唔少小朋友都需要跨區返學,而負責接送佢哋嘅家長亦十分辛苦。最近,有位港媽就網上招聘私人司機幫忙接送小朋友返學放學,然而佢嘅出價就令唔少網民覺得非常低,引起網民熱話!

港媽出價請司機 卻被批出價不合理!Photo from TVB

有唔少小朋友而家都需要跨區返學,而要接送佢哋一來一回嘅家長亦非常忙碌!近日,有港媽就於討論區出價$200招聘「私人司機」,由大埔到何文田接送小學4年級嘅兒子。

港媽為兒子招聘司機Photo from 大埔 TAI PO FB Group

港媽係網上招聘即日起至長期嘅私人司機,仲表明司機分別需要喺早上7點同下午3點,來回接送小朋友從位於大埔嘅住所到何文田嘅國際學校。港媽表示將會以每段車程計算:單程就$120(包含隧道費);雙程就$200(包含隧道費),即每程$100。

接送返學回家,由大埔到何文田Photo from TVB

私人司機可自行選擇送單程或者雙程,薪水將會每星期結算一次。如果小朋友放假或請病假將會再另行通知,一切以實際搭載為準。

每星期結算薪水一次Photo from TVB

不過唔少網民見到港媽嘅post之後,就對佢嘅起價有異議,認為佢出價太低「$120一程搭的士都唔夠啦」;有網民仲非常用心咁計算「私人司機」實際可以賺到嘅薪水,「就算行最平獅隧$8一程,來回$16、油錢豪俾你當$1一公里,單程18公里,來回油錢都要$36,加加埋埋總成本最平都要$52」,司機只能夠賺$68!

網民計算司機只能賺$68!Photo from 大埔 TAI PO FB Group

網民認為出價過低!Photo from 大埔 TAI PO FB Group

對於港媽嘅出價,網民就認為未免太過「離地」!再加上港媽居住嘅地方都算係大埔區少有名氣嘅屋苑,家境應該唔錯,令網民不禁覺得佢好無同理心「使人唔使本,住豪宅、讀名校、偏偏就唔捨得比車錢,好羞家」。

網民批評港媽孤寒!Photo from 大埔 TAI PO FB Group

網民認為價格不合理!Photo from 大埔 TAI PO FB Group

另外,有網民就指佢並冇列明要用咩交通工具接送小朋友,講笑咁話「接咗佢,再一齊去搭巴士」,亦有網民提議可以用電單車接送!

網民講笑表示再乘搭交通工具接送Photo from 大埔 TAI PO FB Group

網民講笑話呢個價錢電單車接送就差唔多!Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

更多相關文章

九肚山中產日薪$800請萬能姨姨 6小時清潔補習+教琴 網民:識教琴仲使幫你執屋咩!

16 Aug, 2021

唔少中產家庭都會聘請家務助理,職務一般包括清潔及整理居家環境等。不過,最近網上流傳一則招聘告示,顯示一中產家庭誠徵一名「萬能姨姨」,6小時工作除咗包括家居清潔外,更要幫7歲兒子補習和教琴,但日薪都只得800港元。網民對此都大呼離譜,又直斥其應徵者條件離地。

廣告
廣告

奇怪的保姆Photo from 奇怪的保姆

最近,一則招聘告示截圖於連登討論區流傳,顯示一個居住九肚山家庭想聘請一名「萬能EE(姨姨)」。告示先表明工作地點實用面積約一千呎,每周逢星期六或日工作,工時由早上8時至下午2時,6小時工作日薪800港元。

連登討論區 截圖Photo from 連登討論區 截圖

至於職責,招聘上除了要求4小時家居清潔(範圍包:2個浴室、廚房、拖地、換床單、燙衫、抹窗等)、仲包1小時幫僱主嘅7歲兒子補習、睇功課以及1小時教佢鋼琴或小提琴。

金宵大廈Photo from 金宵大廈

連登討論區 截圖Photo from 連登討論區 截圖

而應徵者條件,僱主則要求有大學程度、鋼琴或小提琴8級或以上、已打至少一針疫苗、自攜乾淨衣服入屋更換、性格爽快積極、有交帶等。

不能說的秘密Photo from 不能說的秘密

連登討論區 截圖Photo from 連登討論區 截圖

對此,好多網民都對僱主有唔少批評:「6個鐘, 剩係做清潔請鐘點都要依個數, 係無知定真係刻薄?」、「鋼琴+補習都算仲想慳埋鐘點,有錢住嗰區(九肚山)但係就無錢請人」。

愛回家之開心速遞Photo from 愛回家之開心速遞

連登評論Photo from 連登評論

連登評論Photo from 連登評論

除此,亦有唔少網民直指僱主出價太低、要求無理,「請個鐘點4小時好似都要$6xx-7xx,仲要補習教琴小提琴,仲要星期六日應該全家喺曬到,收一千都好似有啲少」、「鐘點都百二一個鐘」、「要個大學畢業嘅去洗廁所+識樂器+幫𡃁仔補習,800蚊1粒鐘就合理」。

連登評論Photo from 連登評論

連登評論Photo from 連登評論

連登評論Photo from 連登評論

另有網民對招聘告示反感,直言:「無X嘢呀?識教琴補習仲使幫你洗廁所?」,狠批僱主自以為有錢卻非常寒酸。

愛回家之開心速遞Photo from 愛回家之開心速遞

連登評論Photo from 連登評論

連登評論Photo from 連登評論

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel