NCT香港成員Lucas黃旭熙與多名粉絲有感情瓜葛 求送車送樓+房錢女方支付 卻連朱古力都唔肯送

韓國男團NCT嘅22歲香港成員Lucas（黃旭熙）被一名自稱前女友嘅韓國人公開聊天記錄，揭發佢欺騙感情，又為錢及禮物先同佢拍拖。事件曝光後，再有另一自稱舊愛嘅大陸女網民貼出與Lucas嘅對話圖兼床照，希望粉絲睇清楚佢為人。截至香港時間傍晚前，Lucas於個人IG上載了手寫道歉信，間接承認佢嘅行為。

Photo from 黃旭熙 Lucas IG

22歲Lucas（黃旭熙）係港泰混血兒，於香港土生土長。2018年以韓國SM娛樂旗下男團NCT成員身份出道，到2019年又加入NCT中國分隊WayV，及主攻美國市場嘅超級男團SuperM，亦參演過內地綜藝《奔跑吧》，相當受捧。

Photo from 黃旭熙 Lucas IG

日前，一名自稱前女友嘅韓國人A於網上刊登佢同Lucas嘅聊天記錄，直斥Lucas拍拖時對佢進行情緒勒索，又經常要女方出錢送禮兼支付酒店房費。

Photo from 微博截圖

A狠批Lucas欺騙感情，指佢起初主動向自己示好，交往數年後因行程太頻密要求分手。但分手後又表示想跟女方繼續做朋友，實則係襯空擋約女方到酒店幽會。不過，房錢都由A一人承擔，一張對話圖顯示Lucas直接傳酒店相給女方，再讓女方幫忙預訂。

Photo from 微博截圖

A表示Lucas不時話自己係唯一能理解佢嘅人，但每次喺酒店睡覺吃飯後便立即失去聯絡，令A感到被感情操控。除此，A更大爆Lucas曾說過「你像粉絲一樣討厭」等傷人說話，受極端忽冷忽熱對待嘅A更指自己因此一度患上抑鬱。

Photo from 微博截圖

A透露，Lucas稱因為唔想被經紀人發現信用卡有異常記錄，所以不方便購物。由於A當時太愛Lucas，所以都常買香煙、名牌時裝畀佢。A指Lucas起初還會講多謝，但之後可能「收到麻木」，竟回應「我自己都有錢賺，所以唔係送車或屋就可以慳返」。

Photo from 微博截圖

雖然A送過好多禮物畀Lucas，但對話圖顯示，當女方要求Lucas買一盒價值$115港元嘅巧克力，男方卻一口拒絕。不少網友對此都表示詫異。

Photo from 連登討論區截圖

Photo from 連登討論區截圖

事件引起中韓網民熱議後，內地另一名自稱Lucas前度嘅網友B亦上載與Lucas嘅對話，更刊登被網民指未曾見過嘅私照及床照。

Photo from 微博截圖

Photo from 微博截圖

B透露，Lucas起初會「扮可憐」，將自己塑造成「努力上進但得不到回報」嘅人，令女方產生同情心。

Photo from 微博截圖

之後便多次表示想到B家幽會，事後要求女方叫車送佢返酒店。另外，B指Lucas來訪前會話自己帶唔夠衫，於是要求女方買衣服畀佢，更指明要特定名牌，相當挑剔。

Photo from 微博截圖

Photo from 微博截圖

Photo from 微博截圖

B表示佢無法忍受那種「招之即來 揮之即去」嘅對待方式，決定斬纜分手。交往期間佢曾向Lucas確認自己唔係第三者，豈料佢欺騙自己，所以呢家決定爆料警世，避免再有受害者出現。

Photo from 微博截圖

現時為止，Lucas及其所屬公司都無作正面回應，不過，佢同另一NCT/WayV澳門藉成員Hendery（黃冠亨）原定於今天舉行嘅直播活動已被取消。

Photo from 黃旭熙 Lucas IG

Photo from 連登討論區截圖

對此，不少韓國網民表示驚訝，又對Lucas幻滅，更認為如果佢出道時間更久，有機會變成吳亦凡第二！亦有本地網民放眼另一重點，指相比欺騙粉絲感情，韓語能力向來普通嘅Lucas，佢韓文「竟然可以去到溝女嘅水平更令人震驚」。

Photo from 連登討論區截圖

Photo from 連登討論區截圖

Photo from 連登討論區截圖

截止今日香港時間傍晚前，Lucas於個人IG（@lucas_xx444）上載了中文手寫道歉信，帖文附有中文及韓文道歉文。文中，佢對自己嘅所作所為及被影響嘅人致歉，又指對不起一直支持自己嘅粉絲。同時，佢稱將會中斷活動一段時間，以作反省，佢又保證以後不會再發生同類事件。

Photo from 黃旭熙 Lucas IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）