李冰冰潔癖嚴重 3年內辭退20位工人出12萬一個月都請唔到人？！

Digital Content Writer

唔少藝人都因為工作繁忙，而需要聘請家務助理為佢哋打點屋企嘅一切，不過要聘請到一位適合自己嘅工人都並非容易嘅事。近日有傳內地女星李冰冰原來有非常嚴重嘅潔癖，即使用高價$12萬都未能夠聘請到家務助理！

Photo from 李冰冰微博

金馬獎影后李冰冰憑精湛嘅演技以及有氣質嘅外表紅遍亞洲，仲進軍荷李活成為國際影星，事業發展可以話係一帆風順！唔少網民對李冰冰嘅印象都係非常平易近人，事關佢曾經以嘉賓身份上內地真人騷《嚮往的生活》時，好快就同主持人們打成一片，再加上節目於農場拍攝，就更加令網民覺得佢俾人感覺非常「貼地」～

Photo from 李冰冰微博

Photo from 《嚮往的生活》

不過李冰冰其實有非常嚴重嘅潔癖，就算用高薪$12萬聘請家務助理都未能搵到合適嘅人選。有傳佢仲曾經喺3年內換走咗20位家務助理，要求超高嘅佢仲會親自為佢哋面試進行考核，並且確保家務助理要跟足佢嘅標準去打掃先會受聘！

Photo from 李冰冰微博

據悉曾經有位女生接受考核時，單單係洗菜就已經洗咗8次咁多，洗到連菜葉都已經爛嘅程度。但李冰冰依然表示不滿，仲一下子將所有菜扔去垃圾桶入面，批評佢洗菜唔夠乾淨！

Photo from 李冰冰微博

應徵者當時就十分困惑，詢問李冰冰「正確」嘅洗菜方法。李冰冰隨即話洗菜嘅時候，必須戴上手套否則病菌會黏係菜上面，就算點洗都係徒勞無功！而佢仲話洗完嘅菜就要盡快烹煮，因為菜長期暴露於空氣之中，就同冇洗過一樣。

Photo from 李冰冰微博

其實李冰冰對洗菜嘅執著都曾經喺節目中顯露過出嚟：拍攝節目《嚮往的生活》時，佢就多次主動話要負責洗菜，仲暴露自己用鹽水洗菜嘅習慣；而且佢認為洗菜過程太草率，將菜清洗咗好幾遍，令人不禁驚嘆佢對食物衛生嘅要求真係好高！

Photo from 《嚮往的生活》

李冰冰除咗注重食物衛生之外，當然亦好注重家居嘅清潔程度啦！每個到訪佢屋企嘅朋友都必須戴上鞋套，想坐佢屋企嘅梳發之前都要舖好衛生坐墊先；而長頭髮嘅客人就一定要將頭髮綁起，以免頭髮掉落喺地墊上！睇嚟做得佢朋友都要頂得住佢嘅嚴重潔癖先得喇～

Photo from 李冰冰微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

《中餐廳5》黃曉明為減磅只食一條麵一日三餐食空氣/月光？內地女星：你好作狀！

11 Aug , 2021

內地綜藝騷《中餐廳》迎來第五季，藝人黃曉明繼續擔任店長。喺新一集中，佢為咗保持身形而節食，只吃一條麵，令在場嘉賓大感驚訝，女星寧靜更直指佢有點做作！

Photo from 黃曉明工作室微博

內地實景節目《中餐廳》擁有一班忠實粉絲，長做長有。喺新一集中，店長黃曉明與一眾嘉賓為餐廳經營進行事前商討等準備工作。

Photo from 黃曉明工作室微博

到咗食飯時間，節目為各人準備了一碗麵，眾人都大口進食。不過，黃曉明卻從一大碗麵中只夾起一條麵，吃後便將整碗麵留畀網紅丁真食，誇張行徑令在旁人士吃驚。

Photo from 湖南衛視截圖

黃曉明解釋：「我吃一根我嘗一下就行了，我真的不敢吃。」、「我後面要拍戲，我不敢吃胖了，我一吃就胖。」佢更笑言丁真正值發育時間要食多啲，所以將成碗麵推畀佢。

Photo from 湖南衛視截圖

之後，女星寧靜知道「黃曉明食麵事件」後，便立刻嘲諷：「你不要那麼誇張吧！我告訴你你有點作（做作）。」黃曉明見狀只能笑問：「那我再吃一根？」

Photo from 湖南衛視截圖

寧靜帶點煩躁向黃曉明說：「你不吃不行的，到時候誰領導啊？」，又叫佢多吃其他配菜。黃曉明趕緊解釋自己其實有食一隻雞蛋，而其他嘢食則因為牙痛而不能吃。

Photo from 湖南衛視截圖

不少網民都認為黃曉明嘅減肥行徑太誇張，亦有網民翻出佢上年上載嘅「減肥餐單」，一日三餐竟只得「空氣、水、月光」，雖然係玩笑，但大家都希望佢Keep fit同時注意健康。

Photo from 黃曉明微博

Text: HolidaySmart Editorial

【想隨時隨地緊貼本地食買玩資訊？】

👉🏻 即刻Follow我地Instagram holidaysmart.hk

👉🏻 訂閱我地 Youtube Channel