TVB上半年蝕近3億元 大讚姚焯菲人氣勁 傳曾志偉搵外援將綜藝騷內地化

TVB上半年蝕近3億元 大讚姚焯菲人氣勁 傳曾志偉搵外援將綜藝騷內地化

娛樂新聞
By Cheryl on 26 Aug 2021
Digital Editor

TVB今日公布上半年業績,雖然有增長但淨虧損仍達2.84億元,已較上年同期虧損少3.26%。該中期報告同時點名姚焯菲(Chantel)嘅《戀愛預告》有高點擊率。亦有傳曾志偉搵嚟一名猛料CEO整頓節目製作,但同時被指係節目內地化主因!

TVBPhoto from TVB

電視廣播﹙0511,TVB﹚已連續3年蝕錢,雖然今次公佈嘅上半年業績顯示期內收入約12.48億元,按年收入增加2%,但淨虧損仍達2.84億元,同上年同期虧損2.93億元相比,已按年收窄3.26%。

TVBPhoto from TVB

同時,該中期報告特別點名早前《聲夢傳奇》吸納大量觀眾收看,決賽達26.5點收視,又指不少觀眾於節目完結後追蹤參賽者嘅社交媒體動態。

TVB FBPhoto from TVB FB

另外,報告指出姚焯菲(Chantel)嘅《戀愛預告》演唱片段喺YouTube 、Facebook、IG及新浪等平台總瀏覽率將近4百萬次。報告同時形容Chantel係「年僅14歲嘅得獎者」,不過決賽當晚都將三大獎項:「專業評審」大獎、「觀眾熱選大獎」及終極大獎頒畀炎明熹(Gigi)。

姚焯菲 IGPhoto from 姚焯菲 IG

報告亦提到 《聲夢傳奇》第二季正處籌備階段,有廣告商已名言願意贊助節目,同時指會強化同華納唱片、環球唱片、與索尼音樂嘅合作,讓更多歌手出席TVB音樂節目。

姚焯菲 IGPhoto from 姚焯菲 IG

除此,早前TVB被大股東黎瑞剛狠批節目製作落後。為咗改善質素,有傳無綫電視副總經理曾志偉搵嚟內地後期製作公司「爆谷傳媒」CEO莫文浩救亡,但同時被指係節目內地化主因。

廣告
廣告

TVBPhoto from TVB

爆谷傳媒 FBPhoto from 爆谷傳媒 FB

莫文浩會考1分,輾轉畢業於城大創意媒體學士課程,2009年畢業後投身電影圈,參與多套電影製作,例如:《志明與春嬌》、《刺陵》、《72家租客》等。之後獲機會為內地綜藝節目進行後期製作,包括:《我們相愛吧》、《燃燒吧!少年》、《王牌對王牌》等。到2015年決定開設後期製作公司「爆谷傳媒」,近期作品包括何超蓮參演嘅《這就是潮流》。

導演幫 微博圖片Photo from 導演幫 微博圖片

可能因幕後添加了內地節目製作風格,導致TVB近期被指有內地節目影子,如港姐2021特備騷《We Miss Hong Kong STAY-cation 晉級賽》中,與內地綜藝《乘風破浪的姐姐》不約而同地出現參演者自行化妝情節。

乘風破浪的姐姐Photo from 乘風破浪的姐姐

TVBPhoto from TVB

兩組節目都為出演者準備咗化妝台,要求佢哋自行化妝兼決定登台服裝,目標讓佢哋被鏡頭捕捉到最真實一面。考慮到莫文浩加入TVB傳聞,睇嚟將來節目更內地化並不出奇,至於觀眾受唔受就要時間先能證明。

乘風破浪的姐姐Photo from 乘風破浪的姐姐

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel