港男發現心儀女生家境富裕！心灰意冷直言：我哋根本係兩個世界嘅人！

Digital Content Writer

唔少人都可能會認為同另一半家庭背景差太遠的話，會好容易產生距離！最近，有位港男就話認識咗一位情投意合嘅女仔，兩人都出過街幾次。直到佢無意中發現女生原來家境非常富裕，佢先知道「我哋根本唔係同一個世界」！

Photo from TVB

唔少人都可能認為搵伴侶要搵門當戶對嘅人，有相似嘅價值觀先能夠令彼此嘅關係長久。近日，有位港男就遇見心儀嘅女仔，但就因為發現女生嘅家境富裕而非常沮喪，開post以「真係唔好妄想溝有錢女」為題訴苦！

Photo from 連登討論區

港男表示透過交友app認識呢位女仔，兩人非常合拍。根據港男形容，呢位女仔天生麗質，只係話淡妝就已經好靚女，同佢平時所認識嘅港女十分唔同！

Photo from TVB

兩人返工嘅地方相近，所以已經約出嚟食過幾次lunch。最近，港男就成功約到呢位女仔一齊共進晚餐，不過女仔食飯後就表示司機會接佢返屋企，仲話「你住薄扶林嗎？上車喇我地兜埋你順路呀！」

Photo from TVB

港男呢一刻發現女仔原來就居住於數碼港嘅高級住宅，本身港男就婉拒咗，不過喺女仔嘅堅持下就唯有上車。為咗唔令女仔知道佢真正嘅住址，港男仲刻意提前落車！

Photo from TVB

港男知道女仔家境十分豐厚之後，就開始發現佢同呢位女仔嘅分別非常大：嗰女仔平日經常都會食日本食物omakase、飲幾千蚊一枝嘅紅酒等。港男心灰意冷，認為佢同女仔嘅差別實在太大，女仔一個月嘅花費分分鐘就已經係佢一個月嘅人工（$2萬2）！

Photo from TVB

唔少網民都認為港男唔應該咁灰心，既然女仔願意同佢發展就表示港男有可取之處，紛紛鼓勵佢；另外部份網民講笑咁話「上唔上到樓就睇今次喇，兄弟！」，覺得港男應該好好把握呢個「荀盤」！

Photo from 連登討論區

不過，有部份網民就話港男就算同女仔一齊，之後嘅路應該都有啲難行，畢竟女方嘅父母應該會好重視女兒男友嘅家境或者能力！

Photo from 連登討論區

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

港男與女網友見面被查家宅？！約會秒變見工面試網民反應兩極

20 Aug , 2021

交友app最近非常盛行，唔少人都會利用app去尋找另一半。日前，有位港男喺討論區分享同女網民一齊食飯嘅情況，但對方就不停詢問關於佢家庭背景嘅問題，呢種行為令佢覺得非常有壓力！

Photo from TVB

現時打工仔工作繁忙，未必有時間同機會認識新對象。最近，有位港男就於討論區分享同女網民見面嘅經歷，不過佢就話對方嘅行動同言語令佢十分唔舒服，形容「好似俾人查家宅咁」！

Photo from 香港討論區

港男表示最近透過交友App認識咗個女仔，兩人年紀相仿，所以聊天時非常投契。佢表示大家已經約過出嚟食飯一兩次，前幾次都係AA制咁各自俾錢，直到最近一次見面食飯時，佢就決定要請對方食一次飯！

Photo from TVB

然而，當港男提出請食飯之後，女網友就立刻好大反應咁話「點解呀？你想追我呀？」。女網友隨即不停咁詢問港男問題：「你搵幾多錢一個月呀？屋企有冇樓有冇錢留比你呀？屋企有幾多人呀？結婚之後我唔同你阿爸阿媽住又得唔得？我唔做家務㗎，一定要請個工人返黎做」，好似講到要立刻嫁俾佢咁！

Photo from TVB

港男見狀就回答「其實我都係出於禮貌想請你食餐飯，本身都有諗過追你，不過見你咁樣都係放棄啦」，一方面佢就話好慶幸可以喺追求佢之前發現女網友嘅「真面目」。港男認為自己都只不過係想搵個心儀女仔認識下，但一時間就好似變成俾人查家宅咁，令佢不禁懷疑「唔通而家追女仔係要好似見工面試咁嘅？！」

Photo from TVB

有網民就認為港男透過呢次機會更深入咁了解咗呢位女網友，覺得女網友行動上反映出係一個貪慕虛榮嘅女仔；亦有網民覺得女網友可能並非認真尋找另一半，只係想玩下或者「收兵」，所以態度先會咁！

Photo from 香港討論區

相反，有網民就揶揄港男「前幾次都AA制，註定追唔到女」，覺得佢太孤寒，未能令女生留下好印象！部份網民就認為女網友只係比較直接，但其實了解另一半嘅背景都係非常重要嘅事。

Photo from 香港討論區

Text: HolidaySmart Editorial

【想隨時隨地緊貼本地食買玩資訊？】

👉🏻 即刻Follow我地Instagram holidaysmart.hk

👉🏻 訂閱我地 Youtube Channel