鄭爽逃稅被追討將近3億人民幣！ 遭全面封殺 微博禁言/不可出演任何節目

內地女星鄭爽早前先因為代孕、陰陽合約等傳聞，而導致形象插水。最近，內地傳媒就證實咗鄭爽逃稅嘅傳聞！根據上海稅務局所嘅資料所顯示，佢欠下嘅稅務足足有$2.99億人民幣（約港幣$3.58億），仲因此而被禁止出演任何節目或播放佢曾經出演嘅節目，等同「被踢出娛樂圈」！

Photo from 微博

現年30歲嘅內地女星鄭爽，年初被前夫張恒爆出代孕棄養嘅消息後，接二連三陷入陰陽合約、逃稅嘅傳聞，導致形象瞬間插水！當時張恒仲直指鄭爽接拍嘅電視劇《倩女幽魂》（後改為《只問今生戀滄溟》）足足收咗$1.6億人民幣（約港幣$1.9億）做片酬，令唔少網民感到震驚！

Photo from 微博

Photo from 鄭爽形象插水！

由於陰陽合約、逃稅傳聞等引起網民嘅廣泛關注，因此內地有關部門亦開始著手調查消息。最近，內地傳媒就表示調查結果證實咗鄭爽逃稅嘅傳聞，而上海市稅務局正式向佢收取欠下嘅稅款高達$2.99億人民幣（約港幣$3.58億）！

Photo from 微博

內地廣電總局亦正式下令不得播放佢主演嘅《倩女幽魂》（後改為《只問今生戀滄溟》），而且電視機構、網絡電視等都唔容許邀請鄭爽參與製作節目，並且需要停止播放所有鄭爽曾經參與過嘅節目及電視劇！封殺程度猶如將佢「踢出娛樂圈」一樣，睇怕今次都好難繼續佢嘅演藝事業喇！

Photo from 微博

而鄭爽嘅微博亦同樣被封殺，網民們就發現佢嘅微博已經被禁言；而佢嘅工作室微博亦遭到同樣嘅對待，一夜之間徹底被封殺！不過，喺逃稅事件曝光之後，佢就突然於微博上載咗道歉信，表示願意接受處罰，不過唔知佢之後又會唔會面臨再一次被禁言呢？！而前夫張恒舉報鄭爽逃稅，不過就被有關單位發現佢係電視劇《倩女幽魂》嘅項目經理人，所以亦正在接受調查，目前被禁言中。

Photo from 鄭爽微博

Photo from 微博

其實鄭爽前幾日就曾經喺微博簡介欄上載咗自白信，表示「如果還有機會，我會在8.29日發表一封給社會的致歉信。」，並為自己代孕一事作出解釋，承諾大眾會給予大家都滿意嘅道歉！唔知佢當時所指嘅道歉信係咪就係為逃稅事件作回應呢？！

Photo from 微博

其實鄭爽都並非唯一一位受調查嘅對象，內地演員趙薇亦疑似被封殺？！據悉內地廣電局為咗整頓內地影視圈嘅風氣，而家加強緊演藝人員片酬規範管理，並表示會對違法違規嘅演藝人員同相關機構作出追責。

Photo from 趙薇微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

趙薇被《還珠格格》除名！突遭內地平台全封禁/下架作品！疑因20年前著日本旗衣服

27 Aug , 2021

影后趙薇喺內地娛樂圈地位唔低，除咗主演過多套影視作品之外，近年更修讀導演系碩士課程。不過近日佢旗下藝人張哲瀚被官方狂批，甚至封咗佢嘅微博帳號。估唔到隔幾星期，趙薇亦疑被內地官方封禁，多個平台下架其作品，連成名作《還珠格格》都除名！

Photo from 趙薇微博

早排憑《山河令》爆紅嘅內地男藝人張哲瀚因為被翻出曾到日本神社參觀同影相，遭官方狠批，張哲瀚同其工作室嘅官方微博都被封，演藝事業恐一舖清袋！張哲瀚係趙薇旗下藝人，事件發生後，趙薇一直非常低調，未有回應事件。

Photo from 微博

但9月26日，趙薇喺內地一夜間「被消失」！唔止微博超話被禁，喺唔少影視網站如優酷等都搵唔到相關嘅人物，似已被官方封禁！

Photo from 微博

Photo from 微博

趙薇主演嘅電影、電視作品《情深深雨濛濛》、《畫皮》等亦被下架，佢出演嘅綜藝節目如擔任導師嘅《演員請就位》、擔任店長嘅《中餐廳》亦已下架。

Photo from 《畫皮》

Photo from 趙薇微博

趙薇出道27年，演藝事業發展得好好，出演《還珠格格》「小燕子」一角令佢爆紅，之後更轉型做導演執導處女作《致我們終將逝去的青春》票房亦破紀錄，2014年憑電影《親愛的》勇奪第34屆香港電影金像獎「最佳女主角」，事業如日中天。

Photo from 《還珠格格》

Photo from 趙薇微博

但估唔到一夜間佢嘅作品就被下架，連成名作《還珠格格》佢雖然係第一女主角，但亦喺演員名單上遭「除名」！趙薇突然被禁引起內地網友關注，「趙薇怎麼了」、「趙薇超話被封」都登上微博熱搜榜。

Photo from 微博

Photo from 微博

雖然趙薇個人以及其工作室嘅微博仍然存在，但佢亦似乎被官方列為「劣跡藝人」，有網友就指佢多年嚟亦曾引起過唔少爭論，最為著名嘅係佢於2001年雜誌封面穿上一件同日本軍旗相似嘅衣服，其後佢有道歉，雜誌總策劃亦引咎辭職，但之後仍被認定係佢黑歷史之一。

Photo from 微博

有指趙薇今次被封就係同呢件事有關，除此之外又指佢老公黃有龍與政商界關係密切，趙薇本人亦曾同唔少政治人物有交流。趙薇2010年被新加坡傳媒爆早已成為新加坡永久居民，佢女兒亦喺新加坡出生，2015年，趙薇喺香港買咗3棟豪宅並入籍香港，安排女兒來港讀書，又取得香港居留權，成為香港居民，種種報道令趙薇被指「唔愛國」。

Photo from 趙薇微博

Photo from 趙薇微博

同趙薇份屬好友嘅黃曉明為明哲保身，微博已將所有與「趙薇」有關嘅貼文移除，與趙薇同參演《還珠格格》嘅林心如，其內地工作室「東陽橫店林心如影視文化工作室」被發現已「註銷」，原因為「決議解散」，再掀網友熱議，有網民表示係因為其工作室合伙人受官司影響先會咁。

Photo from 黃曉明微博

Photo from 林心如微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）