download HolidaySmart 假期日常 app
內地19歲大學男網戀1個半月被騙逾$380萬!仙氣直播主女友真身曝光 嚇倒網民!

內地19歲大學男網戀1個半月被騙逾$380萬!仙氣直播主女友真身曝光 嚇倒網民!

生活熱話
By Stephanie on 30 Aug 2021
Digital Content Writer

網絡虛擬世界裡面充斥住好多危機,所以大家一定要小心!最近,內地一名19歲嘅男生就喺語音聊天平台認識咗一名女生,兩人迅速成為情侶,而女方交往後就開始利用唔同嘅理由要求男生送禮。直到後來女方多次拒絕見面或者視像通話,男生先驚覺自己受騙!

19歲男大生被「女友」欺騙!Photo from TVB

網上交友一定要非常慎重,一不小心好容易就會受騙!近日,內地19歲男生就唔小心成為其中一個例子,仲因此而損失慘重,人財兩失!

內地男生玩語音app被騙?!Photo from TVB

與女直播主發展情侶關係!Photo from TVB

#內地男大生因失戀開始使用交友平台

居住於浙江杭州嘅19歲大學男生因為今年6月失戀,而開始使用語音聊天交友平台,仲因此而認識咗一位女直播主。呢位直播主嘅聲音甜美而且樣貌亦非常清秀,經常都會向男生發送生活照,又會陪佢玩遊戲,兩人感情迅速升溫,發展成為情侶關係!

男大學生因失戀 開始用語音app交友!Photo from 微博

繼而與女直播主發展成情侶關係Photo from 微博

#女友多次向男生借錢/索取禮物

男生非常寵愛女友,即使對方提出唔同嘅要求,佢都會盡量配合同滿足。再加上,女友曾經向佢透露家裡經濟狀況有問題,表示因為缺錢先會選擇做直播主,只要刷禮物(直播中粉絲送禮給直播主嘅功能)到某一個金額,佢就唔需要再做直播主!

女方表示做直播主,全因家境貧困!Photo from TVB

#一個半月送禮94次?

後來,女友就開始慫恿男生於app送禮物俾佢,再承諾等收到直播主嘅收入後就會立刻還返俾佢!見男生願意就範,女友就更加變本加厲開始以其他私人理由問男生借錢,例如:生病、屋企裝修等,短短一個半月男生就送禮多達94次,所有禮物總值人民幣$318萬(約港幣$382萬)!

女友用不同理由向男生借錢!Photo from 微博

#兩人只係用語音交談

兩人交往期間都從未見過面,僅僅係透過語音談情,男生曾經以不再送禮為由,希望可以同女友見面,但最終都被女友嘅甜言蜜語迷倒而失敗!直到今個月,佢再一次以轉帳$200俾女友,希望能夠同對方視像通話一次,但女友堅決拒絕,令佢開始意識到自己可能受騙,喺父母陪同之下報警。

女友多次推搪不願意視像通話見面!Photo from 微博

#女直播主真身竟然係......

經警方調查後,女生係一位只有24歲嘅女生,家境一般,平時亦的確係做語音直播吸引男觀眾送禮賺錢。不過,佢app內嘅照片同生活照都係網上買返嚟,現實中嘅佢係一位接近220磅嘅女生,同照片中形象大相徑庭!

女友(圖中間/身穿黑衣)被逮捕Photo from 微博

#同時間有多位「男友」!

女生就表示「當初不知道他這麼有錢,但他兩三天就給我打賞20多萬禮物」,現實中女生沈迷網上抽獎遊戲,因此花費咗大量金錢,並開始利用唔同理由於網上「賺錢」!如此同時,女生喺同大學男生交往時竟然仲「一腳踏幾船」,累積金額涉及人民幣逾$500萬(約港幣$600萬)。

女子同照片中模樣十分不同!Photo from 微博

女語音直播主同時與多名男粉絲交往?!Photo from TVB

#內地網民驚訝男大生居然有咁多錢!

唔少內地網民知道事件後,都將重點放咗喺男生嘅家庭背景身上,認為區區一個大學生居然能夠有咁多錢,令佢哋非常驚訝:「是貧窮限制了我的想像」!

內地網民知道後都錯重點,認為大學男生未免有太多錢!Photo from 微博

網民慨嘆網上騙財變得普遍!Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

內地14歲少女後悔用$360手臂紋身 母親追究紋身店:我女兒前途盡毀了!

27 Aug, 2021

而家有唔少人都擁有紋身,而大家紋身嘅背後原因都各有不同。近日,有位14歲嘅內地少女隱瞞屋企人偷偷以人民幣$300(約港幣$360)紋身,不過紋身後嘅佢性情大變,非常後悔;而少女嘅母親仲嬲到要求紋身店負起責任!

少女母親得知悉少女紋身後 超級憤怒!Photo from 微博

紋身切忌一時衝動,一旦後悔洗紋身所花嘅時間同金錢分分鐘仲貴過紋身好幾倍!最近,有位14歲嘅內地少女就因為衝動紋身,而導致十分後悔,仲花費$3萬人民幣(約港幣$3.6萬)先成功將紋身洗走!

內地少女紋身後感到後悔!Photo from 微博

據媒體報導,內地遼寧省丹東市14歲少女因為好奇心嘅驅使下,隱瞞家人去咗一間紋身舖頭以低價$300人民幣(於港幣$360)紋身。少女嘅左右手臂都被紋身嘅圖案完全覆蓋,十分顯眼。據悉,紋身嘅圖案係由紋身店嘅人所選擇,而花紋睇落就好似日本浮世繪咁,同少女本身斯文嘅形象格格不入!

紋身圖案佔非常大嘅面積!Photo from 微博

同少女嘅風格格不入Photo from 微博

紋身之後,少女就突然性情大變,由開朗活潑嘅性格變成極度孤僻嘅人,開始唔願意返學同其他人交談。由於紋身圖案非常顯眼,而內地對於紋身嘅睇法依然比較保守,因此少女經常都要穿著長袖衫遮蓋,擔心紋身會影響前途。

心痛女兒14歲小小年紀就被騙?!Photo from 微博

父母亦好快就發現少女嘅紋身,佢哋都非常憤怒,母親見到後嬲到話「把我女兒的大好未來全都毀了」!眼看住女兒後悔崩潰痛哭嘅模樣,佢哋就不惜一切帶女兒遠赴上海洗掉紋身,足足花咗2年時間,同埋$3萬人民幣(約港幣$3.6萬)將紋身洗走!不過因為紋身圖案太大,所以即使洗掉都可能會留疤或者有紋身嘅痕跡。

母親認為紋身令女兒前途盡毀Photo from 微博

母親就狠批紋身店為咗賺錢,竟然幫小朋友紋身,並且刻意隱瞞令少女誤會自己已經夠歲數可以紋身;而紋身店就表示「你花多少錢,我給你3倍賠償」,即係以$900人民幣(約$1,080港幣)作賠償!不過母親聽到後就更加氣憤,反駁「900塊如何買回我女兒的自尊心啊?!」

紋身店家願意以$900作為賠償金Photo from 微博

不滿紋身店家以$900作為賠償!Photo from 微博

內地網民睇完事件後,反應兩極,各自持有唔同嘅睇法!部份網民就贊同母親嘅說法,認為紋身店應該負上所有責任「的確不應該給這麼小年紀的小朋友紋身」等;不過有網民就認為父母本身都有好大責任,只係怪責店家未免太過分「自己的小孩都管不住」、「一看就知道是家長的態度令她變孤僻的!」等。

網民反應兩極!Photo from 微博

網民認為家長責任更加大!Photo from 微博

而今次嘅事件亦引起內地網民對於「紋身」嘅熱烈討論,唔少網民都認為現今社會紋身其實並唔代表「壞」,但亦有網民表示唔能夠接受紋身!

部份網民表示有紋身並唔代表啲咩!Photo from 微博

部份網民依然未能夠接受紋身!Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel