download HolidaySmart 假期日常 app
楊明推翻認罪答辯 以為認罪可減輕刑罰?! 網民揭《燉》佐敦店疑似結業!

楊明推翻認罪答辯 以為認罪可減輕刑罰?! 網民揭《燉》佐敦店疑似結業!

娛樂新聞
By Stephanie on 01 Sep 2021
Digital Content Writer

楊明(林明樂)近年是非多多,上年8月仲因為涉嫌酒後駕駛,撞毀八十年歷史石牆而被起訴,而審訊依然進行緊。楊明早前就已經承認其中兩項控罪,不過近日應訊嘅時候,佢嘅代表律師清洪就嘗試為佢推翻認罪答辯,並解釋楊明以為認罪就可以減輕判刑!

楊明上年因交通意外被控!Photo from 楊明IG

#上年8月發生交通意外

現年40歲嘅楊明入行多年,參與過唔少電視劇,不過近呢幾年佢嘅「私生活」亦十分精彩。楊明上年8月1日於馬己仙峽道發生交通意外,由於發生意外嘅時候佢神情呆滯並唔清醒,因此佢被要求做酒精呼氣測試,但最終都未有完成測試!

事發時並冇接受酒精呼氣測試!Photo from 楊明IG

事發當時未有接受酒精呼氣測試Photo from 楊明IG

#被控3項控罪

事後,楊明被控「拒絕提供血液樣本作酒精測試」、「不小心駕駛」及「車窗玻璃光度不足」3項罪名。至今,案件已經於法院審訊多次,而佢早前就承認其中2項控罪,否認拒絕提供血液樣本作酒精測試!

總共被控3項控罪 目前正在審訊中Photo from 楊明IG

#要求推翻認罪答辯

楊明嘅案件最近於東區裁判法院續審,一如既往地女友莊思明亦有陪同到場。其中最大嘅話題莫過於代表楊明嘅大律師清洪表示自己為楊明提供不恰當法律意見,嘗試推翻早前嘅答辯!

女友莊思明每一次應訊時都陪伴到場!Photo from 楊明IG

#楊明誤以為認罪可以避免坐監?!

相當有經驗嘅大律師清洪於庭上承認誘使被告認罪(induce the defandant),並藉此希望法庭容許楊明更改認罪答辯,獲裁判官接納!據悉,大律師清洪提供嘅法律意見係認罪嘅話「有可能」(likely)不需要坐監,而「任何心智成熟嘅人,都知無一定呢樣嘢」,因此最終控方認為清洪並冇給予錯誤嘅法律意見。言下之意,即係楊明好有可能係因為希望可以減輕刑罰先會認罪?!

楊明以為認罪可減輕刑罰?!Photo from 楊明IG

但雙方對於楊明「拒絕提供血液樣本作酒精測試」依然各有立場,所以押後至10月21日裁決,楊明繼續以原有條件保釋。

案件將押後再審Photo from 楊明IG

#網民發現經營食店結業?

另一方面,楊明近年亦非常用心經營副業,於香港開設餐廳做老闆。不過,近來就有網民於討論區以「【突發]】楊明「燉」佐敦店突結業」為題出post,仲上載咗幾張疑似裝修師傅清拆店內東西嘅照片!而「燉」嘅Facebook專頁就已經將佐敦分店嘅資料刪去,並表示即將於屯門開設分店。

網民上載佐敦分店照片!Photo from 連登討論區

與女友共同打理餐廳生意Photo from 楊明IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

楊明餐廳疑似再度違規 有機會被吊銷牌照?食客本想打卡朝聖 怎料成揭露違規有力證據?!

24 Feb , 2021

近日有傳媒報導,藝人楊明嘅餐廳被發現違例!事關楊明位於工業大廈地庫嘅餐廳暫時只有工廠食堂牌照,只可以招待工廈內工作嘅員工,但佢就疑似違反規定招待街客堂食。因為唔少網民打卡同上載食評上網站,而令事件曝光,唔知又點收科呢!

楊明IGPhoto from 楊明IG

楊明孖住女友莊思明近年齊齊進軍飲食業,根據資料顯示,楊明係2020年一月已經違反過一次食品牌照嘅規例。因為當時楊明位於工廈嘅餐廳只係持有食物製造廠牌照,係唔可以招待非該大廈嘅員工堂食,而佢疑似招待街客,食環署亦有做出行動,向負責人提出檢控,但估唔到今次竟然疑似再犯。

楊明IGPhoto from 楊明IG

因為有唔少嘅網民專城去餐廳用餐後打卡甚至寫食評詳細描述食物、環境等,更有上載與楊明女友莊思明嘅合照,令事件曝光。按照食物環境衛生署官方網站開資料顯示,楊明嘅餐廳暫時只有工廠食堂牌照,而呢個牌照理應只可以喺招待該工廈內工作嘅人堂食。但多數食客都表示自己係「收工後趕過去」或者「專程坐車去試食」,「地方唔難搵」等等,疑似唔係在該大廈內工作,這些食評變相成為餐廳違規的有力證據。

OpenRicePhoto from OpenRice

OpenRicePhoto from OpenRice

OpenRicePhoto from OpenRice

雖然未知楊明是否知情或者以餐廳目前持有牌照是否屬於違規,但政府亦有相關條例亦寫明,若果持牌人重複違規有機會會被取消牌照。

其實楊明近年都有唔少負面新聞纏身,2020年8月喺半山馬己仙峽道被發現酒後駕駛,被警方當場拘捕。而佢酒駕嘅案件已經排期到今年3月2日再開審,如果要加埋今次嘅違規事件,相信都有排煩喇。

TVBPhoto from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel