四川驚現日本奈良東大寺？！官方稱係唐代風格寺廟 內地網民：不都是日本抄中國

中國大連興建嘅「日本風情街」於近日開幕，引起網民熱議。四川峨眉山光明寺重建後竟「撞樣」位於日本奈良嘅東大寺，雖然官方指係唐代風格建築，但仍有唔少內地網友大感不滿。

Photo from 微博

#大連日本風情街斥資60億元人民幣興建

位於遼寧省嘅「大連日本風情街」還原日本嘅特色建築，有傳呢條街花費約60億元人民幣興建，而且只會售賣日本商品，不過官方就指消息不實。

Photo from 小紅書

「大連日本風情街」按照日本京都地區嘅建築風格落成，除咗日本商品外，亦有發售大連本地出產嘅貨品，不過有網友就認為喺中國與建「日本街」十分不妥，更會傷害人民感情。

Photo from 小紅書

#四川驚現奈良東大寺？！

日本風情街喺網上引起熱烈討論，近日有網民發現四川省峨眉山亦出現咗好有日本特色嘅寺廟。位於峨眉山嘅光明寺建於唐宋年間，於2010年恢復重建，經過6年建設建成。

Photo from 小紅書

Photo from 小紅書

官方指：「重建的光明寺注重恢復盛唐風格」，但網友關注寺廟外型與日本奈良嘅東大寺十分相似，更公開對比照，直言：「比日本還日本哦」

Photo from 小紅書

Photo from 東大寺官方網站

Photo from 微博

#內地網友指兩地同為唐代風格建築

有內地網友指雖然光明寺正殿與東大寺嘅大佛殿「好似樣」，但只係因為唐代嘅建築風格傳到去日本，所以東大寺亦係參照咗唐朝建築而興建。

Photo from 小紅書

Photo from 東大寺官方網站

Photo from 天涯論壇

Photo from 天涯論壇

Photo from 天涯論壇

不過有網民舉出證據表示大佛殿曾被燒毀，因此現時嘅大佛殿與當初相比已係面目全非，唔再係唐代特色建築，但四川嘅光明寺竟然同重建後嘅大佛殿相似，反證明係參考咗日本風格設計同興建。

Photo from HolidaySmart

Photo from 小紅書

Photo from 小紅書

唔少網友對此感到不滿：「峨眉山光明寺！完全抄日本建築！」、「真的是很無語」、「以後的中國人是不是得取個日本名字呀？」，亦有網友自嘲：「以後不出國就可以遊覽日本了」

Photo from 微博

相關文章：

奈良最新半山靚景酒店　鄰近3項世界文化遺產

相關文章：

居日中國大媽力數日本公屋缺點「食唔好 朋友唔多」網民：講到內地咁好，唔返去？

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）