舅父不惜一切望表姐成功嫁豪門！ 搬去豪宅居住 網民：搬咗就一定識到？
Photo from TVB
#舅父一家突然搬去豪宅住？
以前有句俗語「女仔工作做得好不如嫁得好」，導致唔少傳統觀念較重嘅父母認為只要女兒嫁得好，未來就可以生活無憂！最近，有網友就表示舅父一家為咗令表姐可以加入豪門，竟然專登搬去豪宅住？！
Photo from 香港討論區
#表姐嫁唔出係因為住宿問題？
網友表示舅父同舅母一直以嚟都好希望表姐可以嫁個有錢人，一直以來都對表姐歷任嘅男友們非常不滿，導致表姐而家三十幾歲都仲未結婚。而舅父舅母最近就突然「開竅」，認為表姐搵唔到好歸宿同佢哋而家嘅居住環境息息相關！
Photo from TVB
因此為咗表姐未來嘅幸福著想，佢哋一家就決定搬屋。本身舅父一家就正租住緊一個單位，趁租約剛剛到期，就開始尋覓合適嘅豪宅租盤！
Photo from TVB
#經濟負擔變大
網友就話本身佢哋住緊嘅地方都尚算唔錯，相反豪宅嘅月租昂貴，足足比而家高一大截，會令舅父一家每個月嘅經濟壓力變得非常大！而新租住嘅單位面積仲要比而家更加細，令網友覺得突然搬走係不智嘅選擇；不過由於佢哋十分堅持呢個諗法，所以網友就表示「唯有希望佢哋成功啦！」
Photo from TVB
Photo from TVB
#網民認為表姐未必成功！
唔少網民就認為表姐可唔可以成功認識到「有錢人」係取決於佢本身嘅條件，並非單憑搬去豪宅就可以；而部份網民就覺得表姐成功嘅機會率唔大，覺得「有錢人多數都鍾意後生嘅」！部份網民就話「真正嘅有錢人係住獨立屋居多」，擔心表姐可能會認識到「偽富豪」。
Photo from 香港討論區
Photo from 香港討論區
#提議認識有錢人方法
其中，有網民就詢問「搬咗去豪宅之後，究竟要點樣先認識到有錢人？」，而網民就絞盡腦汁為呢位表姐「密謀諗計」：多啲去會所認識其他人、經常同鄰居交談等，十分搞笑～
Photo from 香港討論區
Photo from TVB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
姐姐與公屋男有樓先結婚 求媽媽畀首期 男家只畀3萬禮金包酒席 弟弟寧親姊拜金
6 Aug , 2021
結婚買樓係好多人嘅人生大事，當中需經過多番商量。若雙方家庭無法協調就會影響關係。近日，一名港男上網發文，指其姐姐想買樓後才結婚，考慮到男方家境貧窮，姐姐便要求母親支付首期，令事主大感無奈。
Photo from 香港愛情故事 TVB
最近，一名港男於連登討論區發文，表示其20多歲姐姐同佢公屋出身嘅男友拍咗兩年拖，雙方打算先買樓，再於下年結婚。但男方家境貧困，無物業，亦無儲錢及投資習慣。
Photo from 香港愛情故事 TVB
事主姐姐考慮到男家有畀禮金，亦全包酒席，就認為女家都要有貢獻。於是，姐姐要求媽媽幫下手，支付首期，以免只得男家付出，更揚言：「唔係就唔嫁，或者叫男友搬入黎住」。
Photo from 愛回家
不過，男家只能支付3萬元禮金，事主認為與自己媽媽支付首期相比，價值實在差太遠。故此，事主大呻：「點解香港咁多拜金女，偏偏我家姐唔係」。
Photo from 愛回家
不少網民都認為事主姐姐嘅「首期要求」不公平，「酒席值幾多錢，咪幾十萬，但首期100萬起跳。」另有網民指，擺酒仲有人情收，分分鐘有賺。更有人覺得事件似一個女兒夾埋老公屈自己媽媽錢。
Photo from 愛回家
Photo from 連登評論
Photo from 連登評論
有網民建議，事主一家可將禮金退回男家，大家食餐飯就算，正所謂「一家人嘛」。亦有留言建議，窮就唔好擺酒，倒不如索性將酒席錢折現，慳返首期。
Photo from 連登評論
另有人則提供了一個廣受其他網民讚賞嘅建議：「首期你媽媽畀，但層樓淨係寫你媽媽名咪得囉；但供就叫男家供，當交租。」
Photo from 連登評論
不過，有網民卻集中猜測樓主唔想媽媽畀首期原因，「其實係咪怕呀媽資助家姐買樓之後無錢俾樓主買樓？」，留言獲其他人回覆：「唔好踢爆人啦」、「呢句先係樓主心入面果句。」但相關留言未有獲事主回應。
Photo from 連登評論
Photo from 連登評論
Photo from 連登評論
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
