download HolidaySmart 假期日常 app
李嘉欣59歲姐姐李嘉明樣貌曝光! 姐妹情深 連感情經歷都十分相似?!

李嘉欣59歲姐姐李嘉明樣貌曝光! 姐妹情深 連感情經歷都十分相似?!

娛樂新聞
By Stephanie on 02 Sep 2021
Digital Content Writer

李嘉欣(Michele)憑著深邃嘅五官同修長嘅身形,被網民稱為「大美人」同「最美港姐」!近日,佢就為大佢8年嘅姐姐李嘉明慶祝生日,並罕有上載咗姐姐嘅正面樣貌,兩姐妹氣質相近,而且都保養得宜,令唔少網民直呼「就連姐姐都係凍齡美人啊!」

李嘉欣有一位比自己大8年嘅姐姐!Photo from 李嘉欣IG

#婚後淡出娛樂圈

現年51歲嘅李嘉欣2008年同香港船王之孫許晉亨結婚,並於2011年誕下兒子許建彤(Jayden)。成為人母之後,佢就鮮少出現喺大眾面前,慢慢淡出娛樂圈,專心相夫教子,過著幸福少奶奶嘅生活~

李嘉欣結婚後淡出娛樂圈!Photo from 李嘉欣IG

過幸福少奶奶生活~Photo from 李嘉欣IG

#姐姐李嘉明樣貌曝光!

其實李嘉欣仲有一位比佢大8年嘅姐姐李嘉明,不過就因為佢為人比較低調,所以甚少被人提起。近日,李嘉欣就同一班好朋友為姐姐李嘉明慶祝59歲生日,並罕有咁上載咗慶生嘅照片!由照片中所見,只見壽星李嘉明獨自一個坐喺中間,抱住一大束嘅花,睇落非常有氣質。而作為「大美人」嘅姐姐,佢嘅顏值當然就受到網民們嘅關注啦!

姐姐李嘉明樣貌公開!Photo from 微博

#網民大讚keep得好

當中唔少網民都大讚李嘉明保養得好好,外表同佢嘅年齡完全唔相符,不經讚嘆兩姐妹「凍齡有術」,引起一番熱議。喺公開咗姐姐嘅正面樣貌之後,網民先發現一向活躍於社交媒體嘅李嘉欣過去就曾多次上載同姐姐嘅合照,只不過當時嘅佢都冇tag姐姐,睇嚟姐姐嘅作風真係比相當低調!

網民翻出兩姐妹過往合照!Photo from 李嘉欣IG

兩人氣質相近~Photo from 李嘉欣IG

網民就翻出更多李嘉欣同姐姐嘅合照,認為李嘉明嘅樣貌相對比較「貼地」同「親近」,不過同李嘉欣一樣有高貴嘅氣質,令網民驚嘆「兩姐妹嘅基因都好強大啊」!唔知大家又點睇呢?

網民都大讚兩姐妹保養得好好!Photo from 李嘉欣IG

#兩姐妹嘅愛情經歷亦好相似?

兩姐妹除咗氣質相近之外,其實佢哋嘅感情經歷都有啲相似㗎~李嘉欣喺1988年榮獲港姐冠軍之後,一夜成名,桃花運亦源源不絕!自入行以嚟佢嘅緋聞非常多,當中唔少緋聞男友都非富則貴,包括有劉鑾雄(大劉)、倪震等。

李嘉欣跟黎明曾經有過一段情?!Photo from 李嘉欣IG

後來,李嘉欣就尋覓到自己嘅幸福,同許晉亨結婚!不過聽聞李嘉欣亦非常關心姐姐李嘉明嘅終身幸福,喺結婚前就已經開始尋覓「荀盤」,為姐姐介紹好對象。

十分關心姐姐人生大事!Photo from 李嘉欣IG

利用人脈為姐姐覓對象?!Photo from 李嘉欣微博

#姐姐李嘉明與「眼鏡大王」顧毅勇結婚!

李嘉明最終就同「眼鏡大王」顧毅勇擦出愛火花,而對方亦係非常厲害,保守估計有$10億身家!雖然李嘉欣否認自己有幫手撮合兩人,不過兩姐妹都經常會帶同丈夫一齊出席聚會,就知道佢哋嘅感情好好啦~

兩姐妹經常帶同丈夫一齊見面~Photo from 李嘉欣IG

據悉,李嘉明嫁俾顧毅勇前曾經離過一次婚,而對方只係平凡嘅圈外人;外界仲有傳李嘉明喺加入豪門嘅時候,就已經懷有5個月嘅身孕,而作為名人嘅李嘉欣喺陪伴姐姐出入嘅時候亦刻意打扮得更加低調,免得引起注目!兩人完全顯現咗姐妹情深~

兩姐妹感情超好 羨煞旁人~Photo from 李嘉欣微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

50歲李嘉欣著性感Bra Top!老公許晉亨表情尷尬彈開成個身位?

27 Apr , 2021

「大美人」李嘉欣同許晉亨結婚後夫妻一直都十分恩愛,日前佢晒出夫婦合照,更著上性感嘅Bra Top!不過喺隔離嘅許晉亨表情就似乎非常尷尬!?

「大美人」李嘉欣同許晉亨結婚後夫妻一直都十分恩愛Photo from 李嘉欣IG

李嘉欣今年50歲,不過都保養得唔錯,佢亦經常喺IG大晒靚相,當中更不乏同老公許晉亨放閃嘅合照。佢同許晉亨於2008年結婚,育有一子許建彤(Jayden),結婚13年夫妻仍然恩愛~

李嘉欣今年50歲,不過都保養得唔錯,佢亦經常喺IG大晒靚相Photo from 李嘉欣IG

李嘉欣同許晉亨於2008年結婚,育有一子許建彤(Jayden)Photo from 李嘉欣IG

向來有「大美人」稱號嘅李嘉欣除咗外貌keep得好之外,身材亦都好fit,佢喺IG晒出著Bra Top嘅照片,見佢小腹平坦,一啲肚腩都無!下身著銀色珠片褲、外面搭螢光黃外套,真係唔係個個都carry到!

李嘉欣喺IG晒出著Bra Top嘅照片,見佢小腹平坦,一啲肚腩都無!Photo from 李嘉欣IG

唔少好友如黎姿、王敏德等都留言大讚佢「Cool」!

好友如黎姿、王敏德等都留言大讚Photo from 李嘉欣IG

李嘉欣罕有以性感造型現身,老公許晉亨打扮就斯文好多,唔知係咪因為覺得風格大為不同,許晉亨表情顯得有啲尷尬,佢笑容僵硬,同露出強烈眼神嘅李嘉欣形成對比。

李嘉欣IGPhoto from 李嘉欣IG

李嘉欣喺IG晒出著Bra Top嘅照片,見佢小腹平坦,一啲肚腩都無!Photo from 李嘉欣IG

第二張相李嘉欣繼續chok爆擺pose,老公許晉亨唔知係咪畀太太嘅氣場壓倒,雖然與李嘉欣十指緊扣,不過就彈開咗成個身位!

第二張相李嘉欣繼續chok爆擺pose,老公許晉亨唔知係咪畀太太嘅氣場壓倒,雖然與李嘉欣十指緊扣,不過就彈開咗成個身位!Photo from 李嘉欣IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel