download HolidaySmart 假期日常 app
港姐陳庭欣公開月租十萬九肚山豪宅!由公屋港姐變貴婦 生活越來越富貴

港姐陳庭欣公開月租十萬九肚山豪宅!由公屋港姐變貴婦 生活越來越富貴

娛樂新聞
By Stephanie on 03 Sep 2021
Digital Content Writer

2010年港姐冠軍陳庭欣(Toby)自從同坐擁10億身家嘅楊振源(Benny)拍拖之後,生活就變得越來越富貴!近日就係陳庭欣嘅34歲生日,而佢就上載咗唔少朋友同男友為佢慶祝生日嘅照片,仲公開咗豪宅內嘅環境!

陳庭欣被指生活越來越富貴?!Photo from 陳庭欣IG

#入行後做主持人居多

陳庭欣(Toby)於2010年參選香港小姐獲得冠軍而入行,有份出演電視劇以及主持節目,曝光率都算高。除咗事業順遂之外,佢嘅感情生活都非常多姿多彩。入行後,佢曾經同翟威廉交往5年,不過兩人最終分手收場,但就聲稱兩人變成「Best friend」!

早前有份主持東京奧運Photo from 陳庭欣IG

#公開戀情!

2018年,陳庭欣被傳媒大爆與彩豐行老闆楊振源(Benny)嘅戀情,後來佢就於IG上載兩人嘅合照正式公開戀情!據悉,作為大老闆嘅楊振源坐擁$10億身家,曾經大手筆投資$1200萬開健身中心,仲邀請女友親自做代言人,一齊搵錢,並揚言兩人預計於今年結婚。

同男友楊振源(Benny)交往多年!Photo from 陳庭欣IG

男友身家逾$10億Photo from 陳庭欣IG

#豪宅內部曝光

日前,陳庭欣就上載咗好姐妹為佢慶祝生日嘅照片,而照片就曝光咗佢現時居住嘅豪宅內部!據悉,本身與父母同住於九龍灣啟晴邨嘅陳庭欣自從同男友一齊之後,生活變得越來越富貴,仲搬入位於沙田九肚山月租10萬嘅澐灃洋房:面積足足有3,000多平方呎,有4間房同車庫;另設有400平方呎嘅花園以及超過630平方呎嘅天台,十分豪華~

迎來34歲生日!Photo from 陳庭欣IG

由陳庭欣嘅生日照片所見,佢嘅豪宅設計風格主要都係以簡約為主,而飯廳就擺放咗一張大理石嘅圓形餐桌,就算邀請一大班人去屋企開party都唔需要擔心唔夠位置啊!而飯廳嘅後方就有一條樓梯,豪宅空間十分之大~

飯廳放咗張好大嘅餐桌 開party都唔洗擔心!Photo from 陳庭欣IG

豪宅內仲有樓梯!Photo from 陳庭欣IG

#屋內空間大

而平日入得廚房出得廳堂嘅佢亦喺生日當天大顯身手,廚房嘅牆身都係大理石紋理,令整體環境睇落更加乾淨典雅,睇得出廚房嘅設備亦非常齊全,相信佢平時一定有下廚嘅習慣喇!客廳嘅位置亦十分寬敞,即使同朋友玩遊戲大合照都有好多空間~

平時熱愛下廚嘅佢生日都為來賓炮製料理!Photo from 陳庭欣IG

即使邀請好多人開party都唔驚冇位~Photo from 陳庭欣IG

客廳以白色為主色Photo from YouTube@「Animore TV 動物踩過界」

陳庭欣曾經喺自己嘅Youtube Channel「Animore TV 動物踩過界」中曝光浴室嘅設計,並主要以白色為主,睇落非常簡潔,就算幫狗狗沖涼都絕對冇問題啊!

浴室設計以簡約為主Photo from YouTube@「Animore TV 動物踩過界」

就算同狗狗沖涼 空間都十分足夠!Photo from YouTube@「Animore TV 動物踩過界」

#天台景觀開揚

另外,影片中亦都公開咗天台嘅位置,望出去就可以望見清幽嘅山景,而且加上豪宅本身位於較高嘅地方,令佢可以俯視周邊嘅景色!而天台嘅面積亦好大,有好多空間俾狗狗跑步同玩耍。

附近環境清幽 非常寫意~Photo from YouTube@「Animore TV 動物踩過界」

露台環境非常大!Photo from YouTube@「Animore TV 動物踩過界」

#傳男友送贈單位?!

陳庭欣同男友交往期間,男方不時都被傳媒爆出同其他女生有曖昧關係,有傳男友楊振源就送咗位於黃大仙現崇山價值逾千萬嘅單位哄陳庭欣。不過對於傳聞,陳庭欣就表示絕對信任男友。睇嚟兩人嘅關係非常穩定,唔知會唔會好事近呢?!

有傳男友送陳庭欣一個單位?!Photo from 陳庭欣IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

張曦雯3,000萬半山豪宅曝光!與男友甜蜜同居大晒寫意生活

2 Sep , 2021

獲封「完美女神」嘅張曦雯(Kelly)近年備受力捧,不過佢早已公開承認有另一半,與混血男友Mark喺北角半山豪宅共賦同居。張曦雯又不時喺IG大晒生活照,大方公開居所!

獲封「完美女神」嘅張曦雯(Kelly)近年備受力捧Photo from 張曦雯IG

#華姐冠軍入行,近年備受力捧

現年31歲嘅張曦雯於2012年以港姐出身身份奪得《國際中華小姐》冠軍後入行,因為識下廚同打機,成為唔少網民心目中嘅「完美女神」。

現年31歲嘅張曦雯於2012年以港姐出身身份奪得《國際中華小姐》冠軍後入行Photo from TVB

一開始佢主力擔任明珠台《港生活·港享受》主持,到2016年先開始演劇,終於2019年《萬千星輝頒獎典禮》獲得「飛躍進步女藝員」獎,成為TVB力捧女藝人。

一開始張曦雯主力擔任明珠台《港生活·港享受》主持Photo from TVB

張曦雯2019年《萬千星輝頒獎典禮》獲得「飛躍進步女藝員」獎Photo from 張曦雯IG

#與混血男友Mark甜蜜同居

張曦雯事業愛情兩得意,佢與混血男友Mark愛得甜蜜,不過一直都無公開同男友正面,直到30歲生日先首度公開佢哋第一張合照,據知男友Mark比張曦雯大6歲,曾經喺美國投資大行工作,任職副總裁,現時喺香港做生意。

張曦雯事業愛情兩得意,佢與混血男友Mark愛得甜蜜,不過一直都無公開同男友正面Photo from 張曦雯IG

直到30歲生日張曦雯先首度公開佢哋第一張合照Photo from 張曦雯IG

#張曦雯與男友愛巢曝光

張曦雯更同男友同居於北角半山豪宅,從佢IG嘅日常照可見,愛巢裝修以簡約白色為主,屋內光線十分充足。

張曦雯更同男友同居於北角半山豪宅Photo from 張曦雯IG

張曦雯IG嘅日常照可見,愛巢裝修以簡約白色為主。Photo from 張曦雯IG

屋內光線十分充足Photo from 張曦雯IG

木系傢俬增添溫馨感覺,屋內有透明鞋櫃裝咗好多唔同嘅波鞋,相信張曦雯熱愛運動嘅男友Mark有收集波鞋嘅愛好。

屋內有透明鞋櫃裝咗好多唔同嘅波鞋Photo from 張曦雯IG

木系傢俬增添溫馨感覺Photo from 張曦雯IG

#「美女廚神」、「打機女神」可於家中大顯身手

家中廚房設備亦十分齊全,啱晒「美女廚神」張曦雯下廚大展身手!客廳陳設相當典雅,電視螢幕極大,未知係咪畀張曦雯打機用呢?

家中廚房設備亦十分齊全,啱晒「美女廚神」張曦雯下廚大展身手Photo from 張曦雯IG

客廳陳設相當典雅Photo from 張曦雯IG

空間足夠張曦雯玩VR GamePhoto from 張曦雯IG

電視電螢幕極大Photo from 張曦雯IG

張曦雯睡房有公仔同毛氈,佈置得十分溫馨,窗外可以望到山景。家中牆壁亦掛上唔少畫作,增添藝術氣息。

張曦雯睡房有公仔Photo from 張曦雯IG

張曦雯睡房佈置得十分溫馨Photo from 張曦雯IG

窗外可以望到山景Photo from 張曦雯IG

個景靚到貓貓都忍唔住望!Photo from 張曦雯IG

家中牆壁亦掛上唔少畫作,增添藝術氣息。Photo from 張曦雯IG

相關文章:

相關文章:

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel