download HolidaySmart 假期日常 app
內地京東再發佈禁售遊戲公告! 87款遊戲受限 動森/Fifa都喺名單內

內地京東再發佈禁售遊戲公告! 87款遊戲受限 動森/Fifa都喺名單內

生活熱話
By Stephanie on 03 Sep 2021
Digital Content Writer

內地政府為整頓「未成年少年用戶」打機嘅問題,並公佈咗一連串嘅措施,包括早前所提及嘅「遊戲宵禁令」等。近日,內地京東又再發佈「禁售遊戲公告」,公開咗87款唔可以售賣嘅遊戲名單,其中包括《超級馬里奧》(Super Mario)以及 Fifa系列!

內地推出一連串規則緩和未成年少年打遊戲問題!Photo from TVB

#內地致力解決未成年少年打機問題!

近來,內地政府正在積極解決「未成年少年用戶」打機嘅問題,其中內地報導《經濟參考報》就表示內地有62.5%嘅人經常都會用電腦玩遊戲,當中有13.2%都係未成年少年手遊用戶,而報導就指問題變得好嚴重,唔少青少年因為遊戲導致荒廢學業,已經深深咁影響未成年少年嘅身心健康!

內地調查顯示好多網民長期打遊戲!Photo from TVB

#針對未成年玩家推行「遊戲宵禁令」

早前,內地政府就率先公佈針對未成年少年嘅「遊戲宵禁令」,聲稱將會嚴厲管制未成年少年遊戲中嘅在線時間:所有遊戲企業都只能夠喺星期五、六、日以及法定假期嘅晚上8點至9點為未成年少年提供遊戲服務,其餘時間則唔允許佢哋玩遊戲!

早前已經推出咗針對未成年少年打遊戲嘅措施!Photo from 微博

#再推禁售遊戲公告

最近,內地京東就發佈咗《禁售遊戲公告》,表明為咗維護健康嘅網絡環境同風氣,以後未經審批嘅遊戲將唔可以喺京東商城發售,仲列出咗10項會被禁止嘅遊戲內容。

近日剛剛發佈嘅《禁售遊戲公告》!Photo from 微博

出售遊戲必須符合規則!Photo from TVB

同一時間,京東就列出咗87款禁售遊戲,名單中有唔少都係非常出名同有人氣嘅遊戲,分別有《集合啦!動物森友會》、《人中之龍》系列、《超級馬里奧製造2》等!

並附上禁售嘅遊戲名單 足足有87款!Photo from 微博

動物森友會都被禁?!Photo from Pinterest

#網民表示不理解!

消息一出就受到內地網民們嘅熱烈關注,唔少網民都表示唔明白部份遊戲點解會被列入禁售名單內,「遊戲怎麼了?」、「遊戲有什麼錯啊」等,相信今次嘅禁售令又會為內地一班鍾意打遊戲機嘅網民大受牽連喇!

網民表示非常無奈!Photo from 微博

網民開始討論部份遊戲禁售原因?!Photo from 微博

#亦有網民表示唔擔心

當中有網民就表示唔明點解Fifa呢個足球遊戲系列都被列入名單中,有網民隨即幽默咁回應「是因為遊戲裡面嘅中國隊隊員數值太弱嗎?」;但亦有網民就好「大膽」咁話相信總會有辦法玩到呢啲遊戲,唔太擔心之後對於遊戲嘅規則越來越嚴格!

有網民竟然表示唔擔心?!Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

內地最新受限藝人名單瘋傳!將限制7位外國國籍明星?李連杰/劉亦菲榜上有名

31 Aug , 2021

內地最近對於娛樂圈及網絡嘅監察、管理越嚟越嚴,繼趙薇之後,微博流傳新一批受限嘅藝人名單,有唔少都非常著名。另外內地唔少遊戲為咗可以過到審批而「被和諧」,改咗啲敏感字眼。

內地最近對於娛樂圈及網絡嘅監察、管理越嚟越嚴,繼趙薇之後,微博流傳新一批受限嘅藝人名單Photo from 趙薇微博

#未滿18歲嘅周末每日只可玩1小時遊戲

內地最近出台新政策,未滿18歲嘅未成年人周末只可玩1個鐘遊戲。除咗唔畀未成年人沉迷打機外,近日有內地網友發現有手機遊戲將敏感字眼「和諧」,但就顯得十分奇怪。

內地最近出台新政策,未滿18歲嘅未成年人周末只可玩1個鐘遊戲Photo from TVB

呢款「被和諧」嘅遊戲名為《時空戀結》,遊戲設定玩家係嚟自現代嘅少女,一次穿越返去古代,同唔同嘅男主角培養好感,發展劇情。

遊戲名為《時空戀結》,遊戲設定玩家係嚟自現代嘅少女,一次穿越返去古代,同唔同嘅男主角培養好感,發展劇情。Photo from 《時空戀結》

#敏感字眼要「和諧」

不過其中一個身份為皇子嘅男角色「蕭遠」嘅對白就非常奇怪,佢表示自己曾患上痔瘡,比較經典嘅騎呢台詞分別有:「十二歲的時候,我住的小山村,爆發了一場痔瘡」、「那段時間得了痔瘡,渾身不舒服」、「得了痔瘡的人只能靜靜等死」、「犧牲自己和孩子,也一定要讓皇子痔瘡好起來。」、「人心比痔瘡更可怕」。

「12歲的時候,我住的小山村,爆發了一場痔瘡」Photo from 《時空戀結》

身份為皇子嘅男角色「蕭遠」嘅對白就非常奇怪,台詞不斷提及「痔瘡」Photo from 微博

佢嘅台詞不斷提及「痔瘡」,明顯語句不通,有內地網友就發現遊戲商應該係以「痔瘡」代替「疫情」,微博有稱自己有參與遊戲研發嘅網友就指會咁改係因為審核過唔到,實在令人哭笑不得。

微博有稱自己有參與遊戲研發嘅網友就指會咁改係因為審核過唔到Photo from 微博

#微博流傳外國國籍藝人封殺名單

除咗加強對網絡遊戲管理外,官方更大力打擊「劣跡藝人」,趙薇就疑似被封禁,令內地影視圈人心惶惶。近日微博流傳一份7人名單,指係國家廣電總局下令限制外國國籍明星,包括著名演員、歌手。

除咗加強對網絡遊戲管理外,官方更大力打擊「劣跡藝人」,趙薇就疑似被封禁Photo from 趙薇微博

有指官方將推「限籍令」,限制擁有外國國籍嘅藝人喺中國「大肆圈錢」,其中包括擁新加坡籍嘅李連杰、美國國籍嘅劉亦菲、美國國籍潘瑋柏、美國國籍王力宏、英國國籍張鐵林、加拿大籍嘅趙又廷、加拿大籍嘅謝霆鋒。

有指官方將推「限籍令」,限制擁有外國國籍嘅藝人喺中國出演節目「大肆圈錢」Photo from 微博

美國國籍潘瑋柏Photo from 潘瑋柏微博

美國國籍王力宏Photo from 王力宏微博

加拿大籍嘅謝霆鋒Photo from 鋒味微博

佢哋都係內地影視界少有名氣嘅藝人,劉亦菲一直獲封「神仙姐姐」,出演迪士尼電影《花木蘭》更被視為「為中國爭光」;李連杰更對中國武打電影有極大貢獻;張鐵林以飾演《環珠格格》嘅乾隆皇帝而為人熟悉,謝霆鋒、王力宏等亦喺內地娛樂圈十分有名。

劉亦菲一直獲封「神仙姐姐」Photo from 劉亦菲微博

劉亦菲出演迪士尼電影《花木蘭》Photo from 劉亦菲微博

李連杰對中國武打電影有極大貢獻Photo from 李連杰微博

張鐵林以飾演《環珠格格》嘅乾隆皇帝而為人熟悉Photo from 《環珠格格》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel