「點解港女咁鍾意著瑜伽褲出街」引網民熱議！直言：「正常唔會著出街」
近日有網友喺討論區開post「點解咁多女仔鍾意著瑜伽褲？」，並直言喺街上見到10個女仔有6個都著瑜伽褲：「正常唔會著出街」。有人認為唔應該將瑜伽褲當面褲著，亦有人指個人衣著喜好根本唔關其他人事，引起熱議。
Photo from Apink Naeun IG
#「點解咁多女仔鍾意著瑜伽褲？」
近年流行舒適自在嘅打扮，有網友喺香港討論區以「點解咁多女仔鍾意著瑜伽褲？」為題開post，樓主表示本身瑜伽褲係做瑜伽運動用，正常唔會著出街，何況出街衫本身有好多選擇，例如碎花、麻/布質、蕾絲等，唔明點解會有咁多女生著瑜伽褲出門：「點解要著個露哂個妹妹形狀出黎嘅瑜伽褲出街啊？」
Photo from Apink Eunji IG
有網民表示認同，佢指曾經見過有女生著肉色瑜珈褲：「好似阿婆底褲，立下眼以為佢無著」，認為有礙觀瞻；又有網友表示運動褲應該喺運動嘅時候著，並唔係飲茶行商場嘅時候着。
Photo from 香港討論區
Photo from 香港討論區
#瑜珈褲要著得好睇其實好靠身型
亦有網友指瑜珈褲其實好蝦人著，唔係個個都會著得靚：「Patpat靚冇所謂，有d港女patpat大到，咁都夠膽著」、「穿著呢類褲先決條件係要有一雙美腿」、「首先你真係有運動，港女10個有9個以為自己patpat好正」
Photo from Pinterest
Photo from 香港討論區
Photo from 香港討論區
Photo from lihkg
#有方法避免妹妹現形！
部分網友最不能理解嘅係瑜伽褲會令妹妹現形，有人提出只要加塊護墊就解決到問題。亦有網友表示可能係因為依家出街個個都戴口罩，令港女嘅自信提升咗，敢於著展露身型嘅衣著。
Photo from lihkg
Photo from 香港討論區
Photo from 香港討論區
Photo from lihkg
有網民指出其實外國都好多女性著瑜伽褲行街，根本就唔係咩值得奇怪嘅事，又認為衣著打扮係個人選擇，唔關其他人事。
Photo from Apink Naeun IG
Photo from Pinterest
Photo from lihkg
Photo from 香港討論區
#男女調轉就會唔同？
但有人表示如果男女調轉，有中年阿叔著「現代單車褲」出街就一定會被人話。有女生從健康因素考量，指出成日著呢啲咁貼身嘅褲可能會導致發炎，同外觀呢啲嘢根本無關係。
Photo from 香港討論區
Photo from Apink Naeun IG
相關文章：
相關文章：
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
男生不能理解女生的12個NG穿搭！碎花裙似大媽/魚網襪似燒烤網？
9 Apr 2021
俗語有話「人靠衣裝」，所以好多女仔都會喺約會嘅時候悉心打扮，務求令心儀嘅男仔可以留下深刻印象！但原來喺男仔眼中部分嘅穿搭係佢哋不能理解㗎，而家就一齊睇下有邊啲穿搭喺男仔心目中嘅NG穿搭啦！
Photo from 微博
1.蕾絲裙
相信有唔少女仔都會覺得蕾絲裙可以睇落girly啲，亦可以變得更有氣質同甜美啲！
Photo from 何超蓮IG
Photo from Pinterest
但原來喺男仔眼中佢哋認為純白色嘅蕾絲裙好似窗簾布，一啲都唔靚。同時對於比較保守嘅男仔，佢哋會覺得若隱若現嘅蕾絲比較性感，所以唔太適合第一次約會穿！
Photo from Pinterest
2.工人褲/吊帶褲
而家好多女仔都鍾意穿工人褲，一嚟可以走「小男孩」嘅中性打扮風格，而且工人褲比較寬鬆，穿上之後比較舒服！
Photo from 微博
Photo from Pinterest
但喺男仔嘅眼中，佢哋就認為工人褲太男仔，凸顯唔到女性魅力，所以都唔鍾意呢種穿搭！
Photo from Pinterest
3.碎花裙
碎花裙嘅款式有好多，如果揀嘅花款或者顏色唔夾，就好容易出事，穿完真係會好似大嬸！又難怪男仔會睇唔明花花裙嘅魅力嘅～
Photo from 馮盈盈IG
當然如果你美若天仙好似港姐或者華姐冠軍咁，就當然著咩都冇問題啦！
4.球鞋配絲襪/高跟鞋配襪
而家比較少見，但以前曾經掀起過一輪球鞋配絲襪嘅熱潮！當女仔唔想穿長褲，但天氣又比較凍嘅時候就會咁配搭。但係男仔眼中，呢類型嘅穿搭係格格不入！
Photo from Pinterest
Photo from Pinterest
部份女仔可能會跟隨日本風，喺穿高跟鞋嘅時候搭配襪。但喺係直男嘅心目中呢兩樣嘢係完全唔夾，所以係唔應該擺埋一齊穿！
Photo from Yoona IG
Photo from Pinterest
5.豹紋
有啲女仔會比較偏愛豹紋穿搭，認為可以突顯個性，睇落又比較性感～但喺男仔眼中並不太受歡迎，佢哋會覺得穿豹紋嘅女仔令佢哋有距離感。而且當豹紋穿搭搭配得唔好嘅時候，好容易變得老土，反而會嚇跑男仔！
Photo from 胡蓓蔚IG
Photo from Pinterest
6.皮褲
好多比較cool嘅女仔都會選擇喺冬天嘅時候穿著皮褲/皮裙，帶俾人一種冷酷龐克嘅感覺～由於皮褲通常都比較緊繃，所以喺男仔眼中佢哋會認為太顯線條，前衛嘅風格令佢哋未能夠接受！而且皮褲亦好容易暴露女生身材嘅缺點，如果係下盤比較寬嘅女仔，就建議初次約會時盡量都唔好穿皮褲！
Photo from 微博
Photo from Pinterest
7.頭箍
相信而家有唔少嘅女仔都鍾意用頭箍作為飾物咁搭配自己嘅穿搭！但原來喺直男嘅心目中，佢哋認為頭箍睇落係幼稚嘅配搭。如果款式揀得唔好，可能會俾男仔以為係扮可愛！
Photo from 馮盈盈IG
8.透紗嘅單品
透紗呢類型嘅穿搭係緊呢今年先開始比較多人穿，而透紗其實只能夠作為裝飾咁搭配。對男仔嚟講，呢類型嘅單品既冇作用又唔靚，佢哋好多時都唔能夠理解點解要咁穿！
Photo from 何超蓮IG
Photo from Pinterest
9.羅馬涼鞋
喺夏天嘅時候，好多女仔都會買唔同款式嘅涼鞋去襯衫，而呢幾年就非常流行羅馬綁帶涼鞋！但男仔就唔係好明白將涼鞋綁到腳踭或者小腿嘅美感，而且有啲男仔會覺得穿涼鞋露曬成個腳面比較隨性，會比較扣分，初次約會嘅女仔就盡量唔好穿羅馬涼鞋喇～
Photo from 微博
Photo from Pinterest
10.魚網襪
相信呢個係女仔同男仔都唔太能夠理解嘅單品！喺男仔嘅眼中，佢哋會覺得魚網襪似燒烤用嘅網，穿上之後非常奇怪，而且有時候搭配得唔好嘅時候仲會有啲低俗！
Photo from Pinterest
11.過份可愛嘅穿搭
女仔有時候可能會選擇一啲比較可愛嘅衣服款式，希望可以令自己睇落比較年輕。但喺男仔嘅眼中，佢哋係唔太接受到女仔穿太過可愛嘅衣服！女仔們，最好都係選擇比較適合自己年齡嘅穿搭，先能夠容易令人有好印象，無論係太可愛或者太成熟嘅都穿搭好容易NG！
Photo from 黃夏蕙FB
Photo from Pinterest
12.民族風圖騰嘅衣服
好多女仔都鍾意喺夏天嘅時候買民族風嘅衣服，等自己可以有多啲唔同類型嘅穿搭～但同碎花圖案一樣，好多男仔都認為民族風更加似枱布同窗簾！而且大多數嘅民族風衣服都較為寬鬆，令好多男仔都認為似穿睡衣！
Photo from 張曦雯IG
Photo from Pinterest
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
