謝霆鋒揭已申退加拿大國籍 謝賢開腔回應 內地網民：他有BNO，隨時能跑
自吳亦凡、趙薇捲入醜聞風波後，內地發起一股整肅娛樂圈嘅風氣。網上流傳一份「限籍令」名單，限制擁外國國籍嘅藝人喺中國賺大錢，而加拿大籍謝霆鋒亦榜上有名。唔知係咪想避嫌，謝霆鋒近日受央視訪問時就大爆已申退加拿大國籍！消息引嚟網民熱議。
Photo from 鋒味 FB
微博流傳「限籍令」名單
內地官方為咗要藝人正視品德問題，現正大力打擊「劣跡藝人」，自吳亦凡、趙薇疑被封禁後，內地影視圈嘅台前幕後都人心惶惶。網上更流傳一份7人名單，指係官方下令將會限制嘅外國國籍明星，名單包括：美國國籍劉亦菲、美國國籍潘瑋柏、美國國籍王力宏、新加坡籍李連杰、英國國籍張鐵林、加拿大籍趙又廷，而加拿大國籍嘅謝霆鋒亦在名單上。
Photo from 微博
謝霆鋒申退加拿大國籍
近日，謝霆鋒為宣傳新戲《怒火》接受央視《藍羽會客室》訪問，對於有評論質疑佢國籍，謝霆鋒回應：「看到一些評論說，你不是加拿大人嗎？其實因為我是在香港出生，所以我本來就是一個中國人。」
Photo from 微博
Photo from 微博
佢坦言對呢種質疑有點驚訝，續指：「其實我也已經把我退掉加拿大國籍的這個，已經在申請了。」
Photo from 微博
Photo from 微博
佢又表示，不論喺美食、音樂、動作電影上，都自覺有責任將祖國嘅好東西傳播到全世界，佢指自己早喺10多年前寫歌曲《黃種人》時已希望傳遞中國精神。
Photo from 微博
謝賢早揭移民加拿大原因
有網民翻找謝霆鋒父親謝賢昔日受訪片段，當時佢已透露兒子擁加拿大籍原因。佢表示，由於自己嘅名人身份，令孩子喺香港受到好多優良待遇，佢為咗唔想寵壞兒子，決定全家移民到加拿大。
Photo from 微博截圖
謝賢支持兒子退籍
對於霆鋒退加籍嘅消息，謝賢回覆傳媒查詢時坦言，佢事前並不知情，表示都係兒子嘅主意，而佢身為爸爸都會支持兒子決定。
Photo from 少林足球 劇照
謝霆鋒退加籍引網民熱議
消息在多個社交平台及討論區引起熱議，有內地網民質疑1980年出生嘅霆鋒仍然持有BNO，所以即使退加籍仍可隨時「走」，亦有內地網民語帶羨慕說：「不要的國籍可以給我...」但都有網民支持霆鋒做法，認為佢係傳播正能量嘅真愛國人士。
Photo from 微博 評論
Photo from 微博 評論
另有本地網民質疑霆鋒兩個兒子嘅國籍，亦有人指加拿大容許國民暫時放棄國籍，霆鋒之後有機會可恢復加國國民身份；有網民則表示，霆鋒「已經在申請了」嘅說法帶灰色地帶，大家不清楚其申請進度，質疑佢大可以「退緊當退咗」。
Photo from 連登討論區 評論
Photo from 連登討論區 評論
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
