TVB獲安排與梁朝偉做訪問竟blur走《尚氣》logo!杜汶澤嘲:呢種風度真係世界級

TVB獲安排與梁朝偉做訪問竟blur走《尚氣》logo!杜汶澤嘲:呢種風度真係世界級

電視電影 娛樂新聞
By Jennifer on 06 Sep 2021
Digital Editor

尚氣與十環幫傳奇》上映,梁朝偉成為焦點。佢近日為宣傳新戲馬不停蹄咁接受訪問,其中包括TVB娛樂新聞台,不過有網友就發現TVB將梁朝偉主演嘅《尚氣》logo「打格仔」處理,連杜汶澤都有出文鬧爆!

《尚氣與十環幫傳奇》上映,梁朝偉飾演「文武」Photo from Marvel

#梁朝偉出演《尚氣》全球人氣急升

Marvel電影《尚氣與十環幫傳奇》終於喺香港上映,有份出演「文武」一角嘅影帝梁朝偉絕對係電影嘅重要人物。而佢早前亦以全廣東話接受外國傳媒採訪。

電影《尚氣與十環幫傳奇》終於喺香港上映Photo from Marvel

出演荷李活電影嘅梁朝偉人氣爆燈!喺韓國網上更有唔少睇咗電影嘅觀眾表示自己被梁朝偉迷倒!大讚佢好有魅力!

喺韓國網上更有唔少睇咗電影嘅觀眾表示自己被梁朝偉迷倒Photo from 微博

韓國網友大讚梁朝偉好有魅力!Photo from 微博

#梁朝偉久違亮相TVB

為配合電影宣傳,電影公司安排咗影帝梁朝偉接受唔同嘅傳媒訪問,其中包括TVB嘅娛樂新聞台。朝偉久違亮相TVB,大談佢首拍荷李活電影嘅心路歷程。

為配合電影宣傳,電影公司安排咗影帝梁朝偉接受唔同嘅傳媒訪問,其中包括TVB嘅娛樂新聞台Photo from TVB

不過TVB播出嘅訪問片段中,就將梁朝偉主演嘅電影《尚氣》logo 「blur咗」,字幕亦只係以「超級英雄電影」介紹,雖然主持有講到佢飾演嘅角色「文武」,但喺引用《尚氣》嘅片段時都淨係寫上「電影宣傳片段」、「電影花絮片段」等,字幕對《尚氣》隻字不提。

TVB播出嘅訪問片段中,就將梁朝偉主演嘅電影《尚氣》logo blur咗佢Photo from TVB

TVB喺引用《尚氣》嘅片段時都淨係寫上「電影宣傳片段」Photo from TVB

TVB只寫「電影花絮片段」等,字幕對《尚氣》隻字不提。Photo from TVB

唔少網友大感不滿:「大台啲小動作真係令人哭笑不得」、「演員為咗宣傳電影所以接受訪問,但係個電影logo被打蒙咗,我諗全世界係tvb先做得出。」

唔少網友對TVB做法大感不滿Photo from TVB

網友直言:「大台啲小動作真係令人哭笑不得」Photo from TVB

網民指TVB「小器」Photo from TVB

#杜汶澤力斥TVB同人做訪問但blur電影logo

連杜汶澤都忍唔住喺Facebook發文:「點解Tvb 可以做到今日咁嘅成績,完全係來自自信。人哋部戲做宣傳,至俾個梁朝偉你,你blur咗人個logo,呢種風度真係世界級!」

杜汶澤都忍唔住喺Facebook發文Photo from 杜汶澤Facebook

佢直言如果唔係因為電影做宣傳,依家以梁朝偉嘅地位都未必會上TVB:「人哋依家都響荷李活拍緊『尚氣』喇!你哋?做到『上氣唔接下氣』咋!」

杜汶澤直言如果唔係為電影做宣傳,依家以梁朝偉嘅地位都未必會上TVBPhoto from Marvel

有網民留言指:「啲人真係好小器」、「其實佢哋 blur 自己電視台個logo, 分分鐘呢個訪問仲多人睇」,杜汶澤嘲:「無返一百幾十萬都唔使旨意我出你個logo呀」

有網民留言指:「啲人真係好小器」Photo from 杜汶澤Facebook

杜汶澤嘲:「無返一百幾十萬都唔使旨意我出你個logo呀」Photo from 杜汶澤Facebook

#其他天王巨星嘅電影都唔例外?

之前採訪劉德華、劉青雲主演嘅《拆彈專家》同樣都blur咗兩位影帝心口貼紙上印電影名嘅,另外個咪牌都有blur。

採訪劉德華、劉青雲主演嘅《拆彈專家》同樣都blur咗印有電影名嘅貼紙Photo from TVB

《拆彈專家》咪牌都有blurPhoto from TVB

之前劉德華同梁朝偉合作嘅《金手指》都係一樣。相信blur電影名係TVB一貫做法。有網友笑稱唔blur應該就要放梁朝偉大頭訪問片段先得。

劉德華同梁朝偉合作嘅《金手指》都係一樣blurPhoto from TVB

廣告
廣告

有網友笑稱唔blur應該就要放梁朝偉大頭訪問片段先得。Photo from 杜汶澤Facebook

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

相關文章:

相關文章:

更多相關文章

【東京奧運】TVB李靄璣/陳貝兒旁述頻頻出錯!講錯國家名/開幕式講成閉幕

26 Jul 2021

香港4大電視台都有得睇東京奧運,除咗專業旁述之外,TVB更有唔少藝人擔任主持,不過有女主持就因為經常出錯而被網友怒轟!指佢哋無做好功課,影響晒成個直播。

香港4大電視台都有得睇東京奧運,除咗專業旁述之外,TVB更有唔少藝人擔任主持Photo from 陳貝兒IG

陳貝兒主持《2020東京奥運開幕禮》開幕禮時口誤講錯成「閉幕」,又錯口將「摩納哥」講成「摩洛哥」,令網民笑稱摩納哥「被消失」。仲有女主持喺男子滑板街式比賽上讀錯參賽者嘅名,將「姓」同「名」調轉咗。

陳貝兒主持《2020東京奥運開幕禮》開幕禮時口誤講錯成「閉幕」Photo from TVB

除咗陳貝兒之外,仲有有主持體育節目經驗嘅李靄璣都被網友指「唔做功課」!

主持體育節目經驗嘅李靄璣被網友指「唔做功課」Photo from 李靄璣IG

歌手林奕匡嘅老婆李靄璣喺2008年參加「08奧運主持專業進修課程」後加盟TVB,一直都有主持《體育世界》,更擔任NBA總決賽直播賽事嘅旁述,對體育都有一定了解。

歌手林奕匡嘅老婆李靄璣Photo from 李靄璣IG

李靄璣IGPhoto from 李靄璣IG

不過佢主持東京奧運時就屢屢出錯,令網友大為不滿!喺混雙乒乓波8強賽中,港隊與法國隊對決,因為關乎到入四強資格,所以大家都睇得相當緊張。

混雙乒乓波8強賽Photo from TVB

李靄璣喺比賽中途不時講解乒乓球賽例,又提起自己個人感受,網民不禁指佢破壞氣氛。

李靄璣喺比賽中途不時講解乒乓球賽例Photo from 李靄璣IG

喺女子氣槍嘅比賽中佢更指選手戴住嘅嗰個係「headphone」,令人哭笑不得,之後被糾正係耳罩至啱,用嚟隔音;羽毛球混雙分組賽,港隊對中國隊,當港隊發球時,李靄璣又口誤指係中國隊發球。

喺女子氣槍嘅比賽中李靄璣出錯指選手戴住嘅嗰個係「headphone」Photo from TVB

羽毛球混雙分組賽Photo from TVB

當港隊發球時,李靄璣又口誤指係中國隊發球Photo from TVB

網民認為TVB搵咗唔少藝人做主持,但佢哋唔做功課之餘又經常講其他「無謂嘢」,影響晒成個氣氛,又建議主持對比賽項目唔了解就留返畀專業評述講解返。

網民認為TVB搵咗唔少藝人做主持,但佢哋唔做功課之餘又經常講其他「無謂嘢」Photo from 陳貝兒IG

網民建議主持對比賽項目唔了解就留返畀專業評述講解返。Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel