download HolidaySmart 假期日常 app
年薪$2.9億日本富婆超豪華生活公開!每次食飯都要包場/ 另有豪宅專放雜物

年薪$2.9億日本富婆超豪華生活公開!每次食飯都要包場/ 另有豪宅專放雜物

生活熱話
By Stephanie on 08 Sep 2021
Digital Content Writer

呢個世界上有唔少「土豪」,佢哋嘅財產數目分分鐘多到我哋想像唔到!最近,有日本節目就去拜訪年薪賺$40億日圓(約港幣$2.9億)嘅高嶋理惠子(高嶋りえ子),而佢就向大家分享佢嘅日常生活同豪宅,家中仲擁有逾200個名牌手袋,果然有錢就是任性!

年僅33歲 不過年薪已經達到至少$40億日圓!Photo from 《かみひとえ》

#年賺$2.9億日本富婆

世界上有唔少有錢人,有部份富豪依舊過住非常節儉嘅生活,亦有一部分享受緊「離地」奢華嘅生活。日本有一位年輕富婆就係屬於後者喇,而佢就係今年33歲嘅高嶋理惠子(高嶋りえ子)!佢憑著超強嘅吸金能力,31歲嘅時候就已經每年都至少賺到$40億日圓(約港幣$2.9億),亦因此而獲邀出演多個綜藝節目,喺日本擁有一定嘅知名度~

即使近來經濟狀況較差 都可以成功賺得比以前多!Photo from 《かみひとえ》

吸金能力驚人!Photo from 《かみひとえ》

#擁有3間高級俱樂部+個人護膚品牌

據悉,高嶋理惠子畢業於國立大學理科,精通12國語言,現時喺銀座坐擁3間高級俱樂部,事業發展順利!除此之外,佢仲發展副業,出售高級護膚品。即使近呢2年經濟比較低迷嘅時期,佢都成功將佢自己生意嘅銷售額提升足足9億咁多,令佢而家每年賺到嘅錢已經飆升到接近$50億(約港幣$3.5億),非常驚人!

擁有3個高級俱樂部 並同時經營化妝品/護膚品生意Photo from 《かみひとえ》

#享受奢華生活!

而高嶋理惠子嘅富有程度絕對係大家唔能夠想像到嘅,過去佢出演節目時就曾經曝光過自己嘅豪華生活同埋住宅,「離地」生活習慣令網民大為震驚!每日都會身穿華麗嘅服飾,出外亦有專屬司機接送,呢啲已經係基本嘢!

當然有專屬司機接載Photo from 《かみひとえ》

閒時就搭下直升機!Photo from 《かみひとえ》

#獨愛鑽石首飾

每一次出街嘅時候都係全身名牌,而且仲一定會配戴金銀珠寶,其中佢最鍾意嘅就係鑽石!手上嘅鑽石戒指大到嚇親人,一隻手嘅戒指就已經價值接近$4億日圓,再加埋耳環、手鏈等行頭差唔多要大約15億日圓(約港幣$1億)!

每次出街都戴超多飾品!Photo from 《かみひとえ》

戴喺身上嘅全部首飾總值約$15億!!Photo from 《かみひとえ》

#外出食飯必定要包場?!

由於高嶋理惠子唔鍾意食飯嘅時候,俾周遭嘅人打擾到,因此佢外出食飯嘅時候都會直接將成間餐廳包場,即使喺大家要排晒長龍等嘅食店,佢都可以好輕鬆咁品嚐到。而且佢好多時都係睇心情俾錢,曾經試過一餐飯就用咗$100萬日圓(約港幣$7萬)!

每一次出去食 都會將餐廳包起!Photo from 《かみひとえ》

曾經花7萬蚊食一餐飯Photo from 《かみひとえ》

#設有豪宅雜物房

節目中,高嶋理惠子向大家展示嘅係佢用做「雜物房」嘅屋。雖然間屋並非用作居住用途,但係面積都十分大,房間拜訪多年來佢所購買嘅「戰利品」:其中有間房就專門放佢鍾情嘅Hermès手袋,足足有200個咁多!

房間內都擺放咗佢嘅「收藏品」:和服、鞋子等Photo from 《かみひとえ》

專放名牌手袋嘅房間?!Photo from 《かみひとえ》

#決定不再尋覓另一半

好多人都詢問高嶋理惠子點解唔搵另一半陪伴自己,咁多年來都依然係單身。佢就回答因為曾經被論及婚嫁嘅初戀男友傷害導致留下陰影,覺得靠自己更加實際,所以佢已經決定一輩子都單身!

因為受情傷 而決定唔再拍拖!Photo from 《かみひとえ》

認為靠自己最好Photo from 《かみひとえ》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

日本41歲女扮公主成癮更開育成班 學生近百:「係行走迪士尼」 身兼多職令人震驚?!

12 Aug , 2021

不少女生兒時都夢想過當公主,穿華麗美裙住城堡。到女孩長大後,一般都會追求更現實嘅夢想。但日本一名41歲女子卻整日「扮公主」,生活中每個細節都猶如活喺童話世界,更自稱「公主研究員」,更開班教學生點做千金!

橋本 サリー IGPhoto from 橋本 サリー IG

日本綜藝騷《ノブナカなんなん》專門訪問當地奇人異事,今次節目請來41歲嘉賓橋本Sari。佢自稱公主研究家,現時單身,愛穿誇張華麗禮服外出,聲線嬌嗲、說話尾音更會升八度,由內到外都散發著一種「彷迪士尼公主」氣質。

《ノブナカなんなん》截圖Photo from 《ノブナカなんなん》截圖

節目帶觀眾探討橋本「公主」嘅日常生活,首先佢嚟到一家美髮店,店員都為佢撒花,又送上粉紅玫瑰及香檳,同時將佢打造戴皇冠嘅公主造型。雖然睇落浮誇,但店員卻形容橋本為好有活力、不虛偽,係大家憧憬嘅存在。

《ノブナカなんなん》截圖Photo from 《ノブナカなんなん》截圖

《ノブナカなんなん》截圖Photo from 《ノブナカなんなん》截圖

之後,橋本進入一座豪華嘅歐陸風格「城堡」,一班打扮炫麗嘅女性喺玄關歡迎佢。原來,身為公主研究家嘅橋本亦係「公主導師」,會開班教導如何成為公主,喺全國更有近一百名學生!

《ノブナカなんなん》截圖Photo from 《ノブナカなんなん》截圖

公主班2小時收費八千日圓(約560港元),課程好受歡迎,學生中有唔少專業人士,如:助產護士、老闆娘等,更有學生從國內搭飛機到東京上課。有學生形容橋本老師係一個開朗樂觀嘅人,猶如「行走嘅迪士尼樂園」,仲話老咗之後要成為好似橋本咁嘅人。

《ノブナカなんなん》截圖Photo from 《ノブナカなんなん》截圖

《ノブナカなんなん》截圖Photo from 《ノブナカなんなん》截圖

《ノブナカなんなん》截圖Photo from 《ノブナカなんなん》截圖

節目了解過橋本身世,其實佢6歲開始學芭蕾舞,夢想成為主題樂園舞者,18歲為追夢由大阪搬到東京。經過多次落選後,佢意識到個人魅力比技巧更重要。

《ノブナカなんなん》截圖Photo from 《ノブナカなんなん》截圖

《ノブナカなんなん》截圖Photo from 《ノブナカなんなん》截圖

23歲時,佢終於成為了主題樂園舞者,呢家嘅「公主格」亦係由嗰陣誕生。橋本嘅座右銘則是:「無論面對咩逆境,公主也能用笑容跨過難關」。

《ノブナカなんなん》截圖Photo from 《ノブナカなんなん》截圖

節目組想發掘橋本嘅弱點,於是拍攝佢同一名男性約會情況,對象係一名公司老闆,而佢對橋本評價亦頗高:「鐘意佢唔追求物質回報嘅態度,又經常微笑,見到佢能夠消退工作疲勞!」

《ノブナカなんなん》截圖Photo from 《ノブナカなんなん》截圖

節目組仍然好想「撕破」橋本嘅公主面具,於是安排佢進行一連串考驗,如:做腳底按摩、食激辣拉麵、甚至玩過山車,但橋本竟能一直保持公主人設,只會發出公主叫聲「kai」,好搞笑同時通過所有考驗,令人佩服。

食辣麵 公主 0812

《ノブナカなんなん》截圖Photo from 《ノブナカなんなん》截圖

到晚飯時間,橋本於廚房煮食,此時突然傳來小孩聲音,喊著:「媽媽~」,令節目組震驚嘅係,橋本原來係育有三名孩子嘅單親媽媽,佢哋都欣賞橋本可以同時扮公主、育兒、開班和約會,其時間分配及經營能力令人佩服。

《ノブナカなんなん》截圖Photo from 《ノブナカなんなん》截圖

另外,從橋本IG可見,佢最近將其「城堡」翻新成粉紅色,夢幻非常!

橋本 サリー IGPhoto from 橋本 サリー IG

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel