download HolidaySmart 假期日常 app
帶癱瘓前夫改嫁鄰居!現任老公當妻子前夫「親兄弟」照顧16年!甘願清理大小便

帶癱瘓前夫改嫁鄰居!現任老公當妻子前夫「親兄弟」照顧16年!甘願清理大小便

時事熱話
By Jennifer on 07 Sep 2021
Digital Editor

唔少人對另一半嘅前任可能都會有啲敵意,但喺內地有一位女士前夫意外癱瘓,佢帶住前夫同女兒改嫁,現任丈夫願意照顧佢哋一家,更稱當妻子前夫係「親兄弟」咁對待!

喺內地有一位女士前夫意外癱瘓,佢帶住前夫同女兒改嫁Photo from 微博

#丈夫意外半身不遂,妻子肩負家庭重擔

喺中國浙江有一位女子周玉英,佢丈夫劉豪瑾21年前意外於3樓墮下,下半身無法動彈,半身不遂嘅劉豪瑾只能靠妻子周玉英照顧。

中國浙江有一位女子周玉英,佢丈夫劉豪瑾21年前意外於3樓墮下,下半身無法動彈Photo from 微博

丈夫意外後無法工作,周玉英一力承擔養家責任,周玉英唔止要照料癱瘓丈夫同女兒,仲要工作賺錢,劉豪瑾深感自己拖累咗妻子,主動提出要離婚,更曾打算自行了結。不過周玉英未有放棄劉豪瑾,雖然同劉豪瑾離婚,但佢堅持即使要改嫁都會帶埋女兒同劉豪瑾。

周玉英唔止要照料癱瘓丈夫同女兒,仲要工作賺錢,劉豪瑾深感自己拖累咗妻子,主動提出要離婚Photo from 微博

#與鄰居結婚,要求對方幫手照顧前夫同女兒

後來一名20幾歲嘅年輕人搬到周玉英屋企隔離,佢得知周玉英嘅故事後覺得周玉英對丈夫不離不棄,心地善良,漸漸生出愛意,更主動追求周玉英。

後來當時20幾歲嘅趙金龍搬到周玉英屋企隔離,佢得知周玉英嘅故事後覺得周玉英對丈夫不離不棄,心地善良,漸漸生出愛意,更主動追求周玉英。Photo from 微博

2005年,周玉英終於同追求者趙金龍結婚,早喺結婚之前周玉英就表示日後就算結咗婚都要住喺前夫劉豪瑾嘅屋企,而且要合力照顧佢哋嘅女兒,趙金龍應承會將妻子前夫當作親生哥哥咁對待,亦會將佢哋嘅女兒視如己出。

2005年,周玉英終於同追求者趙金龍結婚Photo from 微博

#將妻子前夫視如親兄

一開始兩人嘅婚姻不被當地村民睇好,認為佢哋遲早會離婚,甚至有人覺得趙金龍一定係對周玉英一家有所企圖,但兩人一於少理,仍然盡心盡力照顧妻子前夫同女兒。

一開始兩人嘅婚姻不被當地村民睇好,認為佢哋遲早會離婚,甚至有人覺得趙金龍一定係對周玉英一家有所企圖Photo from 微博

而周玉英前夫劉豪瑾亦對趙金龍讚不絕口,指佢對自己照顧得無微不至,早年劉豪瑾入院,趙金龍喺醫院照顧佢,更甘願幫佢清理大小便,連隔離床病人都以為佢哋係兩兄弟。

周玉英前夫劉豪瑾對趙金龍讚不絕口,指佢對自己照顧得無微不至Photo from 微博

早年劉豪瑾入院,趙金龍喺醫院照顧佢,更甘願幫佢清理大小便,連隔離床病人都以為佢哋係兩兄弟。Photo from 微博

#生活變好,獲節目邀請

「一家四口」就係咁生活咗16年,近年唔止還清啲債,仲新起咗3層樓高嘅新屋,生活越嚟越好,佢哋3人更出演天津衛視節目《為他而戰》,講述佢哋嘅經歷,趙金龍坦言因為中意妻子周玉英,所以就算咁多年嚟就算有壓力都無所謂,佢只諗住畀周玉英過上好日子,亦證明佢無揀錯人。

「一家四口」就係咁生活咗16年,近年唔止還清啲債,仲新起咗3層樓高嘅新屋,生活越嚟越好Photo from 微博

呢件令唔少網友好感動,不過亦有網友直言「雖然很正能量 但總覺得哪裡怪怪的」、「一個女人伺候兩個男人,驢子都沒這麼慘」

呢件令唔少網友好感動,不過亦有網友直言「雖然很正能量 但總覺得哪裡怪怪的」Photo from 微博

相關文章:

相關文章:

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

內地14歲少女後悔用$360手臂紋身 母親追究紋身店:我女兒前途盡毀了!

27 Aug 2021

而家有唔少人都擁有紋身,而大家紋身嘅背後原因都各有不同。近日,有位14歲嘅內地少女隱瞞屋企人偷偷以人民幣$300(約港幣$360)紋身,不過紋身後嘅佢性情大變,非常後悔;而少女嘅母親仲嬲到要求紋身店負起責任!

少女母親得知悉少女紋身後 超級憤怒!Photo from 微博

紋身切忌一時衝動,一旦後悔洗紋身所花嘅時間同金錢分分鐘仲貴過紋身好幾倍!最近,有位14歲嘅內地少女就因為衝動紋身,而導致十分後悔,仲花費$3萬人民幣(約港幣$3.6萬)先成功將紋身洗走!

內地少女紋身後感到後悔!Photo from 微博

據媒體報導,內地遼寧省丹東市14歲少女因為好奇心嘅驅使下,隱瞞家人去咗一間紋身舖頭以低價$300人民幣(於港幣$360)紋身。少女嘅左右手臂都被紋身嘅圖案完全覆蓋,十分顯眼。據悉,紋身嘅圖案係由紋身店嘅人所選擇,而花紋睇落就好似日本浮世繪咁,同少女本身斯文嘅形象格格不入!

紋身圖案佔非常大嘅面積!Photo from 微博

同少女嘅風格格不入Photo from 微博

紋身之後,少女就突然性情大變,由開朗活潑嘅性格變成極度孤僻嘅人,開始唔願意返學同其他人交談。由於紋身圖案非常顯眼,而內地對於紋身嘅睇法依然比較保守,因此少女經常都要穿著長袖衫遮蓋,擔心紋身會影響前途。

心痛女兒14歲小小年紀就被騙?!Photo from 微博

父母亦好快就發現少女嘅紋身,佢哋都非常憤怒,母親見到後嬲到話「把我女兒的大好未來全都毀了」!眼看住女兒後悔崩潰痛哭嘅模樣,佢哋就不惜一切帶女兒遠赴上海洗掉紋身,足足花咗2年時間,同埋$3萬人民幣(約港幣$3.6萬)將紋身洗走!不過因為紋身圖案太大,所以即使洗掉都可能會留疤或者有紋身嘅痕跡。

母親認為紋身令女兒前途盡毀Photo from 微博

母親就狠批紋身店為咗賺錢,竟然幫小朋友紋身,並且刻意隱瞞令少女誤會自己已經夠歲數可以紋身;而紋身店就表示「你花多少錢,我給你3倍賠償」,即係以$900人民幣(約$1,080港幣)作賠償!不過母親聽到後就更加氣憤,反駁「900塊如何買回我女兒的自尊心啊?!」

紋身店家願意以$900作為賠償金Photo from 微博

不滿紋身店家以$900作為賠償!Photo from 微博

內地網民睇完事件後,反應兩極,各自持有唔同嘅睇法!部份網民就贊同母親嘅說法,認為紋身店應該負上所有責任「的確不應該給這麼小年紀的小朋友紋身」等;不過有網民就認為父母本身都有好大責任,只係怪責店家未免太過分「自己的小孩都管不住」、「一看就知道是家長的態度令她變孤僻的!」等。

網民反應兩極!Photo from 微博

網民認為家長責任更加大!Photo from 微博

而今次嘅事件亦引起內地網民對於「紋身」嘅熱烈討論,唔少網民都認為現今社會紋身其實並唔代表「壞」,但亦有網民表示唔能夠接受紋身!

部份網民表示有紋身並唔代表啲咩!Photo from 微博

部份網民依然未能夠接受紋身!Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel