三台收視報告｜TVB《兒歌金曲》創新低 網民：以為20年前畫面 ViuTV《力圖打排球》報捷

三台收視報告出爐，今次記錄了8月30日至9月5日期間，TVB、ViuTV與開電視嘅成績。報告除了列出多套劇集表現，亦包括數個綜藝節目，如同在星期六20：30播出嘅TVB《兒歌金曲》及ViuTV《力圖打排球》，後者報捷而前者創新低。除了收視表現引關注外，網民亦指《兒歌》內容過時。

Photo from 兒歌金曲SUMMERFEST TVB

《兒歌金曲》收視創新低

在過去一星期嘅收視報告中，TVB《兒歌金曲》只錄得11.7點收視，而過往一星期嘅《聲夢傳奇First Live on Stage》則有13.3點，再睇埋舊報告中嘅電影《L風暴》有16.4點、《Stand By Me多啦A夢2》12.8點、《明愛暖萬心》14.8點。與過去多個星期節目相比，《兒歌金曲》創新低。

Photo from 兒歌金曲SUMMERFEST TVB

網民指《兒歌金曲》內容過時

對於《兒歌金曲》收視不佳，不少網民認為同當中嘅內容編排、服裝造型不與時並進有關。雖然節目邀請了《聲夢傳奇》出身嘅青春歌手姚焯菲（Chantel）、鍾柔美（Yumi）及詹天文（Windy）亮相表演，但Chantel嘅花紋連身裙被部分網民指「好娘」。

Photo from 兒歌金曲SUMMERFEST TVB

Photo from 兒歌金曲SUMMERFEST TVB

Photo from 連登評論

《兒歌》亦安排了一眾藝人Cosplay卡通角色載歌載舞，例如有黎諾懿扮雷神Thor、薛家燕扮黑白魔后Cruella等，雖然家燕媽媽造型甚為搶眼，但節目截圖被部分網民指：「唔睇個TVB logo，你話係廿年前節目Cap出嚟都有人信。」

Photo from 兒歌金曲SUMMERFEST TVB

Photo from 兒歌金曲SUMMERFEST TVB

Photo from 連登評論

《兒歌金曲》目標觀眾群模糊

另外，有網民指《兒歌》中演唱嘅卡通節目歌曲，最為80後及90頭人士熟悉，但TVB近年已流失大量符合此年紀嘅觀眾，造成「大人唔會睇，細路又未聽過」嘅尷尬局面。網民又指，非原唱者表演經典卡通歌亦係失敗原因。

Photo from 連登評論

《力圖打排球》成ViuTV之冠

於4/9（星期六）播放嘅《力圖打排球》陣容強大，有《男排女將》嘅鄧麗欣（Stephy）帶領MIRROR組隊，又有ERROR以及奧運港隊羽毛球代表謝影雪、鄧俊文齊齊打波玩遊戲，拍攝前已引起熱議。節目最終錄得5.1點收視，相比以往同時段播放嘅電影只得約3點收視，今次多咗約2點。

Photo from 力圖打排球 ViuTV

《七救星》保持優勢終映

而在上一周期奪ViuTV收視之冠嘅《七救星》最終亦能保持好成績完成播映，在今次報告中錄得4.2點收視。

Photo from 七救星 ViuTV

TVB三劇有上升趨勢

至於TVB劇集《七公主》則再破記錄，收視達21.9點，而另一話題劇《智能愛人》都回升至19.2點，《愛．回家之開心速遞》則是三劇中最高收視作品，錄得22.2點。

Photo from 七公主 TVB

Photo from 智能愛人 TVB

開電視資訊類節目較受歡迎

開電視方面，周一至周五中相對最多人收看節目係《開在新聞最前線》（1.7點），周末則是《健康原因講多D》（2.9點）。

相關文章：TVB《智能愛人》疑抄ViuTV《理想國》監製陳翹英：係特登，想向史匹堡致敬！

相關文章：《刑偵日記》收視未如理想　傳TVB將轉策略改播綜藝節目救收視！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）