download HolidaySmart 假期日常 app
方媛首次公開回應「天王嫂訓練營」傳聞! 曾寫長文解釋再刪掉「還是交給時間吧」

方媛首次公開回應「天王嫂訓練營」傳聞! 曾寫長文解釋再刪掉「還是交給時間吧」

娛樂新聞
By Stephanie on 07 Sep 2021
Digital Content Writer

香港四大天王之一嘅郭富城同老婆方媛,一直都非常受大家關注。最近,方媛喺接受傳媒訪問嘅時候,就首次公開回應1年前有關「天王嫂訓練營」嘅傳聞,表示十分委屈。而當時傳聞一出嘅時候,唔少網民都議論紛紛,導致成為當時嘅熱話!

方媛首次公開回應「天王嫂訓練營」傳聞!Photo from 方媛微博

#方媛郭富城「父女戀」被受關注

天王郭富城同內地網紅方媛於2017年結婚,婚後育有兩個囡囡,一家四口十分幸福!而佢哋嘅戀情曝光時就成為咗網民嘅焦點,由於兩人嘅年紀相差足足有22歲,所以唔少網民都唔太睇好兩人嘅戀情。

兩人公開戀情時 不被外界看好!Photo from 方媛微博

城城同方媛戀情一直受到網民關注!Photo from 方媛微博

#直認做「天王嫂」壓力大!

最近,方媛就接受訪問表示唔排斥大眾稱呼佢為「天王嫂」,但就更加希望大家可以稱呼佢為Moka,因為「天王嫂」嘅頭銜令外界經常都將佢嘅一舉一動放大,因此而背負住好大嘅壓力,甚至有傳聞都未能夠及時為自己澄清!

方媛直言成為天王嫂,的確有壓力!Photo from 方媛微博

#首次回應傳聞!

而方媛亦藉呢個機會回應上年不停瘋傳嘅「天王嫂訓練營」傳聞,佢表示原本打算唔理會傳聞,不過佢嘅心情依然大受影響,感到十分難受委屈:「我也有想解釋,寫了很長的一段話,但又刪掉了,覺得還是交給時間吧!」怕越描越黑,所以之前先從來冇回應過!

方媛曾想過解釋,但最終都冇正面回應傳聞Photo from 方媛微博

再加上方媛形容自己本身係心直口快嘅人,如果喺以前一個人嘅時候,一定會主動為自己發聲。但而家嘅情況就唔同咗,害怕自己嘅言論會影響到女兒或者另一半,所以而家嘅佢絕對唔會輕舉妄動!

方媛成為妻子及人母後,事事都會先為屋企人諗!Photo from 方媛微博

因為怕影響家人,唔敢為自己發聲Photo from 方媛微博

#部份網民開始改觀?

喺方媛回應過去傳聞後,其實網民都有對佢改觀,一方面喺認為佢性格極好,情商高,並冇為咗自己嘅面子而胡亂喺網上反擊網民,非常成熟;亦有網民表示其實方媛早前就有喺微博話自己正在學習廣東話,用行動表示希望融入喺香港嘅生活,已經係非常難得嘅事!睇嚟部份網民已經開始對佢改觀~

有網民讚揚方媛願意融入城城生活 已經非常努力!Photo from 連登討論區

唔少網民認為方媛情商十分高!Photo from 微博

#去年被內地富二代爆料「天王嫂訓練營」內幕!

上年,萬達集團董事長王健林獨子兼網紅王思聰就喺「朋友圈」爆料,表示方媛同網紅Luna宣云(現為潘瑋柏老婆)嘅婚姻都係由「Amy姐」打造出嚟!當時事件好快就成功引起網民們嘅關注,而網民們亦好快就搵到疑似「PUA(Pick-up Artist)天王嫂訓練營」嘅內幕消息。喺「Amy姐」旗下嘅女網紅都會上載差唔多風格嘅照片,而同男明星嘅對話亦經過「專人指導」,目的就係令佢哋「釣金龜」,再宣傳成功案例再從中獲利!

內地富二代爆料,有專為女生嫁豪門嘅班?!Photo from 微博

#方媛同潘瑋柏老婆都被傳係學員之一!

網民就翻出方媛同Luna過往微博上嘅照片,發現照片同「Amy姐」旗下女網紅嘅照片差唔多一模一樣,唔少網民都開始信以為真!而曝光嘅照片中顯示,方媛亦的確認識「Amy姐」同Luna,令傳聞變得更真實!

方媛的確認識「Amy姐」?!Photo from 微博

網民翻出方媛、Luna同其他網紅嘅照片幾乎一模一樣!Photo from 微博

#城城霸氣護妻!

儘管當時郭富城喺公開活動主動為老婆方媛澄清,力撐老婆「呢啲不實報導,佢只係半個圈內人,呢種報導對佢而言係好大打擊!」不過傳聞並冇因此而平息,依然引起網民嘅熱議!

就算城城公開護妻都阻止唔到當時嘅傳聞!Photo from 方媛微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

郭富城過奢華生活 豪爽買跑車/做馬主 方媛囡囡超貼地搭經濟艙

21 Jul, 2021

現時55歲嘅郭富城經常都被網民大讚保養得宜,身材依然好fit!近日,佢老婆方媛就「一拖二」帶住囡囡飛往上海一家團聚,不過有網民就發現方媛同囡囡竟然喺搭經濟艙,令唔少網民都不禁留言「城城真係小器」!

方媛微博Photo from 方媛微博

天王郭富城於2017年迎娶比佢小22年嘅內地網紅方媛,婚後兩人誕下兩個囡囡,一家四口十分幸福!而方媛亦經常喺微博上載自己同囡囡嘅生活片段,分享做幸福少奶奶嘅生活~

方媛微博Photo from 方媛微博

方媛微博Photo from 方媛微博

近日,方媛就孤身一人帶住兩個囡囡從香港飛去上海搵拍緊電影嘅城城。由影片中所見,方媛好熟練咁帶住囡囡上機,然而有眼利嘅網民就發現佢哋竟然喺坐經濟艙。唔少網民都將焦點放喺城城度,話佢好小器!

方媛微博Photo from 方媛微博

方媛微博Photo from 方媛微博

不過亦有網民認為喺大家諗太多,「本來暑期回來探親的人就多啊,再加上疫情減少了航班,買不到票很正常啊」,認為喺因為機票難買先坐經濟艙。而方媛亦有讚好呢個回覆,似乎係為城城平反!

方媛微博Photo from 方媛微博

然而,微博就有小道消息話自己嘅家人曾經喺機場偶遇城城,但當時城城係自己一個坐頭等艙,相反方媛就坐經濟艙。而且,就算老婆喺名牌店暗示想買嘢,城城都不為所動,催老婆離開店舖,令唔少網民都不禁覺得城城非常小器!

微博Photo from 微博

其實今次已經唔係城城第一次被網民話佢小器!當年同方媛結婚時,女方嘅中式裙褂禮服只係一般等級嘅「大五福」,除咗手上嘅金鐲,就冇其他首飾。當時傳媒就估計佢哋嘅婚禮大概花費港幣100萬,以天王級數嚟講可以話係非常低調!

方媛微博Photo from 方媛微博

方媛微博Photo from 方媛微博

有網民就爆出佢同舊愛熊黛林拍拖8年,但幾乎冇送過禮物俾對方。喺兩人尚未分手嘅時候,熊黛林嘅閨蜜就喺網上爆料「免費演唱會的票、一起吃飯不需要付錢算不算禮物?」,而城城就表示「唔送禮係唔想養成壞習慣」,並冇介意俾網民話小器,睇嚟喺送禮方面好有自己嘅睇法~

熊黛林微博Photo from 熊黛林微博

郭富城微博Photo from 郭富城微博

但係城城自己就非常懂得享受生活,熱愛賽車嘅佢經常都會一下子動用幾千萬甚至過億元去買跑車,亦動用一筆資金去養馬做馬主!

郭富城微博Photo from 郭富城微博

郭富城微博Photo from 郭富城微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel