方媛首次公開回應「天王嫂訓練營」傳聞！ 曾寫長文解釋再刪掉「還是交給時間吧」

香港四大天王之一嘅郭富城同老婆方媛，一直都非常受大家關注。最近，方媛喺接受傳媒訪問嘅時候，就首次公開回應1年前有關「天王嫂訓練營」嘅傳聞，表示十分委屈。而當時傳聞一出嘅時候，唔少網民都議論紛紛，導致成為當時嘅熱話！

Photo from 方媛微博

#方媛郭富城「父女戀」被受關注

天王郭富城同內地網紅方媛於2017年結婚，婚後育有兩個囡囡，一家四口十分幸福！而佢哋嘅戀情曝光時就成為咗網民嘅焦點，由於兩人嘅年紀相差足足有22歲，所以唔少網民都唔太睇好兩人嘅戀情。

Photo from 方媛微博

Photo from 方媛微博

#直認做「天王嫂」壓力大！

最近，方媛就接受訪問表示唔排斥大眾稱呼佢為「天王嫂」，但就更加希望大家可以稱呼佢為Moka，因為「天王嫂」嘅頭銜令外界經常都將佢嘅一舉一動放大，因此而背負住好大嘅壓力，甚至有傳聞都未能夠及時為自己澄清！

Photo from 方媛微博

#首次回應傳聞！

而方媛亦藉呢個機會回應上年不停瘋傳嘅「天王嫂訓練營」傳聞，佢表示原本打算唔理會傳聞，不過佢嘅心情依然大受影響，感到十分難受委屈：「我也有想解釋，寫了很長的一段話，但又刪掉了，覺得還是交給時間吧！」怕越描越黑，所以之前先從來冇回應過！

Photo from 方媛微博

再加上方媛形容自己本身係心直口快嘅人，如果喺以前一個人嘅時候，一定會主動為自己發聲。但而家嘅情況就唔同咗，害怕自己嘅言論會影響到女兒或者另一半，所以而家嘅佢絕對唔會輕舉妄動！

Photo from 方媛微博

Photo from 方媛微博

#部份網民開始改觀？

喺方媛回應過去傳聞後，其實網民都有對佢改觀，一方面喺認為佢性格極好，情商高，並冇為咗自己嘅面子而胡亂喺網上反擊網民，非常成熟；亦有網民表示其實方媛早前就有喺微博話自己正在學習廣東話，用行動表示希望融入喺香港嘅生活，已經係非常難得嘅事！睇嚟部份網民已經開始對佢改觀～

Photo from 連登討論區

Photo from 微博

#去年被內地富二代爆料「天王嫂訓練營」內幕！

上年，萬達集團董事長王健林獨子兼網紅王思聰就喺「朋友圈」爆料，表示方媛同網紅Luna宣云（現為潘瑋柏老婆）嘅婚姻都係由「Amy姐」打造出嚟！當時事件好快就成功引起網民們嘅關注，而網民們亦好快就搵到疑似「PUA（Pick-up Artist）天王嫂訓練營」嘅內幕消息。喺「Amy姐」旗下嘅女網紅都會上載差唔多風格嘅照片，而同男明星嘅對話亦經過「專人指導」，目的就係令佢哋「釣金龜」，再宣傳成功案例再從中獲利！

Photo from 微博

#方媛同潘瑋柏老婆都被傳係學員之一！

網民就翻出方媛同Luna過往微博上嘅照片，發現照片同「Amy姐」旗下女網紅嘅照片差唔多一模一樣，唔少網民都開始信以為真！而曝光嘅照片中顯示，方媛亦的確認識「Amy姐」同Luna，令傳聞變得更真實！

Photo from 微博

Photo from 微博

#城城霸氣護妻！

儘管當時郭富城喺公開活動主動為老婆方媛澄清，力撐老婆「呢啲不實報導，佢只係半個圈內人，呢種報導對佢而言係好大打擊！」不過傳聞並冇因此而平息，依然引起網民嘅熱議！

Photo from 方媛微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

郭富城過奢華生活 豪爽買跑車/做馬主　方媛囡囡超貼地搭經濟艙

21 Jul, 2021

現時55歲嘅郭富城經常都被網民大讚保養得宜，身材依然好fit！近日，佢老婆方媛就「一拖二」帶住囡囡飛往上海一家團聚，不過有網民就發現方媛同囡囡竟然喺搭經濟艙，令唔少網民都不禁留言「城城真係小器」！

Photo from 方媛微博

天王郭富城於2017年迎娶比佢小22年嘅內地網紅方媛，婚後兩人誕下兩個囡囡，一家四口十分幸福！而方媛亦經常喺微博上載自己同囡囡嘅生活片段，分享做幸福少奶奶嘅生活～

Photo from 方媛微博

Photo from 方媛微博

近日，方媛就孤身一人帶住兩個囡囡從香港飛去上海搵拍緊電影嘅城城。由影片中所見，方媛好熟練咁帶住囡囡上機，然而有眼利嘅網民就發現佢哋竟然喺坐經濟艙。唔少網民都將焦點放喺城城度，話佢好小器！

Photo from 方媛微博

Photo from 方媛微博

不過亦有網民認為喺大家諗太多，「本來暑期回來探親的人就多啊，再加上疫情減少了航班，買不到票很正常啊」，認為喺因為機票難買先坐經濟艙。而方媛亦有讚好呢個回覆，似乎係為城城平反！

Photo from 方媛微博

然而，微博就有小道消息話自己嘅家人曾經喺機場偶遇城城，但當時城城係自己一個坐頭等艙，相反方媛就坐經濟艙。而且，就算老婆喺名牌店暗示想買嘢，城城都不為所動，催老婆離開店舖，令唔少網民都不禁覺得城城非常小器！

Photo from 微博

其實今次已經唔係城城第一次被網民話佢小器！當年同方媛結婚時，女方嘅中式裙褂禮服只係一般等級嘅「大五福」，除咗手上嘅金鐲，就冇其他首飾。當時傳媒就估計佢哋嘅婚禮大概花費港幣100萬，以天王級數嚟講可以話係非常低調！

Photo from 方媛微博

Photo from 方媛微博

有網民就爆出佢同舊愛熊黛林拍拖8年，但幾乎冇送過禮物俾對方。喺兩人尚未分手嘅時候，熊黛林嘅閨蜜就喺網上爆料「免費演唱會的票、一起吃飯不需要付錢算不算禮物？」，而城城就表示「唔送禮係唔想養成壞習慣」，並冇介意俾網民話小器，睇嚟喺送禮方面好有自己嘅睇法～

Photo from 熊黛林微博

Photo from 郭富城微博

但係城城自己就非常懂得享受生活，熱愛賽車嘅佢經常都會一下子動用幾千萬甚至過億元去買跑車，亦動用一筆資金去養馬做馬主！

Photo from 郭富城微博

Photo from 郭富城微博

相關文章：方媛520晒恩愛夫妻合照開行美顏！濾鏡太勁郭富城驚變超尖下巴？

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）