港男呻女友為做gym連工都轉埋！指原本份工高薪厚職！網友：帽事！有教練係度嘛
Photo from TVB
#港男指女朋友平時放工會去做gym
喺繁重嘅工作中都要做下運動，平衡返工作同生活。有啲人可能會選擇得閒先去做運動，不過亦有人會為咗做運動，空出工作時間。喺香港討論區有網友開post，指佢女朋友本身喺寫字樓返工，平時放工都會去做下gym，而女友亦同佢講佢做gym唔係為咗減肥而係想個身型靚。
Photo from TVB
樓主表示自己一開始都十分支持女友，亦有鼓勵女友繼續做，因為佢覺得做運動可以健康啲同埋都見到女友運動後有成效。
Photo from TVB
#突然辭去寫字樓工轉去gym room工作
點知女友一日收工突然打畀樓主話：「我遞咗信辭職啦，下個月會去平時做開gym嗰間公司到做！」，令樓主大感愕然：「我真係唔知比咩反應好，我咪問佢份工要做啲咩」，女友就指新工作就係負責「幫人登記同做下reception」。
Photo from TVB
樓主女友更興奮指：「得閒嗰陣仲可以去做gym，我又可以返工又可以做gym，呢份工係咪好好呢！」，樓主相當無奈：「我都唔明，真係中意做gym到要連份工都轉埋咩？」，佢稱女友本身份工人工高、福利好，唔明點解要辭職，而且轉工都無同佢商量。
Photo from TVB
#網友籲樓主小心女友身邊啲健身教練同事
有網友就指樓主女友辭職去gym room返工可能係因為嗰度啲教練：「應該睇中左其中一位或多位教練」、「唔通教練靚仔又話你知咩」、「帽事帽事！有教練係度嘛」，又叫樓主「打定輸數」
Photo from 《12金鴨》
Photo from 香港討論區
Photo from 香港討論區
Photo from 香港討論區
Photo from TVB
網民稱gym room好多男士出入，奉勸樓主小心喺佢女友身邊出現嘅異性，以免「被戴帽」，亦有人認為樓主女友可能會賺更多錢，因為只要sell到客就會有佣金，分分鐘收入會比之前份寫字樓工多。
Photo from TVB
Photo from 香港討論區
Photo from 香港討論區
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
男友愛上瑜伽堂 全女班惹女友擔心 港女：佢太單純！女同學經常搵佢談心！
30 Jul 2021
近呢幾年，瑜珈成為咗唔少女士最喜歡嘅運動之一。日前，有位港女就喺討論區表示自己男友都報名學瑜珈，然而班上只係得佢一個男仔，而佢仲同班上嘅女同學交換電話聯絡，令港女十分擔心，忍唔住詢問網民應該點做好！
Photo from TVB
相信大家身邊都一定會認識正在學緊瑜珈嘅朋友，不過做瑜珈嘅都係女仔居多！最近，有位港女就喺討論區訴苦，話男友上個月因為Gym room有免費瑜珈堂，所以就開始接觸咗呢項運動，並且一試難忘～
Photo from 香港討論區
港女表示男友上完第一堂瑜珈之後，就同佢分享大讚瑜珈老師好靚女，而且班上嘅同學除咗佢之外，全部都係女仔！而男友喺講起瑜珈班嘅時候，仲不停忍唔住嘴角向上揚，令佢十分不爽。
Photo from TVB
港女就話男友因為性格單純，而且樣貌睇落都幾純同有型，所以唔少一齊上堂嘅女同學都問咗佢攞電話，並且私底下同佢send message談心，男友仲會睇同認真回覆女同學們嘅訊息！
Photo from TVB
當港女發現咗男友同其他女生有來往之後，佢心裏就好難受，並且開始逼迫男友唔準再去學瑜珈，一方面就開Post詢問網民仲可以點做先令男友可以放棄學瑜珈。
Photo from TVB
大部分網民都提議港女應該同男友一齊學瑜珈，咁一方面可以向其他女仔「宣示主權」，又可以增進情侶間嘅感情，一舉兩得；亦有網民搞笑咁提議港女應該去做比較多男生鍾意嘅運動，例如泰拳，等男友都體驗一下佢嘅感受！
Photo from 香港討論區
Photo from 香港討論區
但有網民就直指男友可以咁輕易就同其他女仔交換電話，並且頻頻傳訊息，好明顯係唔識得避忌；或者其實男友亦想藉此認識更多女仔，認為港女應該好好諗清楚男友是否適合佢！
Photo from 香港討論區
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
