港男落車與女友吻別眼濕濕 遂問網友：男人老狗拍拖拍到喊係咪好冇用？

有時候，伴侶一個舉動都足以令對方感動落淚。最近，一名港男上討論區發文，指自己返新工忙碌，一次佢難得與女友約會，搭車道別時卻因女友一個舉動令自己「眼濕濕」，遂問網友：「男人老狗拍拖拍到喊係咪好冇用？」

Photo from 當你熟睡時 劇照

港男難得同女友約會

近日，一名港男到連登討論區發文表示，自己與女友交往3年，以往雙方一星期見面5次，但男事主最近換新工，比以前忙好多，要返朝10晚11，難以與女友夾時間，所以現時一個月只能見面2至3次。

Photo from 愛回家之開心速遞 TVB

男事主稱，最近同女友相隔兩星期無見，約會完畢後，兩人一起搭巴士離開。事主落巴士下層前與女友吻別，佢個心頓時覺得好難受，同時充滿不捨之情。

Photo from 繼承者們 劇照

女友舉動令港男感動到喊

之後，還未到站嘅女友都到達下層，突然拖著事主隻手，同佢講：「返工加油啊~」

Photo from 連登評論

此時，男事主開始忍唔住，「眼角有啲眼濕濕，即刻攬實咗佢（女友）」，雙方擁抱了十幾秒便要離別，男事主繼而下車。

Photo from 珠光寶氣 TVB

港男質疑自己太軟弱

對此，事主有感自己非常軟弱，又問網友會唔會覺得自己「好廢」。多數網友都認為佢並不軟弱，「男人喊一啲都冇問題，有愛你嘅人喺你低落嘅時候，喺身邊為你加油，係人都會忍唔住。」亦有人指，「拍拖就係互相依靠，所以無話廢唔廢。」

Photo from 連登討論區 評論

Photo from 連登討論區 評論

網民勸港男與女友搬出自住

由於事主新工太忙，令佢慨嘆無暇與女友見面，遂問網民：「有冇人諗過同伴侶移民台灣一齊住？」

Photo from 連登評論

對於有網民問佢會否考慮同女友搬出嚟住，事主表示因為要照顧兩老而暫無考慮。此話一出，即引嚟不少網民「畀負評」，並指：「照顧兩老呢點好可能導致將來分手，唔係唔應該照顧，但要諗下點平衡，你講到咁愛都應該想同佢結婚呱。」

Photo from 連登評論

Photo from 連登評論

有網民質疑港男太「群腳」

另有網民指出事主好夜先放工，質疑佢無太多時間照顧父母，所以為長遠打算，應該考慮喺父母附近置業，咁就可以繼續同女友發展之餘，同時睇住父母。亦有網民反問：「咁你咪一世唔洗搬出黎住？」、「咁你拍咩拖姐，攬住你老豆老母過世啦裙腳仔~」

Photo from 連登評論

Photo from 連登評論

對此，事主解釋：「可能唔算叫照顧，但我自己朝頭早會預定午餐d嘢，落埸返去煮晚餐。」回覆得到部分網民諒解，大讚佢孝順。

Photo from 連登評論

相關文章：拍拖一月男友問港女借$8000炒股 事主拒絕後感情轉差 網民：當你水魚！

相關文章：女同事經常分享食物 港男日久生情 心痛各自有伴侶 網民：以為你無錢開飯咋！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）