梁朝偉過去3段深刻情史一覽! 與曾華倩拍拖6年/曾深陷三角戀?!

梁朝偉過去3段深刻情史一覽! 與曾華倩拍拖6年/曾深陷三角戀?!

娛樂新聞
By Stephanie on 08 Sep 2021
Digital Content Writer

梁朝偉(Tony)最近憑住MARVEL電影《尚氣與十環幫傳奇》,人氣再度急升,世界各地唔少粉絲都大讚佢有型!而佢過去嘅感情史亦成為咗焦點,其實佢喺結婚前就曾經有過幾段轟轟烈烈嘅愛情故事,當中曾華倩、張曼玉等都係佢嘅緋聞對象。

最近大家都深陷於梁朝偉嘅魅力之中!Photo from 梁朝偉微博

#拍攝MARVEL電影 人氣再度飆升!

影帝梁朝偉(Tony)近日因為參與MARVEL電影《尚氣與十環幫傳奇》而再度人氣急升,憑住飾演「文武」一角成功俾網民大讚演技同顏值都兼備,獲世界各地嘅網民封為「男神」!

拍攝電影而人氣再度急升!Photo from 《尚氣與十環幫傳奇》海報

世界各地粉絲大讚演技出色!Photo from 《尚氣與十環幫傳奇》預告

#曾與曾華倩拍拖6年!

魅力沒法擋嘅梁朝偉婚前亦有過深刻嘅感情經歷,過去亦曾經迷倒唔少合作過嘅女演員。佢喺1982年嘅時候加入TVB,參與過唔少戲劇嘅演出。其中佢同曾華倩嘅戀情就係因為拍攝《430穿梭機》而撻著!

曾華倩曾經同梁朝偉交往6年!Photo from 曾華倩微博

兩人因性格不同 經常吵架Photo from 梁朝偉微博

據悉兩人拍拖6年,不過由於兩人性格截然不同,所以經常吵架。有傳,兩人交往嘅6年間,曾經3度分手,直到喺1989年嘅時候決定徹底分手,永不複合。不過兩人分手後依然保持良好關係,曾華倩就曾經喺微博上載同梁朝偉以前嘅合照,緬懷過去~

兩人分手後亦是朋友~Photo from 曾華倩微博

#傳曾對張曼玉有好感

之後,梁朝偉就喺拍攝《新紮師兄》被傳同張曼玉互相對大家有好感,但一直都未有一齊。其後,梁朝偉就當時亦有份拍攝《新紮師兄》嘅劉嘉玲一齊。不過3人嘅關係曾一度變得撲朔迷離,喺2000年拍攝《花樣年華》時梁朝偉同張曼玉就疑似擦出愛火!

拍攝《新紮師兄》時就傳兩人都對彼此有好感!Photo from 《新紮師兄》

傳兩人於拍攝時 關係曖昧?!Photo from 《花樣年華》

傳兩人於拍攝時 關係曖昧?!Photo from 《花樣年華》

#《花樣年華》令兩人再續情緣?!

其實張曼玉於1998年嘅時候就已經同法國導演Olivier Assayas結婚,根據當時媒體報導,張曼玉婚後同老公關係並唔好,仲曾經被對方傷害過,因此拍攝《花樣年華》嘅時候,經常都會同梁朝偉傾訴,兩人亦因而日久生情!當時唔少人就猜測梁朝偉同劉嘉玲嘅戀情可能已經不如以前!

張曼玉因為婚姻唔美滿 而經常搵梁朝偉傾訴Photo from 《花樣年華》

#傳劉嘉玲張曼玉因此不和?

隨後,張曼玉亦同法國導演離婚,不過佢同梁朝偉嘅戀情亦隨住電影拍攝完畢而不了了之。2000年5月,佢哋3人就首度於康城電影節同場,仲要一齊行紅地毯。有傳,劉嘉玲同張曼玉自此就「有你無我」,冇再同場過!

三人陷入三角戀後曾經同場!Photo from 微博

#事隔13年世紀破冰!

然而,劉嘉玲同張曼玉於2013年冰釋前嫌咁一齊出席台灣金馬獎頒獎典禮,雖然兩人並冇公開碰面,不過佢哋就乘搭同一班機返港,兩人仲一齊合照,被網民稱為「世紀大合照」!

2013年劉嘉玲張曼玉兩人合照!Photo from 劉嘉玲微博

#同劉嘉玲1989年戀愛至今!

而梁朝偉最深刻嘅就一定係同老婆劉嘉玲嘅戀情喇!佢哋因為舞台劇《花心大丈夫》而相戀,並於1989年公開戀愛!雖然兩人交往期間,都有過唔少緋聞,不過兩人嘅感情非常穩定,並冇因為呢啲傳聞而受到動搖。

兩人自1989年公開戀情後,一直愛得低調!Photo from 劉嘉玲微博

#曾公開表示「劉嘉玲係最了解我嘅人」!

梁朝偉曾經講過自己拍攝電影嘅時候,好容易因為陷入角色遲遲都未能走出嚟,不過劉嘉玲每次都默默喺佢身邊陪伴佢,令佢十分安心。即使後來台灣富商郭台銘極力追求劉嘉玲嘅消息傳得沸沸揚揚,梁朝偉都表示十分信任對方!

梁朝偉形容對方係最了解佢嘅人!Photo from 劉嘉玲微博

#兩人2008年結婚!

直到2008年,梁朝偉同劉嘉玲於不丹結婚,有情人終成眷屬!婚後兩人繼續愛得低調,不過劉嘉玲經常都會喺微博轉載有關老公嘅消息以示支持,而最近就罕有地上載咗一張「老婆視角」嘅相片祝賀梁朝偉生日,兩人嘅感情依然十分好~

劉嘉玲今年罕有地上載梁朝偉生日照!Photo from 劉嘉玲微博

Text: HolidaySmart Editorial
相關文章:

相關文章:

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

廣告
廣告

更多相關文章

TVB獲安排與梁朝偉做訪問竟blur走《尚氣》logo!杜汶澤嘲:呢種風度真係世界級

6 Sep , 2021

尚氣與十環幫傳奇》上映,梁朝偉成為焦點。佢近日為宣傳新戲馬不停蹄咁接受訪問,其中包括TVB娛樂新聞台,不過有網友就發現TVB將梁朝偉主演嘅《尚氣》logo「打格仔」處理,連杜汶澤都有出文鬧爆!

《尚氣與十環幫傳奇》上映,梁朝偉飾演「文武」Photo from Marvel

#梁朝偉出演《尚氣》全球人氣急升

Marvel電影《尚氣與十環幫傳奇》終於喺香港上映,有份出演「文武」一角嘅影帝梁朝偉絕對係電影嘅重要人物。而佢早前亦以全廣東話接受外國傳媒採訪。

電影《尚氣與十環幫傳奇》終於喺香港上映Photo from Marvel

出演荷李活電影嘅梁朝偉人氣爆燈!喺韓國網上更有唔少睇咗電影嘅觀眾表示自己被梁朝偉迷倒!大讚佢好有魅力!

喺韓國網上更有唔少睇咗電影嘅觀眾表示自己被梁朝偉迷倒Photo from 微博

韓國網友大讚梁朝偉好有魅力!Photo from 微博

#梁朝偉久違亮相TVB

為配合電影宣傳,電影公司安排咗影帝梁朝偉接受唔同嘅傳媒訪問,其中包括TVB嘅娛樂新聞台。朝偉久違亮相TVB,大談佢首拍荷李活電影嘅心路歷程。

為配合電影宣傳,電影公司安排咗影帝梁朝偉接受唔同嘅傳媒訪問,其中包括TVB嘅娛樂新聞台Photo from TVB

不過TVB播出嘅訪問片段中,就將梁朝偉主演嘅電影《尚氣》logo 「blur咗」,字幕亦只係以「超級英雄電影」介紹,雖然主持有講到佢飾演嘅角色「文武」,但喺引用《尚氣》嘅片段時都淨係寫上「電影宣傳片段」、「電影花絮片段」等,字幕對《尚氣》隻字不提。

TVB播出嘅訪問片段中,就將梁朝偉主演嘅電影《尚氣》logo blur咗佢Photo from TVB

TVB喺引用《尚氣》嘅片段時都淨係寫上「電影宣傳片段」Photo from TVB

TVB只寫「電影花絮片段」等,字幕對《尚氣》隻字不提。Photo from TVB

唔少網友大感不滿:「大台啲小動作真係令人哭笑不得」、「演員為咗宣傳電影所以接受訪問,但係個電影logo被打蒙咗,我諗全世界係tvb先做得出。」

唔少網友對TVB做法大感不滿Photo from TVB

網友直言:「大台啲小動作真係令人哭笑不得」Photo from TVB

網民指TVB「小器」Photo from TVB

#杜汶澤力斥TVB同人做訪問但blur電影logo

連杜汶澤都忍唔住喺Facebook發文:「點解Tvb 可以做到今日咁嘅成績,完全係來自自信。人哋部戲做宣傳,至俾個梁朝偉你,你blur咗人個logo,呢種風度真係世界級!」

杜汶澤都忍唔住喺Facebook發文Photo from 杜汶澤Facebook

佢直言如果唔係因為電影做宣傳,依家以梁朝偉嘅地位都未必會上TVB:「人哋依家都響荷李活拍緊『尚氣』喇!你哋?做到『上氣唔接下氣』咋!」

杜汶澤直言如果唔係為電影做宣傳,依家以梁朝偉嘅地位都未必會上TVBPhoto from Marvel

有網民留言指:「啲人真係好小器」、「其實佢哋 blur 自己電視台個logo, 分分鐘呢個訪問仲多人睇」,杜汶澤嘲:「無返一百幾十萬都唔使旨意我出你個logo呀」

有網民留言指:「啲人真係好小器」Photo from 杜汶澤Facebook

杜汶澤嘲:「無返一百幾十萬都唔使旨意我出你個logo呀」Photo from 杜汶澤Facebook

#其他天王巨星嘅電影都唔例外?

之前採訪劉德華、劉青雲主演嘅《拆彈專家》同樣都blur咗兩位影帝心口貼紙上印電影名嘅,另外個咪牌都有blur。

採訪劉德華、劉青雲主演嘅《拆彈專家》同樣都blur咗印有電影名嘅貼紙Photo from TVB

《拆彈專家》咪牌都有blurPhoto from TVB

之前劉德華同梁朝偉合作嘅《金手指》都係一樣。相信blur電影名係TVB一貫做法。有網友笑稱唔blur應該就要放梁朝偉大頭訪問片段先得。

劉德華同梁朝偉合作嘅《金手指》都係一樣blurPhoto from TVB

有網友笑稱唔blur應該就要放梁朝偉大頭訪問片段先得。Photo from 杜汶澤Facebook

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel