港男買包遇同學做收銀 感尷尬不相認 網民兩睇：睇低人vs顧及對方面子
如果你同無見多年嘅同學相遇，會唔會同佢打招呼呢？一名港男近日到討論區發文，指讀中學時有個男同學品學兼優，惟於高級程度會考（A-Level）失利，未能考入大學，之後成為廢青並失去聯絡。直至事主近日到麵包舖，發現收銀員正係該同學，但為免尷尬，兩人最後沒有相認。有網民認為事主看不起對方，但亦有人指佢只係為人著想。
Photo from 尼采老師 劇照
男同學考試失利後失聯
最近，一名港男於香港討論區發文，表示中學時期有個男同學性格開朗，讀書成績不錯，一班老師都睇好佢入大學。
Photo from 點解阿Sir係阿Sir TVB
不過，該同學考高級程度會考（A-Level）時失準，即使重讀都仍無法入讀大學。自此，該同學便成為廢青，既無讀書又無返工，又唔回覆同學們嘅Whatsapp，所以再無人知道其近況。
Photo from 愛回家開心速遞 TVB
麵包舖重遇
直至最近，事主造訪朋友家順便到附近麵包舖買包，發現店內收銀員就係該「失散多年」嘅同學。事主稱，同學望咗佢兩眼便好快轉移視線。
Photo from 香港討論區
事主考慮到雙方太耐無見會唔知講乜好，又估計對方未必想被人認出，怕尷尬下最終無同佢相認，但慶幸同學脫離廢青行列有工返。
Photo from 便利店新星 劇照
有網民指事主睇唔起人
對此，網民都有不同意見。有人先好奇為何事主相隔多年仍能認出同學，「戴住口罩都咁容易認，唔好老作。」事主回應，指由於多年後對方樣貌及身型都無咩變化，所以隔著口罩都能辨認。
Photo from 尼采老師 劇照
不少網民認為同學現時任職收銀員無問題，又叫事主唔好睇低人，「每個人有唔同際遇，唔係偷呃拐騙，做份咩工咁又點？」、「人地揀咩生活關你咩事啫？」
Photo from 香港討論區
Photo from 香港討論區
Photo from 香港討論區
另有網民笑言，其實同學可能就係麵包舖嘅老闆，「驚事主扮熟想唔畀錢。」亦有人指同學可能好富裕，只當收銀員一職係風流工。
Photo from 香港討論區
Photo from 香港討論區
有網民為事主平反
不過，都有其他網民認為事主並無「睇低人」嘅心態。有人認為，該同學做廢青後與其他人斷絕聯絡，可能係唔想被人知道自己嘅境況，所以事主選擇唔相認，係為了同學面子著想。網民又指，如果該同學想相認自然會主動向事主打招呼。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
