Coffee林芊妤揭曾因失戀買醉 一晚一支伏特加 曾被家人鬧丟架！

Coffee林芊妤離開TVB後成功建立瑜伽品牌，同時忙於照顧兒子。日前，佢擔任ViuTV節目《晚吹-有酒今晚吹》嘉賓，透露早年曾因情傷而買醉，又指當年「Gathering事件」後被爸爸指責「丟架」，幸好之後透過投身瑜伽行業「企返起身」，又為了仔仔成功戒酒。

Photo from IG: coffee89921

林芊妤自揭情傷

林芊妤（Coffee）近日擔任《晚吹》嘉賓時，憶述早年情傷令佢開始大量飲酒，佢指當年對象係現已離台、之後做獸醫嘅前TVB藝人。到交往後期，男方已向Coffee求婚，但男方一些舉動引起Coffee懷疑，令佢前往男方住所查看。

Photo from ViuTV

Coffee進入無鎖門嘅住所後，發現屋內無人，只見衣物散落一地。當Coffee走出住所時，便碰到正走近門口嘅男方，而且，該男身旁仲有一名女伴。此後，Coffee不理男方挽留決定分手。

Photo from ViuTV

林芊妤曾因失戀借酒消愁

經歷失戀，再爆出「Gathering風波」後，Coffee開始借酒消愁，佢表示，起初佢每晚飲紅酒，由一兩杯增加到一支兩支，之後覺得貴，便轉投伏特加，「開頭飲一杯仔就瞓，後來發展到飲一支。」

Photo from IG: coffee89921

Coffee當時更「日頭教瑜伽，夜晚獨自買醉」，甚至連學生都聞到酒味！「例如做完用頭倒立、用手倒立，當你運氣嘅時候，（酒氣）就會湧出嚟！」佢表示呢種極端生活維持了一段長時間。

Photo from ViuTV

林芊妤為兒子戒酒

Coffee其後回覆媒體訪問時指，佢同老公交往時仍有喝酒，但自從有了兒子便成功戒酒。Coffee每晚都攬住仔仔瞓 ，亦因為現時有老公同兒子陪伴，令佢安全感大增。

Photo from IG: coffee89921

林芊妤曾被家人罵丟架

當年爆出「殘廁Gathering事件」，Coffee坦言佢當時感到好無助，家人反應亦令佢傷心，「因為家人係傳統福建人，佢哋會話收到朋友短訊話我好丟架，我爸爸真係咁，令我好Hard feeling」。Coffee指，全世界話佢都好，如果家人企喺自己嗰邊都釋懷啲，但當時唔係。

Photo from ViuTV

被問當時如何堅持下去，Coffee覺得自己無做錯事，所以無需要離開，否則永遠抬唔起頭做人，又認為邊度跌低就邊度起返身。

Photo from IG: coffee89921

林芊妤分享與家人相處之道

對於何時跟爸爸改善關係，Coffee指，佢發現爸爸需要人哄，所以懂得同父母溝通後會主動關懷佢哋，例如成日去攬爸爸。當自己有一定經濟能力後，爸爸都放心不少，壓力減少後自然改善脾氣。

相關文章：Coffee林芊妤被人當面指「唔知瞓過幾多個男人」！重提當年低谷曾試過食藥一了百了

相關文章：Coffee林芊妤與老公甜蜜度過相識5週年紀念　霸氣回應網民惡意攻擊獲讚EQ高

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）