《尚氣》劉思慕4年前受訪片段被翻出! 被指「蘇玉華」:仿似第三世界國家

《尚氣》劉思慕4年前受訪片段被翻出! 被指「蘇玉華」:仿似第三世界國家

娛樂新聞
By Stephanie on 09 Sep 2021
Digital Content Writer

Marvel最近上映嘅超級英雄電影《尚氣與十環幫傳奇》引起好大迴響,係Marvel系列首位華裔英雄!不過,呢套電影喺內地就引起好多風波,暫時都未能順利於戲院上映。最近,有內地網民就翻出主角劉思慕過去嘅訪問片段,指佢嘅言論疑似「蘇玉華」(敏感字眼,相信大家明白嗰意思嘅~),掀起內地網民嘅怒火!

Marvel電影《尚氣與十環幫傳奇》最近成為全城熱話!Photo from 《尚氣與十環幫傳奇》預告

#《尚氣》暫時未能於內地如期上映!

Marvel 《尚氣與十環幫傳奇》由梁朝偉、劉思慕(Simu Liu)、陳法拉等人主演,電影上映之後口碑非常好,票房成績亦十分唔錯!雖然呢套電影講述嘅係華裔英雄,不過就因為梁朝偉嘅飾演嘅角色「滿大人」被指有「蘇玉華」嘅含義,即使而家改咗名叫「文武」,都未能順利喺內地上映。

尚氣成為MARVEL首位華裔英雄!Photo from 《尚氣與十環幫傳奇》海報

因為梁朝偉角色所以內地未能如期上映!Photo from 《尚氣與十環幫傳奇》海報

#劉思慕過去言論疑似「蘇玉華」?!

一波未平一波又起!最近,有內地網民就翻出劉思慕喺加拿大建國150周年時接受訪問嘅片段,直指佢當時所講嘅內容已經係「蘇玉華」,因此惹怒一班內地網民,引起熱議。

劉思慕2017年受訪片段被翻出!Photo from 劉思慕IG

劉思慕言論引起內地網民怒火!Photo from 劉思慕IG

#4年前受訪片段被翻出!

由訪問中嘅影片所見,劉思慕表示非常感謝父母做出移民嘅決定,認為加拿大的確係一個十分自由嘅地方。另外,佢仲提起父母同佢講述過往喺內地居住時嘅環境,形容當時就好似生活喺第三世界國家咁「好多人都會因為挨餓而去世」!

劉思慕過去訪問時曾話內地好似第三世界國家!Photo from 微博

劉思慕過去訪問時曾話內地好似第三世界國家!Photo from 微博

#掀起內地網民反感!

劉思慕嘅呢番言論隨即惹怒一班內地網民,認為佢嘅不當言論已經係「蘇玉華」!有內地網民就斥責「既然這樣為什麼要演中國人?」、「就是一個加拿大人啊」等,唔少網民隨即表示電影局唔允許電影上映的確係正確!

內地網民不滿劉思慕嘅言論!Photo from 微博

內地網民表示罷睇《尚氣》Photo from 微博

#劉思慕曾短暫居住於哈爾濱

現年32歲嘅華裔加拿大男星劉思慕,5歲嘅時候就已經跟隨父母由黑龍江省哈爾濱市移民去加拿大,並畢業於加拿大西安大略大學商學院,因拍攝加拿大電視劇《Kim's Convenience》而為人熟悉!

劉思慕5歲時由哈爾濱移民到加拿大Photo from 微博

其中一個成名作為加拿大情境劇《Kim's convenience store》Photo from 《Kim's convenience store》

Text: HolidaySmart Editorial

廣告
廣告

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

【尚氣】梁朝偉揭7歲時爸爸三度離家出走 從此不懂與人相處 曾拒演父親

3 Sep , 2021

影帝梁朝偉首次進軍荷里活,喺Marvel電影《尚氣與十環幫傳奇》(Shang-Chi and the Legend of the Ten Rings)飾演反派文武,兼演主角劉思慕父親。向來甚少飾演父親角色嘅偉仔,喺最近接受外媒訪問時,罕有談及與父親關係。

梁朝偉接受外媒專訪罕談父親。Photo from IG: tonyleung_chiuwai

梁朝偉罕談父親

梁朝偉近日接受外媒專訪,透露其父親任職夜場經理,但佢喺偉仔7歲時三度離家出走,自此便無再返家。喺當時60年代尾嘅香港社會,破碎家庭較為少見。

梁朝偉表示小時候父親曾三度離家。Photo from 《尚氣與十環幫傳奇》Marvel

梁朝偉小時候受家庭問題影響

偉仔表示,佢細個時身邊朋友都高興地談論父親與家庭生活。佢認為,自己由當時起開始拒絕同別人溝通,性格變得內斂,非常壓抑。可幸嘅係,媽媽成日帶佢睇電影,有助釋放情緒。

梁朝偉自小愛看電影,同時有助舒壓。Photo from 梁朝偉 微博

偉仔多年嚟甚少飾演父親角色,都同單親家庭經歷有關,佢指,曾經有人希望自己出演失敗父親角色,但佢拒絕咗,原因係佢唔想諗起父親當時如何對待自己。

梁朝偉曾拒絕飾演父親。Photo from IG: hottoyscollectibles

梁朝偉讚「文武」有深度

雖然如此,偉仔今次卻在《尚氣》中飾演主角劉思慕嘅父親「文武」。佢表示,呢個角色係一個具層次、有血有肉嘅角色:「文武小時候被父親瞧不起,無自尊。當佢有超能力就覺得權力等如自尊,導致變得極端,造成反社會人格,又將容易挫敗遷怒到他人身上。」

梁朝偉讚文武係有深度嘅反派角色。Photo from 《尚氣與十環幫傳奇》Marvel

偉仔認為以上因素令角色變成反派,但佢講到底就係一個不懂愛人,也不懂愛自己嘅爸爸。佢又指,雖然角色屬反派,但內心愛家,對家人有強烈嘅佔有慾。偉仔表示,現實嘅佢同樣愛家,但當然無咁極端。

偉仔指文武其實係一個不懂愛人嘅父親。Photo from 《尚氣與十環幫傳奇》Marvel

梁朝偉現實生活很宅

佢透露,只要身在香港便一定會陪家人、同老婆劉嘉玲食飯。今次佢為拍攝《尚氣》遠赴澳洲幾個月,佢話每次拍完戲返港就會留喺屋企同家人聚會。佢仲表示身為巨蟹座嘅自己好宅,平時唔太喜歡出門,只要宅再家中同老婆嘉玲一齊已經幸福。

梁朝偉愛跟老婆劉嘉玲宅在家。Photo from IG: tonyleung_chiuwai

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel