download HolidaySmart 假期日常 app
37歲媽媽成功攻陷26歲小鮮肉男友! 帶同22歲女兒一齊同住:十分信任佢哋!

37歲媽媽成功攻陷26歲小鮮肉男友! 帶同22歲女兒一齊同住:十分信任佢哋!

生活熱話
By Stephanie on 09 Sep 2021
Digital Content Writer

現今社會變得更加開明,姐弟戀已經係十分平常嘅事。日前,日本綜藝節目就邀請咗一對姐弟戀嘅情侶分享佢哋嘅戀愛故事,男方26歲、女方就37歲,兩人感情甜蜜,已經一齊同居。不過最奇怪嘅就係女方帶同22歲嘅囡囡一齊三人居住,令唔少網民感到驚訝!

日本節目邀請年齡相差11年嘅姐弟戀戀人!Photo from 《任意同行 願えますか?》

#日本姐弟戀情侶相差 11年

姐弟戀嘅現象已經變得越來越普遍,而最近日本綜藝節目《任意同行 願えますか?》就邀請咗一對姐弟戀情侶上節目分享佢哋兩人嘅愛情故事,不過身旁嘅主持人聽到佢哋嘅故事時都忍唔住表示十分震驚!

日本節目邀請姐弟戀情侶做嘉賓!Photo from 《任意同行 願えますか?》

#兩人透過網絡認識

現年37歲嘅舞香已經係一位媽媽,15歲嘅時候誕下女兒,離婚後不停尋覓另一半。而佢就分享同男友嘅相識經過,表示同現年26歲嘅男友喺Facebook認識,初次見面時就已經對男友一見鍾情,繼而主動出擊吸引男友注意。

現年37歲嘅舞香透過網絡認識現任男友!Photo from 《任意同行 願えますか?》

#舞香主動追求男友!

舞香就話自己本身就好有異性緣同魅力,不過同男友初約會時,男友卻刻意同佢保持距離,所以佢一度誤會對方可能唔鍾意女仔。隨住兩人嘅認識加深,舞香對男友嘅好感就日益增加,所以佢就決定要主動追求男友,瘋狂向男友撒嬌,最終成功攻陷「小鮮肉」男友嘅心!

對男友一見鍾情 並積極展開追求!Photo from 《任意同行 願えますか?》

#拍拖後先發現男友係荀盤?!

兩人交往後,舞香先知道男友係做投資嘅,年薪至少有逾$1億日圓(約港幣$700萬港元)。而巧合嘅係舞香一直以來嘅拍拖原則就係永遠都唔會用自己嘅錢,所以全部生活開支都係由男友支付。

交往後先知男友高薪厚職!Photo from 《任意同行 願えますか?》

#男友經常送昂貴禮物!

舞香仲喺節目中大晒男友過往送俾佢嘅昂貴禮物:身上穿著嘅名牌鞋同埋價值日圓$70萬日圓(約港幣$5萬)嘅耳環等。佢補充最開心嘅莫過於男友俾咗張附屬卡佢,等佢可以任意購買自己心愛嘅物品!

舞香大晒男友過去送嘅禮物!Photo from 《任意同行 願えますか?》

男友十分大方,就連附屬卡都俾埋佢!Photo from 《任意同行 願えますか?》

#舞香嘅22歲女兒亦一齊同居!

26歲嘅男友後來亦有於節目登場,佢就話覺得女友十分可愛,並且好尊敬佢。而令在場主持人最震驚嘅就係佢哋兩人正在同居,而舞香22歲嘅女兒亦一齊同住!

主持人覺得最奇怪係22歲女兒亦一齊同住!Photo from 《任意同行 願えますか?》

女兒同媽媽嘅男友只係相差4歲Photo from 《任意同行 願えますか?》

#在場主持人都十分驚訝

由於女兒同舞香嘅男友嘅年紀只係相差4年,令在場嘅主持人忍唔住詢問舞香「怕唔怕女兒同男友日久生情?」而舞香就好有信心咁回答「唔會有啲咁嘅事!」,表示大家一齊生活嘅時候會非常注意,尤其喺洗澡嘅時候一定會確保將門鎖上。

舞香表示平時在家,大家都十分小心!Photo from 《任意同行 願えますか?》

舞香對男友同女兒係百分之百信任!Photo from 《任意同行 願えますか?》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

年薪$2.9億日本富婆超豪華生活公開!每次食飯都要包場/ 另有豪宅專放雜物

8 Sep , 2021

呢個世界上有唔少「土豪」,佢哋嘅財產數目分分鐘多到我哋想像唔到!最近,有日本節目就去拜訪年薪賺$40億日圓(約港幣$2.9億)嘅高嶋理惠子(高嶋りえ子),而佢就向大家分享佢嘅日常生活同豪宅,家中仲擁有逾200個名牌手袋,果然有錢就是任性!

年僅33歲 不過年薪已經達到至少$40億日圓!Photo from 《かみひとえ》

#年賺$2.9億日本富婆

世界上有唔少有錢人,有部份富豪依舊過住非常節儉嘅生活,亦有一部分享受緊「離地」奢華嘅生活。日本有一位年輕富婆就係屬於後者喇,而佢就係今年33歲嘅高嶋理惠子(高嶋りえ子)!佢憑著超強嘅吸金能力,31歲嘅時候就已經每年都至少賺到$40億日圓(約港幣$2.9億),亦因此而獲邀出演多個綜藝節目,喺日本擁有一定嘅知名度~

即使近來經濟狀況較差 都可以成功賺得比以前多!Photo from 《かみひとえ》

吸金能力驚人!Photo from 《かみひとえ》

#擁有3間高級俱樂部+個人護膚品牌

據悉,高嶋理惠子畢業於國立大學理科,精通12國語言,現時喺銀座坐擁3間高級俱樂部,事業發展順利!除此之外,佢仲發展副業,出售高級護膚品。即使近呢2年經濟比較低迷嘅時期,佢都成功將佢自己生意嘅銷售額提升足足9億咁多,令佢而家每年賺到嘅錢已經飆升到接近$50億(約港幣$3.5億),非常驚人!

擁有3個高級俱樂部 並同時經營化妝品/護膚品生意Photo from 《かみひとえ》

#享受奢華生活!

而高嶋理惠子嘅富有程度絕對係大家唔能夠想像到嘅,過去佢出演節目時就曾經曝光過自己嘅豪華生活同埋住宅,「離地」生活習慣令網民大為震驚!每日都會身穿華麗嘅服飾,出外亦有專屬司機接送,呢啲已經係基本嘢!

當然有專屬司機接載Photo from 《かみひとえ》

閒時就搭下直升機!Photo from 《かみひとえ》

#獨愛鑽石首飾

每一次出街嘅時候都係全身名牌,而且仲一定會配戴金銀珠寶,其中佢最鍾意嘅就係鑽石!手上嘅鑽石戒指大到嚇親人,一隻手嘅戒指就已經價值接近$4億日圓,再加埋耳環、手鏈等行頭差唔多要大約15億日圓(約港幣$1億)!

每次出街都戴超多飾品!Photo from 《かみひとえ》

戴喺身上嘅全部首飾總值約$15億!!Photo from 《かみひとえ》

#外出食飯必定要包場?!

由於高嶋理惠子唔鍾意食飯嘅時候,俾周遭嘅人打擾到,因此佢外出食飯嘅時候都會直接將成間餐廳包場,即使喺大家要排晒長龍等嘅食店,佢都可以好輕鬆咁品嚐到。而且佢好多時都係睇心情俾錢,曾經試過一餐飯就用咗$100萬日圓(約港幣$7萬)!

每一次出去食 都會將餐廳包起!Photo from 《かみひとえ》

曾經花7萬蚊食一餐飯Photo from 《かみひとえ》

#設有豪宅雜物房

節目中,高嶋理惠子向大家展示嘅係佢用做「雜物房」嘅屋。雖然間屋並非用作居住用途,但係面積都十分大,房間拜訪多年來佢所購買嘅「戰利品」:其中有間房就專門放佢鍾情嘅Hermès手袋,足足有200個咁多!

房間內都擺放咗佢嘅「收藏品」:和服、鞋子等Photo from 《かみひとえ》

專放名牌手袋嘅房間?!Photo from 《かみひとえ》

#決定不再尋覓另一半

好多人都詢問高嶋理惠子點解唔搵另一半陪伴自己,咁多年來都依然係單身。佢就回答因為曾經被論及婚嫁嘅初戀男友傷害導致留下陰影,覺得靠自己更加實際,所以佢已經決定一輩子都單身!

因為受情傷 而決定唔再拍拖!Photo from 《かみひとえ》

認為靠自己最好Photo from 《かみひとえ》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel