download HolidaySmart 假期日常 app
港女放工被毒男同事追落港鐵 不滿被誤會收兵 網民:「唔係兵,係痴漢!」

港女放工被毒男同事追落港鐵 不滿被誤會收兵 網民:「唔係兵,係痴漢!」

生活熱話
By Cheryl on 09 Sep 2021
Digital Editor

追女仔係一門學問,太進取就會有反效果。近日,一名港女到討論區發文,指放工搭港鐵被一名毒男同事窮追不捨,佢不滿自己因此被誤會「收兵」,更被噁心到瞓唔著,又希望毒男看到帖文後知難而退。

港女上網發文,指最近放工被毒男同事窮追不捨。Photo from 愛回家 TVB

港女放工遇毒男同事

最近,一名港女到連登討論區發文,明言「其實有時我哋女人真係唔係想收兵,而係你班男人追女仔追到自己好似隻兵咁。」佢表示,某日放工落大雨,佢碰巧同一名男同事一起離開公司。

港女某日放工碰巧與一名毒男同事一齊走。Photo from 堅離地愛堅離地 TVB

想獨自行嘅女事主刻意加快腳步,但男同事仍「黐住佢」。即使事主表明自己有雨傘,男方仍堅持遮埋佢,事主稱:「佢又借啲意掂我手臂抽下水,真係好噁心,Hi到我成手油。」

港女不滿毒男同事觸碰到自己。Photo from 堅離地愛堅離地 TVB

港女在港鐵被毒男「追」

不久,事主與男同事到達港鐵站,前者先入閘,眼見男方未入閘便立刻跑走。豈料,男同事跑上嚟捉住事主雨傘不放。之後,雙方展開一場「追逐戰」,事主指:「我即刻加速跑,佢又跟住我跑;我逆線跑,佢又跟住我逆線跑;我再轉線跑,佢又跟住我再轉線跑。」

港女意想不到毒男狂追自己,令佢不斷逃跑。Photo from 堅離地愛堅離地 TVB

好不容易,事主終於到達電梯,佢穿插到人群後立刻跑走,成功擺脫男同事,又直言「佢再捉住我,我下次真係大叫」。

港女坦言下次遇同類事件會大叫。Photo from 堅離地愛堅離地 TVB

廣告
廣告

港女對毒男感噁心

事主表示此經歷令佢噁心到瞓唔著,又不滿自己逃跑期間被路人「追住食花生」,和被其他男同事誤會自己收兵,大呻:「成個形象破滅哂,之後仲邊有男同事溝。」

事主不滿「港鐵被追記」令自己被人誤會收兵。Photo from 連登討論區

知道男同事有連登討論區戶口嘅事主喺帖文最後表示:「希望嗰個喺港島返工嘅IT毒男同事睇完之後可以收斂啲,可唔可以有少少尊嚴?」

事主知道男同事有連登帳戶,希望佢可以睇都自己心聲。Photo from 連登討論區

網民指毒男係「痴漢級別」

對此,有網民笑指事主同毒男同事猶如喺港鐵站玩捉迷藏。亦有不少網民認為毒男行為誇張,更指佢「唔係兵,係痴漢」。

網民笑指事主被毒男同事追猶如喺港鐵玩捉迷藏。Photo from 連登討論區

有網民直指毒男不是兵,而是癡漢。Photo from 連登討論區

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel