download HolidaySmart 假期日常 app
港男用直升機於維港上空向女友求婚! 花盡心思 999支玫瑰花/超大橫額示愛!

港男用直升機於維港上空向女友求婚! 花盡心思 999支玫瑰花/超大橫額示愛!

生活熱話
By Stephanie on 09 Sep 2021
Digital Content Writer

結婚乃人生大事之一,唔少女士仲非常重視求婚嘅細節。日前,有位港男就非常用心利用直升機拉橫額向女友求婚,而唔少網民都表示目睹直升機喺上空嘅畫面,而網民亦十分好奇求婚嘅嘅結果。最近,幫手策劃求婚嘅公司就向大家公佈呢位男友花費幾多錢去辦呢場隆重嘅求婚喇!

港男日前辦咗個轟動全港嘅求婚!Photo from TVB

#維港上空出現直升機?!

相信唔少女士都對求婚嘅過程有憧憬,希望男友可以俾自己一個難忘嘅驚喜。日前,有網民就喺討論區表示發現有港男利用直升機喺維港上空向女友求婚,只見直升機拉住一個非常大嘅橫額,上面寫住「Louanne Lam, I Love You! Marry Me」。而唔少市民亦目睹呢一幕,如此花心思嘅求婚儀式,不禁引起網民嘅熱議,好奇究竟求婚嘅結果同港男所花費嘅費用究竟有幾多!

唔少網民喺維港目睹港男用直升機求婚嘅過程!Photo from 連登討論區

#港男為女友籌備難忘求婚經歷!

據悉,港男嘅「直升機求婚計畫」係由一間名為 LinkHere Yacht嘅公司所幫手策劃,其中公司內嘅求婚計畫就有2種,包括係豪華郵輪同埋直升機。而呢位港男選擇嘅「直升機套餐」就當有直升機、12支玫瑰同埋半島酒店嘅候機室,仲可以追加其他服務等求婚過程變得更加完滿!

港男選擇直升機求婚套餐!Photo from LinkHere Yacht 官網

#直升機花費約$40萬!

有指,呢位港男就花費高達$40萬租借直升機向女友求婚,而且佢仲追加大型banner印上示愛宣言,banner亦需要約$28萬追加費用,睇嚟港男為咗女友的確花咗好多心機同財力啊!

港男追加咗超大嘅橫額寫上求婚宣言!Photo from IG@linkhereyacht

直升機於維港上空徘徊!Photo from IG@linkhereyacht

#透露求婚成功!

相信大家都一定非常好奇求婚嘅結果究竟係點!由攝影師Kelvin嘅IG中所見,佢表示女主角Louanne Lam已經答應求婚!而佢就喺IG上載咗佢幫手拍攝嘅求婚幕後花絮,仲大讚港男真係十分用心籌備求婚㗎~

攝影師Kelvin表示女主角已經答應求婚喇!Photo from IG@kelvinshot

攝影師Kelvin為佢哋紀錄低成個求婚過程!Photo from IG@kelvinshotxiang

#港男預備999朵玫瑰花贈女友!

從攝影師Kelvin嘅影片中所見,其實港男仲預備咗好大紮花俾女友,而呢紮花足足有999朵粉紅色玫瑰花!而呢紮花就喺網上花店「MagiquE」購買,根據店舖嘅官網顯示,店舖就只係顯示咗99朵玫瑰花嘅價錢,大約係港幣$1,880,因此猜測港男數量一定花費過萬港幣去購買求婚嘅花喇!

港男再於網上花店購買999支玫瑰花!Photo from IG @magique_fleuriste

官網只顯示99支玫瑰價錢,預計港男花費過萬港幣準備!Photo from magique_fleuriste 官網

#網民表示不理解!

有部份網民就表示唔太理解用直升機求婚嘅意義,認為橫額喺高空飛,根本睇唔清楚;另外有啲目睹呢幕嘅網民話只係聽到直升機嘅聲音!不過每個人對求婚嘅嚮往都唔同,相信呢位港男一定好成功咁為女友提供一個難忘嘅求婚經歷喇~

有網民認為直升機求婚太誇張!Photo from 連登討論區

網民認為呢個求婚一定花費好多錢!Photo from 連登討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編

更多相關文章

10年情前度分手5年想還求婚戒指 港男苦惱:「佢想絕交 定重拾關係?」

20 Aug , 2021

同伴侶分手不時都要處理一堆定情信物。最近,一名港男於網上發文,指其佢曾向前度求婚,但之後分手,對方一直保管求婚戒指。直至近日,對方將自己戴住婚戒嘅照片傳畀事主,問佢想唔想取回,令事主感到疑惑。

101次求婚Photo from 101次求婚

一名港男日前到連登討論區發文,表示自己同一名前度拍拖十年,曾經打算結婚,事主將一隻求婚戒指送畀女方。但五年前分手,女方後來亦有新戀情。

前度Photo from 前度

到近日,事主收到女方傳來相片,相中係女方將以前事主送畀佢嘅求婚戒指戴喺手上,然後問事主想唔想將婚戒攞返走。此舉令事主內心囉囉攣,佢好想知道前度嘅動機,「究竟佢係想重拾返呢段愛情?定還是想斷絕任何關係?」

PinterestPhoto from Pinterest

有網民認為此單一舉動無咩目的,可能只係唔想保管貴重物品。樓主遂補充,分手後嘅呢五年嚟,雙方有保持聯絡。佢指,分手後前度曾因為屋企有曱甴搵事主上去幫手捉,但實際目的係想「激佢現任男友」,事主最後拒絕。

愛回家之開心速遞Photo from 愛回家之開心速遞

另外,事主亦知道前度最近同現任男朋友關係唔太好。佢又覺得前度於分手五年後才問佢要唔要返隻婚戒好奇怪,種種因素下,令事主對情況好奇,稱:「我純粹想知佢喺度諗緊啲咩,反正五年後今日嘅我已經對佢冇晒任何感情。」

前度Photo from 前度

事主堅稱對前度無任何留戀Photo from 連登討論區

對此,網民意見分歧,有人認為女方可能只係需要清理物品,或者將移民而斷捨離。有網友勸事主,感情已逝就爽快拎返隻戒指走人,咪再理人諗咩。

連登討論區Photo from 連登討論區

連登討論區Photo from 連登討論區

連登討論區Photo from 連登討論區

不過,亦有網民指:「女人點會無情情整啲咁既空位俾你發揮」、「如果真係咁簡單,就唔會戴番上手影張相去問人想唔想拎番啦,分分鐘想食回頭草」。另有人猜測女方心目中想事主回應:「我個求婚仲有效。」

連登討論區Photo from 連登討論區

連登討論區Photo from 連登討論區

連登討論區Photo from 連登討論區

除此,有網民推測若事主拒絕收戒,女方便會將婚戒拎去金舖賣,但亦有人反對,指:「鑽戒賣出去唔值錢,無證書就更加」。最後,事主依然覺得前度喺呢個時間點戴住舊婚戒問佢處置方法係奇怪行為,佢並未有總結會如回應前度。

連登討論區Photo from 連登討論區

連登討論區Photo from 連登討論區

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel