download HolidaySmart 假期日常 app
張寶兒爆:「袁偉豪一直養緊我!」自豪分享《聲夢》演唱會穿搭心得

張寶兒爆:「袁偉豪一直養緊我!」自豪分享《聲夢》演唱會穿搭心得

娛樂新聞
By Cheryl on 10 Sep 2021
Digital Editor

張寶兒早前為《聲夢傳奇》學員設計造型,雖然被不少網民指品味不佳,但佢仍拍片分享穿搭心得。除此,佢出席活動時又指家中支出大多由老公袁偉豪負責,仲笑言一直被袁偉豪養緊!

張寶兒分享《聲夢》造型設計心得,又笑指一直被袁偉豪養。Photo from 張寶兒 IG

張寶兒分享《聲夢》造型設計心得

近日,張寶兒於個人YouTube頻道上載了《聲夢傳奇 First Live On Stage》嘅演唱會後台花絮。片中,佢帶觀眾參觀後台佈局,又解釋每件舞台服同飾物嘅配搭。

張寶兒帶觀眾到《聲夢》演唱會後台參觀。Photo from 張寶兒 Youtube

連張寶兒老公袁偉豪都有貢獻私服畀《聲夢》Hugo著。Photo from 張寶兒 Youtube

鍾柔美喜歡自己造型

當寶兒走進其中一個換衣間時,遇到正在調整麥克風嘅鍾柔美(Yumi),Yumi見到鏡頭便興奮歡呼,又表示:「我好鐘意我啲衫,我咩衫都鐘意~」

鍾柔美Yumi表示好鐘意自己被安排穿著嘅服飾。Photo from 張寶兒 Youtube

姚焯菲最適合著毛毛裙

寶兒又拿出由姚焯菲(Chantel)穿上,被唔少網民指似雞毛掃/懷舊雪條嘅漸變橙黃色毛毛裙,解釋羽毛設計係今年時裝界嘅熱門趨勢,所以佢一見到呢條裙便立即將佢放入首選清單,更指:「因為好多毛毛,所以人唔夠可愛會handle唔到」,寶兒與各方商議後,最終決定畀Chantel穿上此裙。

張寶兒指羽毛設計係今年潮流界大熱。Photo from 張寶兒 Youtube

張寶兒認為個人要夠可愛先carry到如此誇張鮮艷嘅毛毛裙,而Chantel就係最合適人選。Photo from 張寶兒 Youtube

張寶兒宣傳新劇《OPM》

除了拍片分享《聲夢》花絮,寶兒日前出席了TVB新劇《OPM》宣傳活動,由於佢喺劇中飾演財經記者,故提及同老公袁偉豪嘅投資狀況。

張寶兒將於TVB新劇《OPM》飾演財經記者。Photo from 張寶兒 IG

張寶兒唔敢幫老公買股票

寶兒透露由於在經營生意嘅家庭中長大,所以佢從小就會儲起生活費做本金,到中三已開始投資買美股。佢坦言,雖然自己有買股票習慣,但都驚蝕錢,所以唔敢幫老公袁偉豪買股票。

張寶兒話只敢幫自己買股票,同袁偉豪會分開投資。Photo from 張寶兒 IG

寶兒續指,佢同袁偉豪係分開投資,而老公都好少買股票,「佢買樓居多。」

張寶兒話袁偉豪少買股票,佢買樓居多。Photo from IG: ctkkit

張寶兒笑指一直被袁偉豪養

談到家中財政情況,寶兒指佢同老公係分工合作,其實屋企支出大多都由袁偉豪負擔,更笑言一直都係袁偉豪養緊佢!

張寶兒笑言自己一直被袁偉豪養緊。Photo from 張寶兒 IG

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel