download HolidaySmart 假期日常 app
日本最強陪酒女櫻井野之花被捕!2年賺14億円 罰款百萬網民嫌太少

日本最強陪酒女櫻井野之花被捕!2年賺14億円 罰款百萬網民嫌太少

生活熱話
By Cheryl on 10 Sep 2021
Digital Editor

櫻井野之花係日本陪酒界嘅傳奇人物,佢擁有超高營業額,又係兩間陪酒俱樂部嘅老闆娘。不過,自疫情爆發,佢生意大受影響,櫻井更開始違法經營,雖然佢賺到14億円(約1億港元),但最終還是被捕,有網民仲嫌佢判刑太輕!

櫻井野之花有「最強陪酒女」之稱,最近因假借他人名義經營風俗店被捕。Photo from IG: nonoka199148

櫻井野之花過去因外貌被欺負

32歲嘅櫻井野之花(本名︰渚りえ)兒時曾被同學嘲笑樣貌似猩猩,繼而被欺負,此經歷促使佢進行整形手術及節食,佢更聲稱自己「動刀」次數超過100次,花費超過2000萬日圓(約港幣146萬)!

櫻井野之花曾因外貌被同學欺負。Photo from IG: nonoka199148

櫻井野之花曾自爆未整形照

櫻井野之花曾於IG自爆約10年前嘅未整形照,同現時對比,改變確實相當大。佢曾揚言要整成石原里美、橋本環奈等女星,但部分網民認為佢已走火入魔。

櫻井野之花曾上載自己未整形相片。Photo from Abema News

櫻井野之花大方上載整形前後對比圖到IG。Photo from IG: nonoka199148

最強陪酒女

畢業後,櫻井成為了一名陪酒女及網紅,經常喺YouTube頻道及社交網宣傳自己兩間陪酒俱樂部。佢又自稱係歌舞伎町連續100個月得到No.1嘅皇牌,更揚言:「做陪酒女係我嘅天職」,所以佢有「最強陪酒女」稱號。

櫻井整形後成為了一名陪酒女及網紅。Photo from IG: nonoka199148

被警方發現超時經營

據日媒報道,當地警方於今年1月喺歌舞伎町進行執法行動,並發現櫻井超時經營其風俗店,當時佢被警方警告。櫻井更因此拍片道歉。

櫻井野之花為違法行為拍片道歉。Photo from FNN NEWS

2年間賺14億日圓

其後,警方又發現佢未經營業許可,假借他人名義營業。佢對外公佈負責人係另一男士,實情卻係櫻井本人負責經營及接客。佢喺兩年間共賺取14億日圓(約1億港元),最後於5月18日因觸犯風俗營業法被正式拘捕。

櫻井野之花兩年間共賺取14億日圓,其後因觸犯風俗營業法被拘捕。Photo from FNN NEWS

假借他人名義營業犯法

喺庭上,法官問櫻井點解要違法營業,佢回應,呢個係歌舞伎町嘅不成文規定:「問十個人,十個都會覺得無許可經營無問題。」而且,佢本來已有超時營業嘅記錄,所以佢認為用其他人名義開店可以省下不必要嘅麻煩。因此,櫻井每月花5萬日圓(約3,500港元)請別人做自家店嘅代表人。

櫻井野之花假借他人名義經營陪酒點被捕。Photo from FNN NEWS

櫻井野之花被判刑

裁判官形容櫻井行為大膽惡劣,又指佢謀取暴利,最後判佢6個月、緩刑3年、罰款100萬日圓(約70,730港元)、和強制徵收約4000萬日圓(約280萬港元)。雖然被罰,但當櫻井在庭上被問以後有無打算繼續喺歌舞伎町工作,佢堅定回答:「我會繼續。」裁判官又告誡櫻井,佢再犯就要履行刑罰,佢表示明白。

櫻井野之花被判6個月、緩刑3年、和罰款100萬日圓。Photo from FNN NEWS

有網民認為判刑太輕

雖然櫻井被罰款及判刑半年,但部分網民認為款項對比佢賺嘅錢只係小數目,指其阻嚇性不足,網民又表示,無許可經營代表佢無交稅,咁對其他認真交稅嘅市民嚟講太唔公平。

有網民認為櫻井野之花判刑過輕。Photo from FNN NEWS

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel