download HolidaySmart 假期日常 app
港女嫌棄米線舖污糟用港式英文鬧爆!網民睇唔明:乜嘢英文嚟㗎?難過公開試啲文言文

港女嫌棄米線舖污糟用港式英文鬧爆!網民睇唔明:乜嘢英文嚟㗎?難過公開試啲文言文

時事熱話
By Jennifer on 10 Sep 2021
Digital Editor

唔少年輕人打字會中英夾雜,有時甚至會用埋「港式拼音」,不過就唔係人人都睇得明!早前有港女米線舖食嘢卻嫌棄環境污糟,喺IG Story鬧爆,雖然驟眼睇係英文,但仔細留意有好多「自創拼音」,令人睇到一頭霧水。

唔少年輕人打字會中英夾雜,有時甚至會用埋「港式拼音」Photo from TVB

#港式拼音

「拼音」喺文字對話中都頗為常見,唔少女生喺WhatsApp、IG等社交網站、工具都會用「港式拼音」溝通,即係以英文拼出廣東話。例如「好」會寫成「ho」、「靚」寫做「leng」、「我」寫作「ngo」、「都得」寫成「dou duk」等等。

唔少女生喺WhatsApp、IG等社交網站、工具都會用「港式拼音」溝通Photo from TVB

「港式拼音」唔係咁易明,因為佢多數會出現喺正常嘅英文之間,有時需要讀埋出聲先會get到真正意思。

「港式拼音」多數會出現喺正常嘅英文之間,唔係咁易明Photo from TVB

#港女IG鬧爆米線舖污糟

早前有港女喺IG Story post出一篇「英文」,佢喺文中指自己去咗米線舖獨自食晚餐,並力斥間舖同其他食客都十分污糟,令佢忍唔住喊咗出嚟。

有港女喺IG Story post出一篇「英文」,佢喺文中指自己去咗米線舖獨自食晚餐Photo from lihkg

不過全篇夾雜唔少「港式拼音」,有部分更係呢位女士「自行創作」,有網民將呢個Story分享上連登討論區,好多網友大呼睇唔明!

有網民將呢個Story分享上連登討論區,令網友大呼睇唔明!Photo from TVB

#網友嘗試解讀「火星文」

有網友嘗試解讀,篇文大意係「我太窮啦,唯有是但去一間噏耷米線舖食晚餐,但嗰度又污糟又噏耷,我周圍嗰啲人都好污糟,所以我估啲嘢食都好污糟,有一秒直程想嘔,之後唔食走咗,我喊咗出嚟,因為我好慘。」

網友嘗試解讀「火星文」Photo from lihkg

有好多拼音穿插喺英文之間:「updup(噏耷)」、「maiseen(米線)」、「都好(dou ho)」、「chaam(慘)」等,而且正常嘅英文佢都用咗縮寫,例如「dinner(din)」、「people(ppl)」、「around(ard)」、「wanna(wna)」、「second(sec)」等,大大增加「解讀」難度。

港女指自己太窮啦,唯有是但去一間噏耷米線舖食晚餐Photo from TVB

港女指米線舖同其他員工、食客好污糟Photo from TVB

港女表示有一秒直程想嘔Photo from TVB

港女最後無食到碗米線就走咗,仲喊咗出嚟,因為覺得自己好慘Photo from TVB

#網友直言難過公開試啲文言文

網民睇完後表示好似睇緊火星文:「仲難過公開試啲文言文」、「And夠未」、「皺著眉頭用咗五分鐘先睇得明」、「chinglish ho larn understand ah(港式英文好難明啊)」、「點解會睇得明」

網民睇完後表示:「仲難過公開試啲文言文」Photo from lihkg

網友指港式英文好難明Photo from lihkg

有網友就指成篇文最難明係「Wuddud」:「係佢自創㗎?」,又有人指佢似乎想showoff英文:「格硬塞個reckon想點」,亦有網民疑似認識嗰位港女。

有網友就指成篇文最難明係「Wuddud」Photo from lihkg

有人指佢似乎想showoff英文:「格硬塞個reckon想點」Photo from lihkg

有網民疑似認識嗰位港女。Photo from lihkg

有網友就分享另一篇「港式拼文作文」,成篇主要係英文夾雜港式拼音,但中間就突然出現「道具」呢個中文,令網友笑言:「係咪唔識道具英文係props」

有網友就分享另一篇「港式拼文作文」,中間突然出現「道具」呢個中文Photo from lihkg

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

港女嬲男友食飯唔讓梳化位俾佢! 盤點5個網民遇過嘅公主病事例

8 Jul 2021

情侶相處之間,難免會因為生活習慣唔同而產生矛盾。近日,有位港女就表示因為男友食飯時冇讓梳化位俾佢坐,而感到憤怒!呢個post一出就引起網民嘅關注,唔少網民都認為呢位港女有「公主病」~

TVBPhoto from TVB

唔少情侶都經常會因小事而爭吵,透過呢種互動亦可以令彼此更加了解對方。日前,有位港女就喺討論區大呻因為男友嘅一個舉動而激嬲咗佢!事源就係呢位港女同男友相約出外食晚飯,不過佢因為工作關係而遲到,所以男友就喺餐廳內等佢。

香港討論區Photo from 香港討論區

然而,當佢入餐廳嘅時候就發現男友竟然坐咗喺梳化位,而男友仲冇想讓位置俾佢嘅意思,令佢怒氣沖沖!佢就解釋認為男生讓梳化位俾女仔坐係「定律」嚟,因為梳化位相對上比較舒服,冇可能要女生坐木椅,令佢覺得男友十分唔稱職!

TVBPhoto from TVB

大部份網民都認為係港女過份小題大做,覺得佢有「公主病」,而且佢所講嘅「定律」並非大家一致認同嘅;但亦有部份網民表示明白港女嘅諗法,覺得佢男友唔夠風度!

香港討論區Photo from 香港討論區

香港討論區Photo from 香港討論區

正如網民們所講,佢哋認為該名港女太任性自我,而大家多數都以「公主病」專稱呢啲女仔。而家就等我哋一齊睇下網民們經常遇到嘅「公主病」事例啦~

奉旨要男友俾錢

有網民就分享過同女友食飯,十次有九次都係佢俾錢。網民就表示其實自己唔介意請佢食飯,不過每次俾錢嘅時候女友都只係坐喺度,好似奉旨要佢俾咁,呢種態度令佢有啲難受!

連登討論區Photo from 連登討論區

TVBPhoto from TVB

過度情緒化

人難免都會有情緒,然而有公主病嘅女仔係會不分場合咁將自己嘅情緒宣洩出嚟,令身邊嘅人非常難堪。有網民就分享曾經見過有港女喺上飛機嘅時候插隊,而導致俾地勤人員提醒。呢位港女隨即發脾氣話「我而家就唔排隊唔上機」,仲認為地勤人員出言傷害佢,要求人哋道歉,十分荒謬!

TVBPhoto from TVB

著重物質

唔少人都認為公主病嘅女仔熱愛使用名牌手袋、衣服等,目的就係為咗令自己有面子。有網民就分享同拍拖9年嘅女友因為買名牌而吵大架嘅事件,適逢情人節佢就打算帶同女友係選禮物,而女友就帶佢去咗間名牌店,表示想買頸巾。然而,條頸巾價值五千幾,令網民認為根本唔值得買,因此而同女友爭論!

連登討論區Photo from 連登討論區

TVBPhoto from TVB

完全冇自理能力?!

唔少網民都經常比喻公主病嘅女仔「好似冇手咁」,基本嘅小事都做唔到。有網民喺討論區分享已經結婚嘅同事竟然唔識打蛋同煲熱水,令佢十分驚訝;亦有網民話自己女友嘅鞋帶永遠都係佢幫手綁㗎!

連登討論區Photo from 連登討論區

永遠都唔認錯

討論區成日都有唔少「苦主」男友分享,投訴自己嘅女友就算做錯事都絕對唔會道歉,甚至有時候仲要男友哄返轉頭先得。

高登討論區Photo from 高登討論區

TVBPhoto from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel